JAKOB 4:9 - AMÜSÜH HÜM CL Bible (BSI)

⁹ Mulong tukthsüang, tripang tüsho tüzhoang. Nüsa münekhi mulong rozhak tüsho nüsa asühkhi miro mitingkhi kamshang.

JAKOB 4:9 Iomraidhean Croise

NEHEMIA 8:9

Küyimki mihtsürübonü yakzan sokhea, arü mulong khide qiu tüsho atrippü tankih. Jumonü kovünor Nehemia, amükeambuh tüsho yakzan mükheahmudurü Ezranü mihtsürübo ki tha, “Ha nimung ha Atungpuh nüsa Thrünpuh kilim amüsüh ah, nüsa mulong dürozhak tüsho dütrip.

JOB HU H T ANYU 30:31

I bingkhung ju atüzhobe kamdo tüsho I khungpi ju atriprü düsheak kamdo.

MUNGSHIKHÜN 119:136

I mükbo chingnü ke yungbo bukkhichoh, tümütüsho mihtsürübonü nü yakzan muzo.

MUNGSHIKHÜN 119:67

I müthsünüde alachoki I tsokhia lakheah, tüshe kheakü inü nü yu zochoh.

MUNGSHIKHÜN 119:71

I thsümüchikhi ju I thsungkheaknü atsü lakheah, tümütüsho hanü I nü yukhümbo anikhitshih.

MÜCHITMUDU 14:13

Keangrüa münekhi ching she mulong rozhakpü lah, tüsho asühachihkhi akheam ju mulong tukthsüpü lah.

T H S AN GYU T H S AN GR ARÜ 2:2

Inü keangrümünekhi dünkheak tha, “Ha bünkeangbünru ah,” tüsho shih asühkhi dünkheak, “Ha tümü yihnüpü la?”

JEREMIA 31:13

Judüki anünürübonü asühde atsünbah, tüsho athrününgtsüng le azobuhrünü asüharabah. Inü arü tüzhokhi asühpü kamshihbah, inü arü shukheambah tüsho mulong rozhak thsungkheak arü ki asühpü jihbah.

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

TÜZHOKHI 5:15

Isa mulong asühkhi keamdo; isa tsünkhi ju mitrippü kamdo.

EZEKIEL 16:63

Judüki inü küyimki nünü arhimokhi alala dünthsükhibanü, nünü alümkhitbah tüsho achihbah tüsho nü junokhi dünkheaknü küyimkishe nünü nü mün mükhimshuh, Wuto Atungpuhnü thachoh.

EZEKIEL 7:16

Rhangdung larü tüsho atsokhitrü alala müzüngbo ching labah, mihbüm aban nihbuh neak dünkheaknü jindükhün müthrithrümpübo nangde ashearabah.

MATHI 21:41

Arünü alo, “Apinü jurü amütsürü thsümüchide asheshihbah, tüsho yimlu kim ching api hi shihcham jihshihpü thsüde kurungasolu ju thulu-mücherü püpürü kilim jihbah.”

MATHI 5:4

Mitriprübo asühpü, tümüde arübo mulong shukheambah.

LUKNÜ ATHRÜTKHI THIYUSHEAK-ATSÜ HUHTANYU 16:25

Tüshe Abrahamnü alo, ‘I tsah-a, nü rhangdung atsü ngüdo tüsho Lazar amütsü ngüdo de lümkhitang, tüshe kheakü ha ching sühakhimde lah tüsho nü a thsümüchi ching lah.

LUKNÜ ATHRÜTKHI THIYUSHEAK-ATSÜ HUHTANYU 6:21

Nüsa kheakü khümde alarübo asühpü, tümüde nüsa bukthsübah. Nüsa kheakü tripde alarübo asühpü, tümüde nüsa amünebah.

LUKNÜ ATHRÜTKHI THIYUSHEAK-ATSÜ HUHTANYU 6:25

“Nüsa kheakü suhdahde alarübo are, tümüde nüsa akhümbah. “Nüsa kheakü münede alarübo are, tümüde nüsa atüzhobah tüsho atripbah.