JEREMIA 10:11 - AMÜSÜH HÜM CL Bible (BSI)

¹¹ Nünü arü ki ha thaang: Thüningbo tüsho alomi müthrünkhi thrünpuhbo alomi chingnü tüsho thüningbo khüpnü adükheakbah.

JEREMIA 10:11 Iomraidhean Croise

MUNGSHIKHÜN 96:5

Tümüde mihtsürü thrünpuhbo alala sangthsübo ah, tüshe Atungpuhnü thüningbo thrün.

ISAIA 2:18

Sangthsübo abümnü mülade akambah.

ISAIA 57:12

Inü nü thiyuro-lungki tüsho nü rhimobo lahkhita huhbah, tüshe arünü nü murung.

JEREMIA 10:15

Arübo müthülün, alakmihkhi rhimo lah; arü thsümüchichoki arübo dükheakbah.

JEREMIA 43:12

Apinü Ijip thrünpuhbo arüngyambo ching mo thsahkihbah; tüsho apinü jurü takbah tüsho rama lubah atsobah; tüsho namfimihnu neakrünü düthre dütrünkhia bahde nihbuh khimmih zünga lukhi nangde, apinü Ijip lomi zünga lubah; tüsho ju chingnü api tümü müthsüde awukhiukbah.

JEREMIA 43:13

Apinü Ijip lomi Heliopoli ching lakhi amüsüh dungjingbo thsümünimbah; tüsho Ijip thrünpuhbo arüngyambo monü atakbah.

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

JEREMIA 51:18

Arübo müthülünkhi, thiyuro mülakhi rhimo ah; arü thsümüchi kim ching arübo dükheakbah.

TÜZHOKHI 3:66

Nü bukakhiukkhi chingnü arü müshamang tüsho Atungpuh yinmibo khüpnü arü dükheakshang.

EZEKIEL 30:13

Atungpuh Thrünpuhnü ha thachoh: Inü sangthsübo thsümünimbah tüsho Memphis ching mejakbo kheamshihbah; Ijip lomi ching yakzanshuhrü mülalo; junangde inü Ijip lomi ching atrepü yukjihbah.

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

ZEKARIA 13:2

Wuto Atungpuhnü thachoh, ju nimung inü lomi chingnü sangthsübo mung dükheakshihbah, junangde kheaküa arü mülümkhit; tüsho inü lomi chingnü wukihrübo le mümüsühkhi me yihkhitbah.

AMIKHEAKAKHIUKKHI 20:2

Apinü dragon, jipü phuruto, Amünean tüsho Arimri ju rambah kam chithürü thsungkheak api rhük,

1 SAMUEL 5:4

Tüshe küyimki arü ashido yapsu mükikde asürükhea Dagon ju kheaküshe Atungpuh sangdan miki mühüplimnü alo kheak lunga yapa lakheah, tüsho Dagon ku le akhah ane chido zhaka ripit limro yap; Dagon pang phulung lang aninga lakheah.