JEREMIA 10:18 - AMÜSÜH HÜM CL Bible (BSI)

¹⁸ Tümüde Atungpuhnü ha thachoh: Ha kim ching inü lomi mihtsürübo lahkhita bahpü thsülah, tüsho inü arü kheak thsümütsü handarübah; junangde arünü angübah.

JEREMIA 10:18 Iomraidhean Croise

ISAIA 22:17

Atungpuhnü nü rüp jipyuka bahpü lah, O sühmüh lakhi mihtsürü. Apinü nü düngde ramlobah,

JEREMIA 16:13

Jumonü inü ha lomi chingnü nüsa yungsho nüsa jipürünü mümükheahkhi lomi ching jipkhita bahbah, tüsho ju ching nüsanü azhing tüsho ayin püpürü thrünpuhbo tankihbah, tümüde inü nüsa ki amuzho muhuh.

JEREMIA 22:26

Inü nü tüsho nü zübekhi nü be, nü müzübepung lomi ching yana tsoshihbah, tüsho ju ching nü shebah.

JEREMIA 23:20

Api lümkhi mürhimoyiki tüsho akuk müngüyiki Atungpuh bukakhiukkhi murholo. Püpü nimungbo ching nüsanü mütsande anikhitbah.

EZEKIEL 6:10

Tüsho I Atungpuh de arünü mükheahbah; inü ha thsümütsü arü kheak handarüpü akeangkeang ching müzünkhi yung.

ZEPHANIA 1:17

Inü hadürü lümthsünü mihtsürübo kheak handarübah, junangde arübo müktukrü nangde atsahbah; tümütüsho arünü Atungpuh azhihde neak yihbeakkhinü, arü thiyih ke nangde abukkhitbah, tüsho arü shih müneanmuru mujung nangde alabah.

ZEKARIA 1:6

Tüshe I yubo tüsho I yakzanbo, küpü inü I yamlarübo tüsho wukihrübo ki thiyukhüm jihkhea, jurünü nüsa jipürü müyanphuhkhea de? Jumonü arünü mulong müthri tüsho tha, “ Wuto Atungpuhnü apinü arhimopü lümkhi thsükhi nangde isa limrobo tüsho rhimobo yande isa ki rhimodo.”

YUZÜNGTHALO 28:52

Nüsa lomi alala ching nüsa mulonglamkhi chipi achangnü ayünkhibo mükeamyi khiungde arünü nüsa kiutobo alala ching yanbah; tüsho Atungpuh nüsa Thrünpuhnü nüsa kilim jihkhi lo alala ching arünü nüsa yanbah.

1 SAMUEL 25:29

Khürünü nü müshampü asürüsho tüsho nü rhangdung yimsho, I tungpuh rhangdung ju Atungpuh nü Thrünpuhnü akümkhi rhangdung ching rhükdoa zobah; tüshe nü riribo rhangdung a lunghitliu chingnü hitkhita bahkhi nangde apinü hitkhita bahbah.