JEREMIA 1:9 - AMÜSÜH HÜM CL Bible (BSI)

⁹ Judüki Atungpuhnü akhah chungkhit tüsho I mün qiu; tüsho Atungpuhnü I ki tha, “ Kheahang, inü I yubo nü mün ching yukjihdo.

JEREMIA 1:9 Iomraidhean Croise

ISAIA 49:2

Apinü I mün nukshang ayuk nangde kamshih, api khah alamme ching I jika zo; apinü I ananshahshah hühzo khülang kamshih, api hühzopung ching I jika zo.

ISAIA 50:4

Atungpuh Thrünpuhnü I kilim thsangyupü mulo khülang jih, junangde inü keaksahrü thiyu khülangnü reangzahshihpü mükheahbah. Yapsu aban apinü I yihmusuchoh– khürükhüh thsangyukhi anipü nangde I nükhün dukoshih.

ISAIA 51:16

Inü nü mün ching I yubo yukjihdo, tüsho I khah me khüp nü jikshihdo, thüningbo jashihde tüsho alomi khimtande, tüsho Zion ki tha, “ Nü I mihtsürü ah.”

ISAIA 59:21

Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.

JEREMIA 15:19

Jumonü Atungpuhnü ha thachoh: Nünü rholosho, inü nü beloa lubah, tüsho nü I miki zhipbah. Shoto küpüanü nünü thasho tüsho müthülünkhi müthasho, nü I yu tharü thsübah. Arünü nü kilim rholode arübah, nünü arü kilim rholode müyü.

JEREMIA 34:6

Judüki wukihbuh Jeremianü harü yubo alala Jirusalem ching Juda kiulongthsüpuh Zedekia ki asuk,

JEREMIA 36:2

Küpqiu khülang luang tüsho inü Israel le Juda tüsho trükshih alala azhihde, Josia kiulongthsüchoki inü nü ki asukpü tankihkhinü kheakü khiungde nü ki asukkhi yubo ju kheak thrütang.

JEREMIA 5:14

Jumonü Atungpuh Wuto Thrünpuhnü ha thachoh: Tümütüsho arünü ha yu asuk, inü kheakü I yu nüsa mün ching mo, tüsho ha mihtsürü ju sang kamshihchoh, tüsho monü arü aniuabahbah.

EZEKIEL 3:10

Tüsho apinü I ki tha, “Mihtsürü tsührü, kümkangde aniang tüsho inü nü ki asukkhi yubo alala mulong ching zoang.

DANIEL 10:10

Tüshe khah khülangnü I qiu tüsho I khah le mukhukbo ajande wusushih.

DANIEL 10:16

Judüki mihtsürü kiphahkhi khülangnü I münküp kheak qiu, tüsho inü thiyu asukpü I mün khimshuhbah I miki zhipbuh ki tha, “ I tungpuh, michih hode hadürü thsünü I kheak arükhinü I sühmüh mülade lah.

WÜHKHE 23:5

Atungpuhnü Balaam mün ching thiyu yukjih tüsho tha, “Balak kilim alode yüang tüsho nünü ha thaang.”

MATHI 10:19

Tüshe arünü nüsa ramchoki nüsanü küde athaba yungsho tümü thaba de mulong düsansan. Tümütüsho nüsanü tümü thabeanü ju kim ching nüsa kilim jihbah;

MARK 7:33

Apinü boto chingnü anihbuh ju bemuwuh, tüsho anükhünbo ching ayingkhingbo chungyuk, tüsho apinü mükeke mukhiuk tüsho amulo qiu.

LUKNÜ ATHRÜTKHI THIYUSHEAK-ATSÜ HUHTANYU 12:12

Tümüde nünü tümü thabeanü Amüsüh Menü ju kim ching thsangyubah.”

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

YUZÜNGTHALO 18:16

“Nüsa Horeb ching mukhung nimung nüsanü hade tha, ‘Inü Atungpuh I Thrünpuh düsheak musolonü yungsho ha mo ato müngülonü, jude yungsho I ashebah.’

YUZÜNGTHALO 18:17

Tüsho Atungpuhnü I ki tha, ‘ Arübonü tümü thadünü dükdü ah,

YUZÜNGTHALO 18:18

Inü arü keoniorü bolungnü nü nangde wukihrü khülang akhiukshihbah tüsho api mün ching I yu yukjihbah, tüsho inü api ki thiyukhüm jihkhi alala arü ki thabah.