JAKOB 5:4 - AMÜSÜH HÜM CL Bible (BSI)

⁴ Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.

JAKOB 5:4 Iomraidhean Croise

THRÜNTAN 4:10

Tüsho Atungpuhnü tha, “Nünü tümü rhimokhea? Nü niurü thiyihnü alo chingnü I ki zhichoh.

JOB HU H T ANYU 34:28

junangde arünü zhochihrübo tripde api kilim arüshih, tüsho thsümütsürünü azhikhi apinü so.

JOB HU H T ANYU 7:2

Azhorü khülangnü alamme mürheangkhi nangde, tüsho mulomüthsürübonü arü mihkhah dün mulong dukde akheahkhi nangde,

MUNGSHIKHÜN 9:12

Thsünüde alarü Thrünpuhnü lümkhitchoh; arünü azhikhi apinü mümih, tüsho arü ki amülim rhimorü apinü thsümüchichoh.

ABEKHIT 22:27

Tümüde ju lang api lamlambe khimmih ah. Api tümü ching yappü? Tüsho küyimki apinü I ki zhibanü, inü asobah, tümüde I a mihmuzhorü ah.

ABEKHIT 3:9

Kheakü Israelrübonü azhikhi inü sodo, tüsho Ijiprübonü arü thsümüchikhi inü ngüdo.

ISAIA 1:9

Wuto Atungpuhnü isa anükhüh aninga mülashihkhülaa, isa Sodom nangde alabah, tüsho Gomorra nangde akambah.

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

ISAIA 5:9

Wuto Atungpuhnü inü sode thiyuchihchim: Tsükjide thüyam ahihdo zhikabahbah; thüyam atoto tüsho akheahakham mihtsürü mülade akambah.

JEREMIA 22:13

Shepünü thiyuro mülade anihbuh yam thsücho tüsho thiyuro müthade anihbuh khiungshak akube thsücho; shepünü anihbuh yamhingrü tümü mülakhi thsungkheak rhimoshihcho, tüsho arü mihkhahbo müjihchonü are;

LEVI 19:13

Nü yamhingrü düjuno; nünü düjangkhijangra; tüsho rhimorü mihkhahmo nü thsungkheaknü yapsu khiungde düzo.

HABAKKUK 2:11

Lungbonü rhü chingnü azhibah, tüsho sanglung chingnü abinkiunü alojihbah.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MATHI 9:37

Judüki apinü ajingyanrübo ki tha, “Yimlupü tode lah tüshe rhimorübo nüklah.

LUKNÜ ATHRÜTKHI THIYUSHEAK-ATSÜ HUHTANYU 18:7

Thrünpuhnü apinü amokhitkhi animung tüsho are api ki zhirü mahmükhapjihba de? Apinü arü ki aruhba de?

ROMRÜ KILIM PAULNÜ ATHRÜTKHI KIHÜM HUHTANYU 9:29

Tüsho Isaianü müchit, “Wuto Atungpuhnü isa tsühsoniusobo maningshihkhülaa isa Sodom nangde kama labah tüsho Gomorra nangde alabah.”

YUZÜNGTHALO 15:9

Kümkangang, jude yungsho nü mulong ching amütsü lümkhi ha labah, ‘Zuzu thsüpü kam athünepü khah ki lah.’ Jumonü nünü nü keoniorü zhochihrü azhihde nü mük zhipzhipbah tüsho nünü api kilim tümü müjih; tüsho nüsa azhihde apinü Atungpuh ki zhikhi hode nüsa bolung neak hande arübah.

KOLOSI 4:1

Aputungrübo, nüsa she yinmi ching Aputungrü khülang lah de mükheahbah nüsa yamlarübo ki alungkinü tüsho tsüde mütrüang.