JAKOB 5:13 - AMÜSÜH HÜM CL Bible (BSI)

¹³ Nüsa bolung khürü küpkhukla shi? Apinü tamkhüntamnüang. Khürü asühde la shi? Apinü mungshi khün thsang.

JAKOB 5:13 Iomraidhean Croise

1 KIUTHSÜYUKHEAN 16:9

Api ki khün thsüang, api ki mungshi khün thsüang, api amüyinsahbe rhimobo alala thaang.

JOB HU H T ANYU 33:26

Apinü Thrünpuh ki tamkhüntamnübah tüsho apinü api kheak asühbah, apinü api jak asühde akheahbah, tümüde apinü mihtsürü kilim api thiyuro-lungki jihlochoh.

MUNGSHIKHÜN 105:2

Api ki khün thsang, api ki mungshikhünbo thsang; api amüyinsahbe rhimobo alala dünkheak thaang.

MUNGSHIKHÜN 118:5

Inü lümthsünü ching Atungpuh ki ji; Atungpuhnü I ki alo tüsho amülih dangpung ching I zojih.

MUNGSHIKHÜN 18:6

I lümthsünü ching inü Atungpuh jichoh; arung thsungkheak inü I Thrünpuh ki ji. Api arüngyam chingnü apinü I düsheak so; tüsho inü azhikhi api nükhünbo khiung.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

MUNGSHIKHÜN 95:2

Isanü makshe jihde api miki aranü; isanü mungshikhünbo bede api ki asühachihde ahoanü.

ISAIA 65:14

I yamlarübo mulong asühkhinü khün thsübah, tüshe nüsa mulong rozhakkhinü atripbah, tüsho me thsünükhinü atüzhobah.

DANIEL 5:4

Arünü yukhu ju yung tüsho suna le shotoyinchi, müwayinchi, yinchi, sang, tüsho lung thrünpuhbo shijih.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

JONA 2:2

“ Inü I lümthsünü chingnü Atungpuh ki ji tüsho apinü I ki alojih; Ashe-lomi asük chingnü inü zhi, tüsho nünü I düsheak so.

JONA 2:7

I rhangdung keamyukde atsochoki, inü Atungpuh lümkhit; tüsho I tamkhüntamnü, nü amüsüh arüngyam ching arü.

MIKA 4:5

Mihtsürü alalanü nihbuh thrünpuh mung ching tsahchoh, tüshe isanü Atungpuh isa Thrünpuh mung ching lünnü lün tsahbah.

MATHI 26:30

Tüsho küyimki arünü khün thsükheanü Oliv Müzüng lim yü.

LUKNÜ ATHRÜTKHI THIYUSHEAK-ATSÜ HUHTANYU 22:44

Tüsho küpkhuk ching, apinü khide mushude tamkhüntamnü. Tüsho api shoke ju alo kheak thiyih ato atsamkhikhi nangde kam.

LUKNÜ ATHRÜTKHI THIYUSHEAK-ATSÜ HUHTANYU 23:42

Judüki apinü Jisu ki tha, “Atungpuh, nü kiulongthsü ching nü arüchoki I lümkhitang.”

1 KORINT 14:15

Judüasho inü tümü thsüba? Inü menü tamkhüntamnübah tüsho lümnü she tamkhüntamnübah; inü menü khün thsübah tüsho lümnü she khün thsübah.

1 KORINT 14:26

Keoniorübo, dale tüsho tümü a? Küyimki nüsa rukhüh mukhungbanü, mihbüm aban khün, thsangdan yu, amikheak akhiukkhi, thiyutha yungsho athanakkhi lah. Harü alala borü düküngpü thsungkheak rhimobeah.

EFISIA 5:19

Mungshikhünbo, khünbo, tüsho Me khünbo chingnü khülangnü khülang ki thaachihang. Nüsa mulong athrünkhinü Atungpuh ki khün thsang; tüsho khün khungang,

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

JAKOB 5:10

Keoniorübo, thsünü tüsho arümkheampü ching Atungpuh mung ching asukrü wukihrübo kheaknü amütsan luang.

AMIKHEAKAKHIUKKHI 14:3

tüsho arünü kiulongthsü-binkiu le arhang shiwüh phüyi tüsho azothsürübo miki khün aso thsü. Alomi chingnü rhokhita larü 144,000 kheak hode shenü she ju khün manikhit.

AMIKHEAKAKHIUKKHI 7:10

tüsho düsheak achangnü zhi, “Akhümkhit ju kiulongthsü-binkiu kheak binbuh isa Thrünpuh, tüsho Namfimihnunu yo ah!”