JEREMIA 10:13 - AMÜSÜH HÜM CL Bible (BSI)

¹³ Küyimki api düsheak alankhea, thüningbo ching ke arung tüsho apinü alomi akheam chingnü amo yükihshihchoh. Apinü tsüng thsungkheak chinchobe phürapshihchoh, tüsho apinü zowupung chingnü apung bekhitchoh.

JEREMIA 10:13 Iomraidhean Croise

THRÜNTAN 2:5

ju alomi ching thulu sangrung tüsho thulu ching rim tümü mümukhuhyi. Tümüde Atungpuh Thrünpuhnü alomi kheak tsüng marüshih, tüsho alo wochakpü mihtsürü mülade alakheah;

1 KIULONG THSÜRÜ 18:41

Elijanü Ahab ki tha, “Wutubah tsühang tüsho yungang; tümüde ju ching tsüng hihde arükhi düsheak lah.”

JOB HU H T ANYU 38:22

Nünü phürüm zopung ching yüzahdü de, yungsho aru zopung ngüdü de,

MUNGSHIKHÜN 104:13

Apinü api achangbe khiungshak chingnü awungbo kheak ke dütsütchoh; nü rhimobo aso asokhinü alomi reangkeamde lah.

MUNGSHIKHÜN 135:17

Arü nükhünbo lah, tüshe arünü muso; yungsho arü münbo ching sheak müla.

MUNGSHIKHÜN 135:7

Apinü alomi akheam chingnü kesheakbo akihshihchoh; apinü tsüng thsungkheak chinchobe thsüchoh; apinü api rahpungbo chingnü apung bekhitchoh.

MUNGSHIKHÜN 147:8

shepünü thüningbo amobonü yihdocho, shepünü alo thsungkheak tsüng thsakhamcho, shepünü müzüngbo kheak rimbo mukhuhshihcho.

MUNGSHIKHÜN 18:13

Atungpuhnü thüning ching tsüngmuk, tüsho Khide Achangbuhnü arulung, tüsho chinchobe phürapkhinü adüsheak thsü.

MUNGSHIKHÜN 68:33

jipü yinmibo kheaknü yinmi kheak tsahbuh kilim; kheahang, apinü anihbuh wuto düsheak arüshihchoh.

ABEKHIT 9:23

Tüsho Mosanü api tso thüning lim chungkih; tüsho Atungpuhnü tsüngmukde arulung akishih tüsho alo kheak chinchobe phürap. Junangde Atungpuhnü Ijip lomi kheak arulung akishih;

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

JEREMIA 19:12

Hanangde ha dangpung, ha ching larü tüsho ha kiuto Topheth nangde akamshihpü Atungpuhnü thachoh.

JEREMIA 5:24

Arünü mulong ching mütha, “ Isanü Atungpuh isa Thrünpuh treanü, shepünü akheahmünchi ching tsüng arüshihcho, mumükin tsüng tüsho mükhean tsüng jihcho, tüsho isa kilim yimlupü nimungbo akhukhita zojihcho.”

JEREMIA 51:16

Küyimki apinü tsüngmukbanü, thüningbo ching kebo arungchoh; api alomi akheam chingnü amobo yükihshihchoh. Apinü tsüng lung chinchobe arüshihchoh tüsho api zowupung yambo chingnü apung hankhitchoh.

AMOS 4:13

Tümütüsho, shepünü müzüngbo thrünchonü, apung thrünchoh, api lümkhi mihtsürübo ki huhchoh, yapsu ju amiting kamshihchoh tüsho alomi achangbo kheak tsahchoh– Atungpuh , Wuto Thrünpuh ju api mung lah!

ZEKARIA 10:1

Atungpuh , chinthrüm mo thsübuh ki mükheankim tsüng akheahmünchi ching kheangang. Apinü mihtsürü kilim tsüng arüshihchoh, tüsho mihbüm aban kilim thulu sangrungbo jihchoh.