JAKOB 5:5 - AMÜSÜH HÜM CL Bible (BSI)

⁵ Nüsanü alomi kheak müthangmüsünde tüsho asühakode lado; alaksahkhi nimung ching nüsa shihkih-a ludo.

JAKOB 5:5 Iomraidhean Croise

MUNGSHIKHÜN 17:14

O, Atungpuh , hadürü mihtsürü ha rhangdung ching shihcham larü, jika lakhi nü lakhitnü bukthsüshihkhi khah chingnü I khümkhitang. Arü tsührübo kheak arü reangkeamchoh, tüsho arünü arü tsührübo khilim lakhit thsakhama zochoh.

MUNGSHIKHÜN 73:7

Arü mükbo shihkihkhinü bümchoh, arü mulongbo amütsünü zhikhiuklah.

MÜCHITMUDU 17:1

Aniojikhinü thüyam mide rukachihde alakhi kheaknü a akhimahede yikhapkheam mukuh khülang lakhi atsübe ah.

MÜCHITMUDU 7:14

“ I lung mungtsü kingaün lah; khihni inü thiyuchihchim jihdo.

T H S AN GYU T H S AN GR ARÜ 11:9

Athunu mihtsürü, nü athunu kim ching asühang, tüsho nü athunu nimungbo ching nü mulong asühshang. Nü mulongnü abekhi tüsho nü müknü angükhi yanang, tüshe harü alala thsungkheak Thrünpuhnü mahkhap ching hande arübah de mükheahang.

ISAIA 22:13

tüshe ju müthri asühachih tüsho thünio lakheah, moshipung tüsho namfimihnu laksahde, shih tsühde tüsho yukhu yungde la. Nüsanü tha, “ Isanü tsühanü tüsho yunganü, tümüde shido isa ashebah.”

ISAIA 3:16

Atungpuhnü tha: Tümütüsho Zion tsührübebo kükheangküyang lah tüsho hungbo züngkihbah tsahchoh, arü mükji müzhingbah kheahchoh, arü yüchoki kakkakde, arü jing tsüngtsüngchoh;

ISAIA 47:8

Kheakü jumonü ha aniang, nüsa shih muzhorübo, shepü keamramde la, shepünü mulong ching thacho, “ I ah, tüsho I hobah she müla; I khimoberü kama mübin yungsho tsührü dükheakkhi mümükheah.”

ISAIA 56:12

“Arang” arünü thachoh, “ Isanü yukhu handaranü; isanü phapke yunganü. Tüsho shido a ha kheaknü she atsüdak labah.”

JEREMIA 12:3

O Atungpuh , tüshe nünü I mükheahlah; nünü I ngülah tüsho I rükakia kheahchoh, I lümkhi nü kilim lah. Namfimihnu nangde alaksahpü arübo züngkhitang, tüsho alaksahpü nimung thsungkheaknü bemuwuhang.

JEREMIA 25:34

Tüzhoang, nüsa mihnu neakrübo, tüsho zhiang; awahbo ching lungphülapang, nüsa mihnu boto atungrübo, tümüde nüsa laksahpü nimung arüdo, tüsho nüsa shoto phüh nangde ayokhia adannakbah.

EZEKIEL 16:49

Kheakü ha nü chi Sodom neak lakheah: Alibe tüsho anihbe tsührübebo bukmüke, bukchihbukhean tüsho muzhomüyi mülakhi lakheah; arünü zhochihrü tüsho müthsümülarü murung.

EZEKIEL 39:17

Mihtsürü tsührü, Atungpuh Thrünpuhnü ha thachoh: Wuhnu mungji tüsho mütüm shiwüh alala ki asukang: Mukhungang tüsho arang, inü nüsa thsungkheak laksah-a thünio thsakhamkhi Israel müzüngbo kheak laksah-a kingaünkhi ato ching mukhungang, tüsho nüsanü shih tsühbah tüsho thiyih yungbah.

AMOS 6:1

Sherü zuzu thsüde Zion ching la, tüsho sherü Samaria müzüng kheak kuramde la, akhuh trükshih ching mungkhung mihtsürübo, sherü kheak Israel yamkhünnü arung luchonü ayokhe!

LUKNÜ ATHRÜTKHI THIYUSHEAK-ATSÜ HUHTANYU 16:19

“Alarü mihtsürü khülang mürümmuchu khim tüsho atsüdak khimzhingzhing phuyubah nimung aban müthangmüsün ching lakheah.

LUKNÜ ATHRÜTKHI THIYUSHEAK-ATSÜ HUHTANYU 16:25

Tüshe Abrahamnü alo, ‘I tsah-a, nü rhangdung atsü ngüdo tüsho Lazar amütsü ngüdo de lümkhitang, tüshe kheakü ha ching sühakhimde lah tüsho nü a thsümüchi ching lah.

ROMRÜ KILIM PAULNÜ ATHRÜTKHI KIHÜM HUHTANYU 13:13

isanü animung lakhi nangde rhimoanü–kushimkhi yungsho amüshangkhi, müzammüram yungsho mümüsühkhi, rukachihkhi yungsho mükthsükhi yung.

1 TIMOTHI 5:6

tüshe khimoberü shepünü shih reangkeampü ching jihchonü anihbe arhang lalashe ashekhi lah.

2 TIMOTHI 3:4

rükmütsü, adüngakhi mülakhi, shilode alümrü, Thrünpuh muzhorü yungde shihkünkhi muzhorü,

2 PETER 2:13

Arünü arhimokhi dün arü kilim athsümünimnü athrihlobah. Arü asüharapü lakhi ju arü pangnü akünkhi reangkeamshihpü animuro tümütümü she arhimopü lah.

JUDNÜ ATHRÜTKHI KIHÜM HUHTANYU 1:12

Harü ha nüsanü amuzhokhi thüniobo ching areak kihkhi, mütrede arü nihbuh lang ahiuhakhiprübo lah; arübo tsüng mübede apungnü yünde ayükhi amobo ah; aso masokhi mumükin sangdungbo, mahne ki shekhi, aying rukkhitkhi ah;

AMIKHEAKAKHIUKKHI 18:7

Anihbenü müretah-a lukhi tüsho müthangmüsün ahorikhi nangde, alibe kilim ju ruk adüna thsümüchi tüsho tüzhopü jihang. Tümütüsho anihbe mulong ching alibenü thachoh, ‘I kiulongthsüberü thsüde binlah; I a khimoberü yung, I küyimkishe mütüzho,’

1 SAMUEL 25:36

Abigailnü Nabal kilim arü; kiulongthsürü thünio nangde, api yam ching thüniode alakheah. Nabal mulong ching asühkhi lakheah, tümüde api müshanga lakheah; jumonü yapsu mukhiungyikia alibenü api ki tümü she mütha.

1 SAMUEL 25:6

Nüsanü api ki ha ruk akin jihang: ‘Nü mungtsü laang, tüsho nü yamkhün ching mungtsü laang, tüsho nü lakhi alala ching mungtsü laang.