JAKOB 4:11 - AMÜSÜH HÜM CL Bible (BSI)

¹¹ Keoniorübo, khülangnü khülang azhihde amütsü düthaachih. Shepünü keoniorü azhihde amütsü asukcho yungsho keoniorü yukhapchonü yakzan azhihde amütsü asukchoh tüsho yakzan yukhapchoh. Tüshe nünü yakzan yukhapsho, nü a yakzan yande arhimorü yung tüshe thiyukhaprü ah.

JAKOB 4:11 Iomraidhean Croise

MUNGSHIKHÜN 140:11

Thsüpkhilukhirü alomi ching dülashih; amütsürünü athsümünim mihtsürü lahyuka bahpü jimshang.

LUKNÜ ATHRÜTKHI THIYUSHEAK-ATSÜ HUHTANYU 6:37

“Thiyudükhap, tüsho nü yumükhap; dübahyuk, tüsho nü mübahyukde alabah, neak bahjang, tüsho nü neak bahjihbah;

ROMRÜ KILIM PAULNÜ ATHRÜTKHI KIHÜM HUHTANYU 2:1

Jumonü, O mihtsürü, nüsa shepünü püpürü kheak mahkhapchonü amudopü müla; tümüde api kheak mahkhapkhinü nü küdah thsüde bahyukchoh, tümütüsho nü, mahkhaprünü ju nangde rhimochoh.

ROMRÜ KILIM PAULNÜ ATHRÜTKHI KIHÜM HUHTANYU 2:13

Tümüde Thrünpuh miki thiyuro-lungkirü ju yakzan anirü yung, tüshe alim mütsanpü larü ju yakzan yande arhimorübo lah.

ROMRÜ KILIM PAULNÜ ATHRÜTKHI KIHÜM HUHTANYU 7:7

Dale tüsho isanü tümü thaba? Yakzan ju neak a de? Jude yung! Tütüshe yakzan hode yungkhülaa inü neak mümükheah-a labah. Yakzannü, “Nünü düyihnelune,” de müthakhülaa inü mümükheahpü lakheah.

1 KORINT 4:5

Jumonü kim mukhiungyide tümü thiyudükhap; Atungpuh arükhi khiungde aleangang. Amiting ching rama lakhi apinü ayin ching hande arübah tüsho mihtsürü mulongbo lahkhitbah. Ju kim ching mihbüm aban nihbuh mungshi Thrünpuh kilimnü aleangkhibah.

2 KORINT 12:20

Tümüde küyimki I arübanü inü alümkhi nangde nüsa mülapü tüsho nüsanü alümkhi I mülapü inü trede lah; junangde rukachih, mükthsü, bukakhiuk, yihnelune, mülapmüji, dünthamungtha, mungshilokhi, tüsho ayingying lapü kuklah.

EFISIA 4:31

Akhüh, mulong zhipzhip, bukakhiuk, alanaji tüsho dünthamungtha athsümünim alala bede bahang,

1 TIMOTHI 3:11

Aliberübo she junangde yakli atsü, müjipjiprararü, tüsho adanyukkhi, alala ching thiyuro labeah.

2 TIMOTHI 3:3

mümuzhokhi, neak mübahjihkhi, dünthamungtha, nihbuh müdanyukkhi, bukmükekhi, atsü thraneanrü,

TITA 2:3

Junangde azoberübo ki yakli ching wüntre lapü, dünthamungtha mülapü yungsho yukhu yo azhorü mükampü thsangyuang; tümü atsüanü arünü thsangyubeah,

JAKOB 1:16

Inü amuzhokhi keoniorübo, dümülapyukshih.

JAKOB 1:19

Inü muzhokhi keoniorübo, ha mükheahang. Mihtsürü abannü asopü niokheamang, tüshe athapü tüsho bukakhiukpü arünnü thsang,

JAKOB 1:25

Tüshe shepünü athülünkhi yakzan, zuzu yakzan, tüsho aroride arhimopü ching kheahde, soa lakhi mümihde rhimochonü anihbuh rhimokhi ching api müngühmühibah.

JAKOB 2:8

Nüsanü atsütsü amüsühyu yande, “Nünü nü yamhingrü ki nihbuh nangde muzhoang,” dükhi kiulongthsü yakzan rhimochosho, tsüde rhimochoh.

JAKOB 5:10

Keoniorübo, thsünü tüsho arümkheampü ching Atungpuh mung ching asukrü wukihrübo kheaknü amütsan luang.

JAKOB 5:7

Jumonü keoniorübo, Atungpuh arüpü nimung khiungde arümkheamang. Kheahang, thulu-thsürünü alonü hi atsü akhiukshihpü mumükin tüsho mükheankim tsüng arümkheamde aleangchoh.

JAKOB 5:9

Keoniorübo, nüsa thiyumükhappü thsüde khülangnü khülang azhihde datsangachih; kheahang, Thiyukhaprü khimdopü ki zhiplah.

1 PETER 2:1

Jumonü lungchihkhi alala, rükmütsü alala, yiuhkhapkhi, mükthsükhi, tüsho dünthamungtha bahang.