JAKOB 4:1 - AMÜSÜH HÜM CL Bible (BSI)

¹ Nüsa bolung thirithsü tüsho rukachih tümünü akhiukshihcho? Ju nüsa shihkünkhinü nüsa bolung thirithsü lah yung de?

JAKOB 4:1 Iomraidhean Croise

JEREMIA 17:9

Mulong ju alala kheaknü mülapmüjikhi lah tüsho athsüngupü münchi holah, shepünü ju anikhitkhukba?

MATHI 15:19

Tümüde mulong chingnü amütsü lümkhibo, mihkhukpü, müzammüram, yüliyüra, ahühkhi, arükchih thiyumütsan, mükhemükimbo akhiukchoh.

JOHAN 8:44

Nüsa a nüsa abuh arimri tsührü ah, tüsho nüsa abuhnü akünkhi nüsanü rhimonelah. Atankih chingnü api mihkhukrü lakheah, tüsho thiyuro ching müzhip, tümütüsho api kheak thiyuro müla. Küyimki apinü akeangyu thabanü, apinü nihbuh yakli chingnü thachoh, tümüde api akeangyu tharü ah tüsho ju abuh ah.

ROMRÜ KILIM PAULNÜ ATHRÜTKHI KIHÜM HUHTANYU 7:23

tüshe I lümkhi yakzan bede thirithsükhi I pang shihcham ching yakzan püpü inü ngüchoh tüsho I ju I pang shihcham ching lakhi neak aramrü kamshihchoh.

ROMRÜ KILIM PAULNÜ ATHRÜTKHI KIHÜM HUHTANYU 7:5

Küyimki isa shih ching lakheanü, yakzannü thurumusukhi neak ching asühbe isa pangbo ching rhimode la, junangde isanü ashepü aso asoshih.

ROMRÜ KILIM PAULNÜ ATHRÜTKHI KIHÜM HUHTANYU 8:7

Tümüde shih kheak mulong zokhi ju Thrünpuh kilim thiriri; junü Thrünpuh yakzan ki mümükhümkhuk, yungsho junü müthsükhuk;

GALATIA 5:17

Tümüde shihnü Me azhihde künchoh; tüsho harü khülangnü khülang mübaplapachih, junangde nünü alümkhi rhimopü zhipdochoh.

KOLOSI 3:5

Jumonü tümüpürü nü kheak alomi yakli lanü sheshang: müzammüram, mümüsühkhi, amürühkhi, amütsü künkhi tüsho küpü sangthsü kingaünkhibo la, ju yihnelune.

2 TIMOTHI 2:23

Makhakhi tüsho akeangkeang atsangachih tümü düthsü, tümütüsho jurünü rukachih akhiukshihchoh de nünü mükheahlah.

TITA 3:3

Tümüde isa she khülangki makhade mihyumanide, tsophülapde, shihkünkhi tüsho asühara aphuaphu azhorü thsüde, isa nimungbo alungchihpü, mükthsüpü, mihtsürü khülangnü khülang thraneanachihde hoshih;

TITA 3:9

Tüshe makhade atsangachihkhi, lünkhe-yukean thrütkhi, achamnakbo, tüsho yakzan dünkheak rukachihkhibo bahang, tümüde jurü alü müla tüsho akeangkeang.

JAKOB 1:14

tüshe mihtsürü aban nihbuhnü amütsü künkhinü bephülapde tüsho münityukde lachoki rükakichoh.

JAKOB 4:3

Nüsanü kheangchoh tüshe müngü, tümütüsho nüsanü nüsa shihkünkhi ching bahpü amülimnü kheangchoh.

1 PETER 1:14

Mihyuanikhi tsührübo a le, nüsanü akhuhlim shihkünkhi kheak mulong düjih,

1 PETER 2:11

I müyamrübo, nüsa hanrü tüsho tsotsahrü a le nüsa me azhihde thirithsükhi shihkünkhi ching danyukang de nüsa ki tuthsukchoh.

2 PETER 2:18

Küyimki arünü lülüshishide akeangkeang yu asukbanü, arünü shihkünkhi, yakli amütsü hode dükde mülarü bolungnü atsokhirü bephülapchoh.

2 PETER 3:3

Akhuhde, akheam nimungbo ching luhmünerünü luhmünede tüsho arü nihbuh amütsü künkhi chingnü arübah de nüsanü anikhitbeah.