JAKOB 3:6 - AMÜSÜH HÜM CL Bible (BSI)

⁶ Tüsho mulo ju mo ah. Ha isa pang shihcham bolung amütsü lomi, pang athrünkhi thsümünimjihde, thsümüchi chingnü arükhi mo kheak rhangdung athrünkhi yihkih-a takchoh.

JAKOB 3:6 Iomraidhean Croise

2 SAMUEL 16:20

Judüki Absalomnü Ahithophel ki tha, “Nünü isa ki athsunganahang; isanü tümü rhimobea?”

2 SAMUEL 19:43

Tüshe Israel mihtsürübonü Juda mihtsürübo ki alo, “Kiulongthsüpuh kheak isa shihcham thürü lah, tüsho David kheak she nüsa kheaknü isa alübe lah. Dale tümüde nüsanü isa mükhemürangcho? Isa kiulongthsüpuh belodarüpü akhuh thakhi ju isa yung de?” Tüshe Juda mihtsürübo yu ju Israel mihtsürübo yu kheaknü amüzhakbe lakheah.

2 KIUTHSÜYUKHEAN 13:17

Abija tüsho api bonungrünü tode laksahde arü kuk; amokhitkhi Israel mihtsürü 500,000 laksah-a yap.

MUNGSHIKHÜN 140:3

Arü mulo phuruto nangde zükhitchoh; arü münküpbo khüp ngümto müzüm lah.

MUNGSHIKHÜN 64:3

sherünü nukshang nangde arü mulo zücho, tüsho hühzobo nangde arü akhüh yubo amucho,

MÜCHITMUDU 15:1

Thünakde alokhinü bukakhiukkhi keamshihchoh, tüshe thiyu amüküpnü bukakhiukpü thurumusuchoh.

MÜCHITMUDU 16:27

Amütsü mihtsürünü amütsü asahchoh, tüsho api yu thakhi mo muliukhi nangde lah.

MÜCHITMUDU 6:19

arükchih thiyumütsan asukkhi, tüsho keoniorü bolung alanaji akhiukshihkhi mihtsürü.

MÜCHITMUDU 7:5

junangde jurünü yüliyüra liberü, anihbe yubonü münityukpü lakhi kheaknü abemuwuhbah.

ISAIA 30:27

Kheahang, Atungpuh mung, limshu chingnü, api bukakhiukde, tüsho mokhüh kheahde liukihde arüchoh; api münküp bukakhiuknü milah, tüsho api mulo aniuabahbe mo nangde lah;

ISAIA 50:11

Tüshe nüsa alala mo takkihrü, mozhuh takkihrü ah. Nü mo trukhi ching tüsho nünü atakkihkhi mozhuh bolung tsahang! Ha I khah chingnü nünü angübah: nü thsümütsü ching yapbah.

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

JEREMIA 28:16

Jumonü Atungpuhnü ha thachoh: Inü nü alomi kheaknü yihkhita bahpü thsüchoh. Ha kam ching nü ashebah, tümütüsho nünü Atungpuh azhihde asukdo.”

LEVI 24:11

Israelbe tsührü junü Thrünpuh mung athrude tha; jumonü arünü api Mosa kilim bedarü. (Abe mung ju Shelomith, Dan trük, Dibri tsührübe lakheah).

WÜHKHE 25:2

Arünü mihtsürübo jia arü thrünpuhbo ki laksah-a kingaünshih, tüsho mihtsürübonü tsühyung tüsho arü thrünpuhbo ki khukning.

WÜHKHE 31:16

Kheahang, arünü Balaam yu anibah Israel mihtsürübo Peor ching dünjichoki Atungpuh azhihde amülim rhimoshih, tüsho Atungpuh mihtsürü bolung arüm tukthsü lakheah.

MATHI 12:24

Tüshe Pharisirünü ju sobah tha, “Amünean me yakzanshuhbuh Beelzebub hodü lang habuhnü amünean me yankhita bahchoh.”

MATHI 5:22

Tüshe shepünü nihbuh keoniorü ki bukakhiukbanü mahkhap ching bedarübah. Shepünü nihbuh keoniorü ki makharü de athabanü kiuthsü-binkiu miki bedarübah, tüshe shepünü aduhrü de athabanü thsümüchi motru ching atrebe labah.

MARK 7:15

Aleanglimnü yüzahbah mihtsürü khülang müneanjihpü tümü müla, tüshe mihtsürü chingnü tümü akhiukchonü junü api müneanjihchoh.

LUKNÜ ATHRÜTKHI THIYUSHEAK-ATSÜ HUHTANYU 16:24

Judüki apinü jide tha, ‘Abuh Abraham, I ki muzhoang, tüsho Lazar thiyibah api yingkhing ke ching athsobah I mulo rüngshang; tümüde I ha motru ching rungsahde lah.’

YUNIRÜBO RHIMO 20:30

tüsho nüsa bolungnü she akeangyu thaa akinrübo arü dunglim yüshihpü mihtsürü akhiukbah.

YUNIRÜBO RHIMO 5:3

Tüshe Peternü tha, “Anania, tümü thsükhi alo yinkhi sho khürü chama zopü Amüsüh Me ki akeangyu thade nü mulong ching Arimri yüzahkhea?

YUNIRÜBO RHIMO 6:13

Arünü arükchih thiyumütsan jihde tha, “Ha mihtsürünü kamruhroro isa amüsüh arüngyam tüsho Mosa yakzan azhihde athapü mutuklo;

YUZÜNGTHALO 13:6

“Nü khiung, nü be tsührü, nü tsührü yungsho tsührübe, nünü amuzhokhi yamkhünberü yungsho nü ki mulong khülang thsükhi müyamrünü nü bephülappü thsüde hade thasho, Isanü yübah püpürü thrünpuhbo tankihanü, shepü nü tüsho nüsa jipürünü mümükheah,

TITA 1:11

arübo zhikde akamshihbeah, tümütüsho arünü thsangyupü alim mülakhi, thiyuro mülakhi alü thsüpü thsangyude yamkhünbo shahde thsümünimchoh.

JAKOB 2:7

Nüsa kilim jihkhi mung atsü mükhemükimkhi arü yung de?

JAKOB 3:7

Tümüde shiwüh mungji aban tüsho wuhnu, keakninphuru tüsho keto loriloko dankhuklah tüsho mihtsürünü danyukdo,

2 PETER 3:3

Akhuhde, akheam nimungbo ching luhmünerünü luhmünede tüsho arü nihbuh amütsü künkhi chingnü arübah de nüsanü anikhitbeah.

3 JOHAN 1:10

Jumonü küyimki I arübanü, apinü isa azhihde amütsü yubo thakhi lahkhitbah. Ju kheaknü reangmükeamde apinü keoniorübo beyukpü reanglochoh. Apinü arü beyukpü mulongrü she tukloshihchoh tüsho borü chingnü yankhita bahchoh.

AMIKHEAKAKHIUKKHI 12:9

Tüsho dragon ato, ju jipü phuruto, Amünean tüsho Arimri de ajikhi, alomiküp athrünkhi mülapyukbuh ju api lung anihbuh yunirübo bede alomi ching jipkhia bah.

AMIKHEAKAKHIUKKHI 13:14

khinthiyinbebo hode akhuhbe shiwüh thsung thsüde apinü arhimopü wu jih-a lakhinü, apinü alomi kheak larü mülapyuk. Nukshangnü yuribah arhang lakhi shiwüh wüntre jihde mejak khülang thsüpü arü ki thiyukhüm jih.

AMIKHEAKAKHIUKKHI 18:23

nü kheak tsünpung ayinatrüm mütahlo; tüsho nü kheak yamkhün-kambuh le yamkhün-kambe düsheak musolo; tümüde nü shothsümolorübo alomi mungkhung mihtsürübo lakheah, tüsho nü wurük hode trükshih alala mülapyuk.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.