JEREMIA 10:1 - AMÜSÜH HÜM CL Bible (BSI)

¹ Atungpuhnü nü ki asukkhi yu aniang, O Israel yamkhün.

JEREMIA 10:1 Iomraidhean Croise

1 KIULONG THSÜRÜ 22:19

Judüki Mikaianü tha, “Jumonü Atungpuh yu aniang: Inü Atungpuh api kiulongthsü-binkiu kheak, tsülim tüsho huzulim yinmi aputungrü alala zhipbah abinkhi ngü.

MUNGSHIKHÜN 50:7

Aniang, O I mihtsürü, tüsho inü asukanü, O Israel, inü nü azhihde thiyumütsan jihanü. I Thrünpuh, nü Thrünpuh ah.

ISAIA 1:10

Atungpuh yu aniang, nüsa Sodom yakzanshuhrübo! Isa Thrünpuhnü thsangyukhi aniang, nüsa Gomorra mihtsürübo!

ISAIA 28:14

Jumonü nüsa lülüshishirübo, sherü Jirusalem ching ha mihtsürü yakzan shuhchonü, Atungpuh yu aniang.

ISAIA 40:18

Nünü Thrünpuh ju shepü kheak akeba? Tümü sangthsünü api akeba?

ISAIA 44:6

Atungpuhnü ha thachoh, Israel kiulongthsüpuh, tüsho api Rhokhitrü, Wuto Atungpuh : I atankih tüsho akheam; I hobah Thrünpuh she müla.

JEREMIA 10:2

Atungpuhnü ha thachoh: Trükshihbo limro dümükheah, yungsho thüning ching amütsanbonü dümüyinsah; tümüde trükshihbo arü kheahbah müyinsah-a lah.

JEREMIA 2:4

Atungpuh yu aniang, O Jakob yamkhün, tüsho Israel trük yamkhün alala.

JEREMIA 22:2

tüsho thaang: Atungpuh yu aniang, O David kiulongthsübinkiu kheak binkhi Juda kiulongthsüpuh–nü, tüsho nü yamlarübo, tüsho ha chipiripitbo ching azahrü nü mihtsürübo.

JEREMIA 42:15

dale Atungpuh yu aniang, O aningkhi, Juda. Wuto Atungpuh , Israel Thrünpuhnü ha thachoh: Nüsanü Ijip ching yüzahpü tüsho ju ching lapü lümkihlasho,

JEREMIA 9:26

Ijip, Juda, Edom, Amon, Moab, tüsho limshu loshelo ching larü alala. Tümüde ha trükshih alala tsütamübah, tüsho Israel yamkhün alala mulong ching tsütamübah.

HOSEA 4:1

Atungpuh yu soang, O Israel mihtsürü; tümüde Atungpuhnü lomi ching larü thürühpü lah. Lomi ching athülünkhi yungsho mihmuzho, tüsho Thrünpuh mükheahkhi müla.

AMOS 7:16

Kheakü jumonü Atungpuh yu aniang. Nünü thachoh, ‘ Israel azhihde dümüchit, tüsho Isak yamkhün azhihde düthsangyuthsangra.’

1 TESALONIKA 2:13

Tüsho küyimki isa kheaknü nüsanü asokhi yu leangkhikhea, nüsanü ju mihtsürü yu nangde yung, tüshe kheakü nüsa akinrübo kheak rhimode alakhi, atsütsü Thrünpuh yu de aleangkhikhi thsungkheak isanü mutukzhakde Thrünpuh ki makshe jihchoh.

AMIKHEAKAKHIUKKHI 2:29

Shepü nükhün kihlanü, Menü borübo ki tümü thachonü apinü aniang.’