JEREMIA 10:12 - AMÜSÜH HÜM CL Bible (BSI)

¹² Api wu-sühmüh hode alomi thrünkhi ju api ah, shepünü api lümlung hode alomi thrünkhit, tüsho api anikhitkhi hode thüningbo thoshang.

JEREMIA 10:12 Iomraidhean Croise

THRÜNTAN 1:1

Atankih ching Thrünpuhnü thüningbo tüsho alomi thrün.

THRÜNTAN 2:5

ju alomi ching thulu sangrung tüsho thulu ching rim tümü mümukhuhyi. Tümüde Atungpuh Thrünpuhnü alomi kheak tsüng marüshih, tüsho alo wochakpü mihtsürü mülade alakheah;

1 KIUTHSÜYUKHEAN 16:26

Tümümüde mihtsürü alala thrünpuhbo ju sangthsübo, tüshe Atungpuhnü thüningbo thrün.

JOB HU H T ANYU 26:7

Apinü thüning kumung dukulim züngkhiunglah, tüsho akeangkeang kheak alomi zhinlah.

JOB HU H T ANYU 37:18

Nünü thüning thoshangpü tüsho ju aphezhingzhing yinchi ruk kamshihpü Thrünpuh rungkhukba de?

JOB HU H T ANYU 9:8

apinü lang thüningbo thoshangchoh, tüsho keto shiwüh düthsün kheak jungchoh;

MUNGSHIKHÜN 104:2

shepü khimmih nangde ayinnü phudola, shepünü zhindokhim nangde thüningbo thoshang,

MUNGSHIKHÜN 104:24

O Atungpuh , nü rhimobo küdükhüh she la! Lümlung ching nünü arü alala thrün. Alomi ju nü lorilokobonü milah.

MUNGSHIKHÜN 119:90

Nü thiyuro lakhi lünbo alala ching rünkhiungde lachoh; nünü alomi adangpung ching zo, tüsho ha lah.

MUNGSHIKHÜN 24:2

tümüde apinü ju ketobo kheak khimkih, tüsho ayungbo kheak thsükih.

MUNGSHIKHÜN 33:6

Atungpuh yu hode thüningbo, tüsho api mün sheak hode ani, khinu tüsho chiningbo thrün.

MUNGSHIKHÜN 65:7

nünü ketobo abükde arungkhi, tüsho mihtsürübo arhunganimkhi keamloshih.

MUNGSHIKHÜN 78:69

Tüsho apinü achangbo nangde, apinü lünnü thsüa zokhi alomi nangde api arüngakopung thsü.

MUNGSHIKHÜN 93:1

Atungpuhnü kiulongthsüchoh, api ju wüntre-müretah yihlah; Atungpuh yihlah, api sühmühnü züt thsülah. Tsükjide alomiküp ju maphapkhukpü thsüde thsüa lah.

MÜCHITMUDU 3:19

Lümlung hode Atungpuhnü alomi khimtan thsü; api anikhitkhi hode apinü thüningbo adangpung ching zo;

MÜCHITMUDU 30:4

Shepü yinmi ching yükihbah akilokhea? Shepünü amüyi ching apung zhimkhea? Shepünü khim chingnü ke dümkhea? Shepünü lomi aredungbo thsüjihkhea? Nünü mükheahlasho, api mung she a, tüsho api tsührü mung she a?

ISAIA 37:16

“ O Wuto Atungpuh , Israel Thrünpuh, shepü cherubim kumung binla, nü lang alomi kiulongthsü alala Thrünpuh; nünü yinmi tüsho alomi thrün.

ISAIA 40:22

Api alomi mühean kumung kheak binlah tüsho ju ching larübo sangyü-tangkho nangde lah; Shepünü thüningbo zhindokhim nangde thoshangcho, tüsho lapung khimyam nangde zünglangcho;

ISAIA 42:5

Atungpuh , Thrünpuhnü ha thachoh, shenü thüningbo thrünkhea tüsho atoshihkhea, shenü alomi tüsho ju ching lakhi jashihkhea, shenü ju kheak mihtsürübo kilim sheak tüsho ju ching tsahrü kilim me jihcho:

ISAIA 44:24

Atungpuhnü rhokhitrünü ha thachoh, Shepünü nuyam chingnü kamshihkhea: I Atungpuh , shepünü alala thrünkhea, shepünü lang thüningbo züngshangkhea, shepünü I küdahnü alomi jashih;

ISAIA 45:12

Inü alomi thrün, tüsho ju kheak mihtsürü thrün; I khahnü thüningbo thoshang tüsho chiningbo ki thiyukhüm jih.

ISAIA 45:18

Tümüde Atungpuhnü ha thachoh, shepünü thüningbo thrünkhea, api Thrünpuh ah; shepünü alomi kamshihkhea tüsho athsükhea, apinü thrünkihdo; apinü akeangkeang zopü müthrün, apinü alashihpü kamshih: I Atungpuh tüsho püpürü müla.

ISAIA 48:13

I khahnü alomi khimtan khim, tüsho I khah tsülimnü thüningbo thoshang; küpü inü arü ki jikhea, arü rukhühnü zhip.

ISAIA 49:8

Atungpuhnü ha thachoh: Amulongkhi kim khülang ching inü nü ki alojihdo, akhümkhit nimung khülang ching inü nü rungdo; inü nü kümde zodo tüsho nü tangzüng khülang nangde lomi laloshihpü, thsümünima lakhi yamrüplurüp arünü alushihpü mihtsürübo kilim jihdo;

JEREMIA 10:13

Küyimki api düsheak alankhea, thüningbo ching ke arung tüsho apinü alomi akheam chingnü amo yükihshihchoh. Apinü tsüng thsungkheak chinchobe phürapshihchoh, tüsho apinü zowupung chingnü apung bekhitchoh.

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

JEREMIA 27:5

I wu ato tüsho I khah chungkhitkhinü alomi kheak lakhi mihtsürü tüsho shiwühbo bede inü alomi thrün, tüsho inü amulongrü kilim ju jih.

JEREMIA 32:17

Ah, Atungpuh T H RÜ NPU H ! Nünü nü wu ato tüsho nü khah chungkhitkhinü thüningbo tüsho alomi thrün! Nü thsungkheak tümü she achak müla.

ZEKARIA 12:1

Müchityu khülang. Israel dünkheak Atungpuh yu: Atungpuhnü ha thachoh, shepünü thüningbo thoshang tüsho alomi khimtan tüsho ju ching mihtsürü kheak me lashih:

JOHAN 1:3

Lüpdükhi api hode thrün tüsho thrüna lakhi ching api mübede tümü she mülakheah.

KOLOSI 1:16

tümüde api hode alala thrün: Yinmi ching tüsho alomi kheak angübe tüsho amüngübe, kiulongthsü-binkiubo yungsho wubo yungsho yakzanshuhrübo yungsho thiyukhüm-sühmühbo; alala api hode tüsho api thsungkheak thrün.