JEREMIA 1:15 - AMÜSÜH HÜM CL Bible (BSI)

¹⁵ Tümüde kheakü inü dukulim kiulongthsü trükbo alala ki jichoh, Atungpuhnü tha; tüsho arü arübah tüsho arü alalanü Jirusalem chipiripitbo ki mükamde alakhi rhü alala kheak tüsho Juda kiutobo alala kheak kiulongthsü-binkiu zobah.

JEREMIA 1:15 Iomraidhean Croise

ISAIA 22:7

Nüsanü amokhitkhi jindükhünbo khora-lolungbenü mide alakheah, tüsho khoraberü nü chipiripit ki zhip.

JEREMIA 10:22

Kheahang, düsheak khülang, alankhi ato khülang dukulim lomi chingnü, Juda kiutobo zhikrangkhündo shirung lapung kamshihpü arüa lah.

JEREMIA 10:25

Nü mümükheahkhi trükshihbo tüsho nü mung müjikhi mihtsürübo kheak nü bukakhiukkhi dungkihang; tümüde arünü Jakob muyuabahdo; arünü api shahde muyuabah tüsho api lapung thsümünimjih.

JEREMIA 13:20

Nü mük rheakbah sherü dukulimnü arüchonü kheahang. Nü kilim jihkhi akheahakham namfimihnu boto kükheak la?

JEREMIA 25:28

Tüsho nü khah ching yo pung leangkhipü thsunglosho, nünü arü ki thabah: Wuto Atungpuhnü ha thachoh: Nüsanü ayungbeah!

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 33:10

Atungpuhnü ha thachoh: Ha dangpung ching küpü nüsanü thacho, “Ha mihtsürü yungsho shiwüh mülade abahkhi lah,” Juda kiutobo ching tüsho azhikkhi Jirusalem kiudunglimrobo ching, mihtsürü yungsho shiwüh mülakhi ching khülang ki solobah,

JEREMIA 34:1

Babilon kiulongthsüpuh Nebukednezar tüsho api bonungrü alala tüsho lomi kiulongthsü alala tüsho api yukhüm bukkhüp larü mihtsürü alalanü Jirusalem tüsho kiuto alala bede keochihchoki, Atungpuh yu Jeremia kilim arü:

JEREMIA 34:22

Inü thiyukhüm jihbah, Atungpuhnü thachoh, tüsho arübo ha kiuto ching belodarübah; tüsho ha bede keochihde ayankhitbah, tüsho monü atakbah. Juda kiuto mihtsürübo mülade zhikabahbah.

JEREMIA 39:3

Küyimki yanabahkhea, Babilon kiulongthsüpuh atorübo alala arü tüsho aphulungbe chipiripit ching bin: atobuh Nergalsharezer, atobuh Nebo- Sarsekim, püpürü torü Nergal-sharezer, ju lung Babilon kiulongthsüpuh torübo alala.

JEREMIA 4:16

Trükshihbo ki thaang, “Ha ching arü lah!” Jirusalem azhihde zhiyukang, “ Limshu lomi chingnü thiriri arüchoh; arünü Juda kiutobo azhihde ahochoh.

JEREMIA 4:6

Zion limpeang riphin shuhkihang, tsoyukpung yimang, dashu, tümüde inü dukulimnü amütsü tüsho athsümünim ato handarado.

JEREMIA 43:10

tüsho arü ki thaang, Wuto Atungpuh , Israel Thrünpuhnü ha thachoh: Inü Babilon kiulongthsüpuh I yamlarü Nebukednezar bedarübah, tüsho inü ayangkhi lungbo kheak api kiulongthsü zobah, tüsho apinü jurü kheak kiulongthsü-khim phukihbah.

JEREMIA 44:6

Jumonü Juda kiutobo tüsho Jirusalem kiudunglimrobo ching I bukakhiukkhi dungkih tüsho trushih; tüsho jurübo athsümünim tüsho zhikrangkhündo kamabah, jurübo khihni khiungde lah.

JEREMIA 46:24

Ijip tsührübe achih ngübah; anihbe dukulim mihtsürü kilim jihbah.

JEREMIA 5:15

Inü limshu chingnü trükshih khülang nü kheak handarübah, O Israel yamkhün, Atungpuhnü thachoh. Ha sühmüh lakhi trükshih, ha jipü-lün trükshih, nünü mümükheahkhi yutha trükshih, yungsho arünü athakhi nünü manikhitkhuk.

JEREMIA 6:22

Atungpuhnü ha thachoh: Kheahang, dukulim lomi chingnü mihtsürü arado, trükshih ato khülang limshu lakhi lomi ching thuruchoh.

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

TÜZHOKHI 5:11

Zion ching aliberübo, Juda kiutobo ching atsangkhitkhibo kheak amütsü thsüdo.

EZEKIEL 32:30

Dukulim yakzanshuhrübo ju ching lah, arü alala tüsho Sidonrü alala arü wunü atreshihkhi dünkheak achih ngüde alaksahkhi lung yaplah; arübo tsühamübahde nukshangnü alaksahrü lung yaplah, tüsho alokhün ching yüzahrü lung achih ngüde lah.

JOEL 2:20

Inü dukulim bonungrü nüsa kheaknü limshude atsoshihbah, tüsho loshelo le tümü masürükhi lo ching yana yüshihbah, mikhuh larübo aniakhiuklim keto ching, tüsho dunglimrü aniyüzahlim keto ching tsoshihbah; ashemibo shuhrhüm münimbah. Tümütüsho arünü nüsa kheak tode rhimodo.

ZEKARIA 6:6

Khorabo amürak lakhi lolungbe ju dukulim lomi lim yü, amüyebonü aniyüzahlim lomi thrip yü, tüsho aneakjikbonü düjinglim lomi thrip yü.”