JAKOB 5:11 - AMÜSÜH HÜM CL Bible (BSI)

¹¹ Kheahang, arümkheamrü isanü asühpü de jichoh. Jobnü arümkheamkhi nüsanü sodo, tüsho nüsanü Atungpuh lümkhi, Atungpuh amuzho tüsho mihmüthsüm ngüdo.

JAKOB 5:11 Iomraidhean Croise

1 KIUTHSÜYUKHEAN 21:13

Judüki Davidnü Gad ki tha, “I lümthsünü ato ching lah; I Atungpuh khah ching keamshang, tümüde api amüthsüm khide tolah; tüshe I mihtsürü khah ching mükeamnü.”

2 KIUTHSÜYUKHEAN 30:9

Tümüde nüsanü Atungpuh kilim rholosho, nüsa buhtsührü tüsho nüsa tsührübonü arü ramrü kheaknü mihmuzho ngübah, tüsho ha lomi ching arülobah. Tümüde Atungpuh nüsa Thrünpuh ju mihmuzho tüsho mihmüthsüm, tüsho nüsanü api kilim rholosho api miro nüsa kheaknü rholode mutso.”

NEHEMIA 9:17

Arünü mihyuanipü reanglo; arünü nünü arhimokhi mihdo; arünü nünü amükheahmihbe huhkhi mihdo. Arü kükheangkhi chingnü limberü mokhitbah Ijip azhorü kuhi ching belobah ayüshihpü kamshih. Tüshe nü a neak bahjihrü Thrünpuh ah; nü a mihmüthsümrü tüsho amuzhorü, arünnü bukakhiukchoh. Nü mihmüthsüm ato; jumonü nünü arü mübahyuk.

NEHEMIA 9:31

Tütüshe, nü amüthsüm tokhinü, nünü arü mübahyuk yungsho müdükheakshih. Nü a amuzho tüsho amüthsüm Thrünpuh. @1-LINE- SP ACE=

JOB HU H T ANYU 1:1

Mihtsürü khülang Uz lomi ching amung Job de alakheah. Api ju mungchih mülarü tüsho alungki, Thrünpuh wüntrerü tüsho amütsü chingnü tsokhide alakheah.

JOB HU H T ANYU 1:2

Api kilim tsührübo 7 tüsho tsührübebo 3 zübejih.

JOB HU H T ANYU 2:10

Tüshe apinü anihbe ki tha, “Mudukmüke liberü nangde nünü thachoh. Isanü Thrünpuh khah chingnü atsü leangkhibah amütsü müleangkhiba de?” Ha alala ching Jobnü amün hode neak müyihbeak.

JOB HU H T ANYU 23:10

Tüshe inü adükükhi limro apinü mükheahlah; küyimki apinü I rükakibanü I suna ruk akhiukbah.

MUNGSHIKHÜN 103:13

Buhrünü tsührü muzhokhi nangde, Atungpuhnü api trerü muzhochoh.

MUNGSHIKHÜN 103:8

Atungpuh , ju mihmüthsüm, amuzho, arünnü bukakhiukchoh, tüsho amüthsüm ching suhdahlah.

MUNGSHIKHÜN 116:5

Atungpuh ju mihmüthsüm tüsho thiyuro-lungki lah; am, isa Thrünpuh ju amüthsümrü ah.

MUNGSHIKHÜN 119:132

I kheak kheahang tüsho I ki müthsümang, tümüde nü muzhorü alala ki nünü jude thsüchoh.

MUNGSHIKHÜN 145:8

Atungpuh a mihmüthsüm tüsho amuzhonü mide lah, arünnü bukakhiukchoh tüsho amüthsüm ching tolah.

MUNGSHIKHÜN 37:37

Areak mükihkhi mihtsürü mütsanang, tüsho alungkirü kheahyukang; tümüde ju mihtsürü arübe kuhi mungtsü lah.

MUNGSHIKHÜN 51:1

O Thrünpuh, nü muzho yande I kheak amüthsüm laang; nü amüthsüm hihdakkhi yande I amülimbo nankhita bahjang.

MUNGSHIKHÜN 78:38

Tüshe api amüthsümnü mide arü mülimkhibo neak bahjih, tüsho arü müdükheakshih. Kim aban api bukakhiukkhi tuklo, tüsho api mulong müzhipzhip.

MUNGSHIKHÜN 86:15

Tüshe O Atungpuh , nü a muzhomüyi tüsho amüthsüm ah, arünnü bukakhiukchoh, amuzho tüsho thiyuro ching muzhomopungde lah.

MUNGSHIKHÜN 86:5

Tümüde Atungpuh , nü tsülah tüsho neak bahjihpü thsakhamlah, tüsho nü ki jirü alala kilim mihmüthsüm ching suhdahlah.

MUNGSHIKHÜN 94:12

Mihtsürü shepü ki nünü khuhlanga huhchonü, O Atungpuh , tüsho nü yakzan chingnü thsangyuchonü müngühmühi;

ABEKHIT 34:6

Tüsho apinü Mosa miki tsahhode zhiyuk, “Atungpuh , Atungpuh , mihmuzho tüsho mihmüthsüm Thrünpuh, arünnü bukakhiukchoh, amuzho tüsho thiyuro ching suhdahlah,

T H S AN GYU T H S AN GR ARÜ 7:8

Tümükhüh atankihkhi kheaknü a akheamkhi atsübe; kükheangküyang kheaknü a arümkheam atsübe.

ISAIA 63:7

Inü Atungpuh mihmuzho rhimobo, mung shipü thülünkhi Atungpuh rhimobo, Atungpuhnü isa thsungkheak rhimokhi alala dünkheak, tüsho Israel yamkhün kilim tode tsüdakkhi, apinü anihbuh mihmüthsüm yande arü ki huhkhi, api muzhodakkhi muzhomopung yande athabah.

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

TÜZHOKHI 3:22

Atungpuh amuzho adüküng küyimkishe mükheam, api mihmüthsüm küyimkishe mükheam;

DANIEL 9:9

Isanü api azhih-a lalashe Atungpuh isa Thrünpuh ju mihmüthsüm tüsho neak bahjihrü lah;

JOEL 2:13

Nüsa khimmih yungde nüsa mulong yihthünakang. Atungpuh , nüsa Thrünpuh kilim rholoang, tümüde api ju mihmuzho tüsho mihmüthsüm, arünnü bukakhiukchoh, tüsho düküngde amuzhopü suhdahde lah tüsho thsümüchi chingnü lümalochoh.

JONA 4:2

Apinü Atungpuh ki tamkhüntamnü tüsho tha, “ O Atungpuh ! Ha inü I lomi ching lachoki thakhi yung de? Hamonü inü atankih ching Tarshish lim tsokheah; tümüde nü a amuzho tüsho mihmüthsüm Thrünpuh, arünnü bukakhiukchoh, amuzhodakkhi ching suhdahlah, tüsho thsümüchipü chingnü lümalopü thsakhamlah de inü mükheahlah.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

WÜHKHE 14:18

‘Atungpuhnü bukakhiukpü müniokheamchoh tüsho mihmüthsüm ching suhdahlah, neak tüsho azhihde-wusukhi bahjihchoh; tüshe apinü arü bebuhrü neak dünkheaknü tsührübo tüsho tsührü-tsührübo kheak lün mahsam tüsho lün phüyi khiungde mülakphahde athsümüchihbah.’

MATHI 10:22

Tüsho I mung dünkheaknü alalanü nüsa thraneanbah. Tüshe shepünü akheam khiungde arümbanü akhümkhitbah.

LUKNÜ ATHRÜTKHI THIYUSHEAK-ATSÜ HUHTANYU 1:50

Tüsho api amüthsüm lün chingnü lün api trerü kheak lah.

LUKNÜ ATHRÜTKHI THIYUSHEAK-ATSÜ HUHTANYU 11:10

Tümütüsho shepünü kheangchonü leangkhichoh, tüsho shepünü yimchonü ngüchoh, tüsho shepünü thrungchonü api kilim khimshuhjihbah.

LUKNÜ ATHRÜTKHI THIYUSHEAK-ATSÜ HUHTANYU 6:36

Nü Buhnü amüthsüm lakhi nangde amüthsüm laang.

ROMRÜ KILIM PAULNÜ ATHRÜTKHI KIHÜM HUHTANYU 2:4

Yungsho Thrünpuh tsükhinü nü mulong müthripü lim bechoh de mümükheahde api tsükhi, arümkheam tüsho arorikhi mükhemükimcho de?

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

EFISIA 2:4

Tüshe Thrünpuh, shepü mihmüthsüm ching alarü la, apinü isa lümrhihkhi amuzho atonü,

IBRI 10:39

Tüshe isa a tuklode tsobah adükheakrü yung, tüshe akin lah tüsho khümkhita lah.

IBRI 3:14

Tümüde isanü akhuhbe mulongram lakhi ju akheam khiungde düküngde ramrihsho, isanü Khrista lung shihcham luchoh.

IBRI 3:6

tüshe Khrista a tsührü thsüde Thrünpuh yam kurungkheak thiyuro larü lakheah. Tüsho isanü mulong tokhi tüsho isanü kükheangkhi mulonglam ching düküngde ramrihsho, isa ju api yam ah.

JAKOB 1:12

Mihtsürü shepünü rükaki arümchonü müngühmühi, tümüde küyimki apinü rükaki arümkhukbanü api muzhorü ki Thrünpuhnü alokhikhi rhangdung kuthran ngübah.

JAKOB 1:2

Keoniorübo, küyimki nüsanü rükaki aphuaphu shorubanü alala asühkhi ah de lümang,

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.

1 PETER 3:14

Tüshe thiyuro-lungki thsülimnü nü thsünüa lalashe, nü müngühmühibah, sheshe dütre tüsho mulong düsansan.

2 PETER 2:9

tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah,