JAKOB 4:10 - AMÜSÜH HÜM CL Bible (BSI)

¹⁰ Nüsanü Atungpuh miki azhihayihang tüsho apinü nüsa shuhkihbah.

JAKOB 4:10 Iomraidhean Croise

2 KIUTHSÜYUKHEAN 7:14

I mung chingnü ajikhi I mihtsürübonü azhihayihsho, tamkhüntamnüsho, I miro yimsho, tüsho arü limrobo amütsü chingnü rholosho, inü yinmi chingnü sojihbah arü neak bahjihbah tüsho arü lomi thsüngujihbah.

JOB HU H T ANYU 22:29

Thrünpuhnü akükheangrü thokhichoh tüsho azhihayihrü khümkhitchoh.

JOB HU H T ANYU 5:11

apinü abobe ching larü achang kheak zochoh, tüsho atüzhorü akhümkhitpü shuhmusuchoh.

MUNGSHIKHÜN 113:7

Apinü zhochihrü asungthulung chingnü bemusuchoh, tüsho müthsümülarü awah mujung chingnü shuhkihchoh,

MUNGSHIKHÜN 147:6

Atungpuhnü azhihayihrü bemusuchoh; apinü mihbukmuyukrü alo ching jipa bahchoh.

MUNGSHIKHÜN 27:6

Tüsho kheakü I zündoa lakhi I riribo kumung I ku shuhkihbah; asühde zhide inü api arüngyam ching shuhmülanga kingaünkhibo jihbah; inü khün thsübah, inü Atungpuh shibah.

MUNGSHIKHÜN 28:9

Nü mihtsürü khümkhitang, tüsho nü yamrüplurüp müngühjang; nü arü neakrü thsang tüsho lünnü arü kümang.

MUNGSHIKHÜN 30:1

O Atungpuh , inü nü shijihbah, tümüde nünü I shuhkih, tüsho I riribo I kurungkheak masühachihshih.

ABEKHIT 10:3

Jumonü Mosa tüsho Aronnü Pharao ki yübah tha, “I Atungpuh Ibrirü Thrünpuhnü ha thachoh: ‘Nünü I miki azhihayihpü külokhüh thsungloba? I mihtsürübo tsoshang, junangde arünü I tankihbah.

MÜCHITMUDU 29:23

Mihtsürü lülüshishinü nihbuh abobe kamshihchoh, tüshe me ching azhihayihkhinü wüntre ngüchoh.

EZEKIEL 21:26

ha Wuto Atungpuhnü thachoh: Kuhingbe yihkhiang, kuthran yihkhitang. Ju ruk lakhi nangde ju müla: Abobe shuhkihbah tüsho shuhkih-a lakhi abobe kamshihbah.

MATHI 23:12

shepünü aküdah thsüde shuhkihchonü aninibe kambah, tüsho shepünü aküdah thsüde aninibe kamchonü anihbuh shuhkihbah.

LUKNÜ ATHRÜTKHI THIYUSHEAK-ATSÜ HUHTANYU 1:52

Apinü wuto ju arü kiulongthsü-binkiu kheaknü akishih, tüsho akheamkhibe shuhkih.

LUKNÜ ATHRÜTKHI THIYUSHEAK-ATSÜ HUHTANYU 14:11

Tümütüsho shepü küdah thsüde shuhkihchonü abobe kambah, tüsho shepünü azhihayihchonü ashuhkihbah.”

LUKNÜ ATHRÜTKHI THIYUSHEAK-ATSÜ HUHTANYU 18:14

Inü nüsa ki thachoh, ha buh mihtsürü ju püpürü kheaknü alimbe thsübah anihbuh yam ching yükido; tümüde shepünü küdah thsüde shuhkihchonü abobe kambah, tüsho shepünü küdah thsüde aninibe kamchonü ashuhkihbah.”

1 PETER 5:6

Jumonü kim dükdü ching apinü nüsa shuhkihshihpü thsüde Thrünpuh wuto khah bukkhüp azhihayihang.

1 SAMUEL 2:7

Atungpuhnü zhochihrü kamshihchoh tüsho alarü kamshihchoh; apinü thokhichoh tüsho apinü shuhkihchoh.

1 SAMUEL 2:9

“ Apinü api kheak düküngde alarü rhangdung aheangbah, tüshe amütsürübo amiting ching dükheakbah; tümüde nihbuh sühmühnü akuk müngüchoh.