JEREMIA 10:19 - AMÜSÜH HÜM CL Bible (BSI)

¹⁹ I yurikhi dünkheaknü I ayokhe! I mü mütsüdak. Tüshe inü tha, “Tsükjide ha I thsümüchi lah, tüsho inü arümbeah.”

JEREMIA 10:19 Iomraidhean Croise

MUNGSHIKHÜN 39:9

Inü thiyu mütha, inü I mün mükhimshuh, tümütüsho nünü ha rhimokheah.

MUNGSHIKHÜN 77:10

Tüsho inü tha, “Ha I thsünü ah; tüshe inü Khide Achang khah tsülim kambo lümkhitbah.”

ISAIA 8:17

Inü Atungpuh aleangbah, shepü miro Jakob yamkhün kheaknü jikla, tüsho inü api kheak mulonglambah.

JEREMIA 14:17

Nünü arü ki ha yu thaang: Azhing tüsho ayin I mükbo ching chike bukkhishang, tüsho jurü dükheamshih, tümüde atsangkhit tsührübe – I mihtsürü– mülangde dama kinga yapshihlah, khide sükde yurijihdo.

JEREMIA 14:7

Isa mülimkhibonü isa azhihde thiyumütsan thsüthsü she, O Atungpuh , nü mung chingnü rhimoang; tümüde isa ashitlokhi tode lah tüsho isanü nü azhihde neak yihbeakdo.

JEREMIA 17:13

O Israel mulonglam! O Atungpuh ! Nü bahyukrü alala achih ngübah; sherü nü kheaknü rholode tsochonü alo ching thrütyukbah, tümüde arünü rhangdung ke-bukpung, Atungpuh bahyukdo.

JEREMIA 4:19

I thsünükhi, I thsünükhi! I thsünü ching kolahchoh! O, I mulong thsünükhi! I mulong thüpthüpchoh; inü zhikde mülakhuk; tümüde inü hulipungpung düsheak thirithsüpü arhunganimkhi sochoh.

JEREMIA 4:31

Tümüde azoberü thsünüchoki nangde azhikhi khülang inü sodo, anihbe tsührü atuzuk zübechoki nangde, Zion azhikhinü sheak dükipchoh, anihbe khah chungkihchoh, “ I ayokhe! I mihkhukrü miki sheshihchoh!”

JEREMIA 8:21

Tümüde amuzhobe I mihtsürü yurikhinü I yuria lah, inü tüzhochoh, tüsho amüyinnimkhinü I tholobah lah.

JEREMIA 9:1

O I ku ha kenü müthsüde, tüsho I mükbo ha chike bukpung müthsüde, junangde inü animung tüsho are amuzhobe I mihtsürü laksahkhi thsungkheak tripbah!

TÜZHOKHI 1:2

Anihbenü azhing ching, anihbe ngobo kheak chikebo bukde düsüknimde tripchoh; anihbe muzhorü bolung anihbe shukheamrü she müla; anihbe müyamrü alalanü anihbe ki mülapyukde rhimodo, arübo anihbe riribo kamdo.

TÜZHOKHI 3:48

I mihtsürü thsümünimkhi dünkheaknü I mükbo ching chike ayungbo bukchoh.

MIKA 7:9

Tümütüsho inü api azhihde neak yihbeak, api I kilim tsangkhi tüsho I mahkhapkhi khiungde inü Atungpuh bukakhiukkhi arümpü lah. Apinü I ayin ching bekhitbah; inü api thiyuro-lungki ngübah.