JAKOB 5:3 - AMÜSÜH HÜM CL Bible (BSI)

³ Nüsa yo suna tüsho shotoyinchi thrungnü tsühabahdo, tüsho thrung ju nüsa azhihde thiyumütsan labah tüsho monü nangde nüsa shihtsü tsühabahbah. Nüsanü ahokhi nimungbo ching lakhitbo hanmukhungdo.

JAKOB 5:3 Iomraidhean Croise

THRÜNTAN 31:48

Tüsho Labannü tha, “Khihni ha lungrhung ha ike dükeak thiyumütsan khülang ah.” Jumonü ju mung Galeed de ji.

THRÜNTAN 31:52

Ha lungrhung thiyumütsan lah, tüsho ha mümihlung thiyumütsan lah, junangde athsümünim thsungkheak inü ha lungrhung hode nü kilim marü, tüsho ha lungrhung le mümih-lung hode nünü I kilim marü.

THRÜNTAN 49:1

Judüki Jakobnü atsührübo ji, tüsho tha, “Nüsa rukhüh mukhungang, junangde arübe nimungbo ching nüsa kheak tümü dünjipü lanü inü nüsa ki thaanü:

JOB HU H T ANYU 16:8

Tüsho apinü I mukuhshihdo, küpü I azhihkhi thiyumütsan la; I trukkhitdo tüsho I azhihde thiyumütsan thsüchoh.

ISAIA 2:2

Arübe nimung ching Atungpuh yam wung ju awungbo lung achangbe thsüa labah tüsho awungbo kumung shuhkihbah; trükshih alalanü ju kheak shobah,

JEREMIA 19:9

Tüsho inü arü ki arü tsührübo tüsho tsührübebo shih tsühshihbah, tüsho arü rhangdung yimrünü zündobahle arü lümthsünüde lachoki arünü yamhingrü shih tsühachihbah.

MIKA 3:3

sherünü I mihtsürü shih tsühcho, arü küp khukkhicho, arü robo adütre kamde yihnakcho, tüsho dubo le phühto ching lakhi shih nangde khapthünakcho.

MIKA 4:1

Arübe nimung ching Atungpuh yam wung ju müzüng bolung achangbe labah, tüsho awungbo kumung shuhkihbah. Mihtsürübonü ju kheak shobah,

YUNIRÜBO RHIMO 2:17

‘Tüsho akheam nimungbo ching ha labah, Thrünpuhnü khipkhitchoh, junangde inü mihtsürü alala kheak I me dungkihjihbah, tüsho nüsa tsührübo le tsührübebonü müchitbah, nüsa tsührü athunurübonü michihbo ngübah, tüsho ashinbuhrübonü milimbo mibah;

ROMRÜ KILIM PAULNÜ ATHRÜTKHI KIHÜM HUHTANYU 2:5

Tüshe nü nihnihkhi tüsho nü mulong müküpkhinü Thrünpuh bukakhiukkhi, api thiyuro-lungki mahkhap amikheak akhiuk nimung thsungkheak nü azhihde bukakhiukkhi zomukhungchoh.

2 TIMOTHI 2:17

tüsho arü yubo mü nangde abubah. Arü bolung Hymenaea tüsho Phileta belah.

JIHUSUA 24:27

Jihusuanü mihtsürü alala ki tha, “ Kheahang, ha lungnü isa thiyumütsan thsübah; tümüde Atungpuhnü isa ki thakhi yu alala sodo; jumonü nüsa Thrünpuh kheak thiyuro mülasho hanü nüsa azhihde thiyumütsan thsübah.”

2 PETER 3:3

Akhuhde, akheam nimungbo ching luhmünerünü luhmünede tüsho arü nihbuh amütsü künkhi chingnü arübah de nüsanü anikhitbeah.

AMIKHEAKAKHIUKKHI 17:16

Tüsho nünü angükhi ajuh thürü ju, arü le shiwühnü müzammürambe thraneanbah; arünü anihbe khukshikbah, tüsho bünkeang kamshihbah, anihbe shih tsühbah tüsho monü takabahbah,

AMIKHEAKAKHIUKKHI 20:15

khürü mung rhangdung hüm ching thrüta müngüsho, api ju modüjim ching jipyuk.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”