JAKOB 3:17 - AMÜSÜH HÜM CL Bible (BSI)

¹⁷ Tüshe akulimnü arükhi lümlung ju akhuhde atsangkhitkhi, jushu mungtsü, azhihayih, zhakmüzhi, mihmüthsüm tüsho sangaso atsünü mide, jakkheahkhi tüsho yiuhkhapkhi müla.

JAKOB 3:17 Iomraidhean Croise

1 KIULONG THSÜRÜ 3:12

kheakü inü nü yu yande rhimochoh. Atsütsü inü nü kilim lümlung tüsho mütsankhitpü lümkhi jihchoh; nü müngüh sheshe nü ruk mülakheah tüsho nü ruk sheshe nü dunglim masürü.

1 KIULONG THSÜRÜ 3:28

Kiulongthsüpuhnü mahkhapjihkhi Israel alalanü so; tüsho arünü kiulongthsüpuh trezung thsüde zhip, tümütüsho mahkhappü thsüde Thrünpuh lümlung api kheak lah de arünü ngükhit.

1 KIULONG THSÜRÜ 3:9

Jumonü nü yamlarü kilim nü mihtsürü yakzan shuhpü, atsü tüsho amütsü dükeak mütsankhitkhukpü anikhitkhi lümlung jihang; tümüde shenü ha nü mihtsürü ato kurungkheak yakzan shuhkhukba?”

1 KIUTHSÜYUKHEAN 22:12

Atungpuhnü lang nü kilim mükheahmudu tüsho lümlung jihshang, junangde apinü nü Israel kurungkheak limberü thsüshihchoki nünü Atungpuh nü Thrünpuh yakzan anibah.

1 KIUTHSÜYUKHEAN 22:9

Kheahang, tsührü khülang nü kilim zübejihbah; api mungtsü mihtsürü labah. Inü thrip abande api riribo kheaknü api kilim mungtsü jihbah; tümüde api mung Solomon labah, tüsho inü api nimungbo ching Israel kilim mungtsü tüsho keamram jihbah.

JOB HU H T ANYU 28:12

Tüshe lümlung küchingnü angüba? Tüsho anikhitpü dangpung küching la?

JOB HU H T ANYU 28:23

Thrünpuhnü ha limro anikhitlah tüsho alapung mükheahlah.

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

ABEKHIT 36:2

Judüki Mosanü Bezalel le Aholiab, tüsho arübah rhimoshihpü Atungpuhnü lümlung jihrü tüsho mulong qiurü thsüsonungnürü alala ji.

MÜCHITMUDU 2:6

Tümüde Atungpuhnü lümlung jihchoh; api mün chingnü mükheahmudu tüsho anikhitkhi arüchoh;

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

ISAIA 32:6

Tümüde makharünü mudukmüke yu asukchoh, tüsho arü lümkhi ju amütsünü makeangde lah: Thrünpuh mümükheahkhi rhimopü, Atungpuh dünkheak lakshi thapü, akhümrü bukmüthsüde zojihpü tüsho kethürirü yungpü tukloshihpü lah.

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

DANIEL 1:17

Harü athrününgtsüng phüyi kilim Thrünpuhnü mükheahmudu tüsho yuthrüt alala ching ayeanzam tüsho lümlung jih; Daniel she michihbo tüsho milimbo alala ching anikhitkhi lakheah.

MALAKI 2:9

jumonü inü nüsa mihtsürü alala miki khenoshih tüsho abobe kamshih, tümütüsho nüsanü I limrobo müyan tüshe nüsa yakzan ching jakkheahdo.

MALAKI 3:3

api ju atsangkhitbe tüsho shotoyinchi tsangkhitbe nangde abinbah tüsho apinü suna le shotoyinchi tsangkhitkhi nangde Levi tsühsoniusobo tsangkhitbah, junangde arünü thiyuro-lungki ching Atungpuh kilim kingaünbo hande arübah.

MATHI 23:28

Junangde aleanglim a nüsa ju thiyuro-lungki mihtsürü nangde huhchoh tüshe alunglim a nüsa yiuhkhapkhi tüsho mihbukmuyuknü mide lah.

MATHI 5:8

Mulong müsühde alarübo asühpü, tümüde arünü Thrünpuh ngübah.

MATHI 5:9

Mungtsü thsürübo asühpü, tümüde arü ki Thrünpuh tsührübo de ajibah.

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

LUKNÜ ATHRÜTKHI THIYUSHEAK-ATSÜ HUHTANYU 6:36

Nü Buhnü amüthsüm lakhi nangde amüthsüm laang.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:47

Jisunü Nathanael api kilim arüde ngü, tüsho api dünkheak tha, “Kheahang, amülim mülakhi thiyuro Israelrü!”

YUNIRÜBO RHIMO 11:24

tümüde api ju Amüsüh Me tüsho akinnü mide alakhi mihtsürü atsü lakheah. Tüsho boto ahihkhüh Atungpuh kilim bedarü.

YUNIRÜBO RHIMO 9:36

Joppa ching aliberü akinrü amung Tabitha (Greek yunü Dorka, amütsan shihmüchi) lakheah. Alibe ju rhimo atsü tüsho rungzürungdo rhimonü mide alakheah.

ROMRÜ KILIM PAULNÜ ATHRÜTKHI KIHÜM HUHTANYU 12:18

Kuksho, nünü alala ki mungtsü laang.

ROMRÜ KILIM PAULNÜ ATHRÜTKHI KIHÜM HUHTANYU 12:9

Amuzho ju thiyuro lashang; tümü amütsüanü thraneanang, tümü atsüanü düngde ramrihang;

ROMRÜ KILIM PAULNÜ ATHRÜTKHI KIHÜM HUHTANYU 15:14

I keoniorübo, nüsa atsünü mide, mükheahmudu alalanü mide, tüsho khülangnü khülang thsangdanachihpü kukkhi hode nüsa dünkheak I reangkeamlah.

1 KORINT 12:8

Khülang kilim Me hode lümlung yu jih-a lah, tüsho püpü khülang kilim ju Menü mükheahmudu yu jih-a lah,

2 KORINT 10:1

I Paulnü, Khrista amuzho tüsho azhihayih hode nüsa ki mushuchoh–nüsa ki a I azhihayihdo, tüshe nüsa kheaknü atrütsho müküplah!

2 KORINT 6:6

atsangkhitkhi, mükheahmudu, arorikhi, amuzho, Amüsüh Me, atsütsü amuzho,

2 KORINT 7:11

Ha Thrünpuh lümkhi yande mulong tukthsükhinü nüsa kheak tümü akhiukshih-a lanü kheahang: azhihayihkhi, nüsa müsühde alapü mulongdakkhi, thiyuro, bukakhiukkhi, lamlamsahdo, künsahde, lümrhihpü, thiyuro rhimo kheahpü thsakham. Hadürü alala ching nüsa müsühde alakhi mütsan.

2 KORINT 9:10

Shepünü müjih-hiurü kilim müjih tüsho atsühpü yikhap jihchonü nüsa müjih bushihbah tüsho nüsa thiyuro-lungki yimlukhi alü kamshihbah.

EFISIA 5:9

(tümüde ayinatrüm sangaso ju atsü, alungki tüsho thiyuro alala ching ngüchoh),

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

FILIPI 4:8

Akheam ching, keoniorübo, tümüpürü thiyuro la, tümüpürü wüntrepü la, tümüpürü alim la, tümüpürü atsangkhit la, tümüpürü akhamkhi la, tümüpürü amuzho la, tümüanü atsüdak lasho, tümüanü mungshipü thülünde lasho, judürü dünkheak lümakheahang.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

1 TESALONIKA 2:7

Tüshe isa ju berünü tsührü kümkhi nangde nüsa lung azhihayihde alakheah.

1 TIMOTHI 5:21

Thrünpuh tüsho Jisu Khrista le amokhitkhi yunirübo mikinü mulong müyütde, jakkheahkhi mürhimopü thsüde ha yuzüngbo anipü inü nü ki tuthsukchoh.

2 TIMOTHI 2:24

Tüsho Atungpuh tankihrünü a murukachihbeah tüshe mihbüm aban ki muzhode, thsangyurü thsüpü thülünde arümkheam,

TITA 1:15

Atsangkhitkhi ching alala tsangkhitlah, tüshe athsümünim tüsho mükinkhi ching tümü she atsangkhitkhi müla; arü lümkhi tüsho sulümbo athsümünim lah.

TITA 3:2

she dün amütsü masukpü, mungtsü tüsho müyamrü thsüpü tüsho alala ki thiyuro azhihayih huhpü arü ki lümkhitshang.

IBRI 12:11

Adanyukkhi ju anükhühkheak asühpü yungde thsünükhi lah; ju dunglim judürünü adanyukrü kilim thiyuro-lungki mungtsü sangaso akhiukshihchoh.

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

JAKOB 2:13

Tümüde mihmüthsüm muhuhrü ki mahkhapkhinü mihmüthsüm mülachoh; tütüshe mihmüthsümnü mahkhap kurungkheak kukchoh.

JAKOB 2:4

nüsanü nüsa bolung yakkhitchoh yung de, tüsho amütsü lümkhibo bede mahkhaprübo kamchoh yung de?

JAKOB 3:15

Hadürü lümlung ju akulimnü arükhi yung; ha alomi yo, me-mülakhi, amünean ah.

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 2:1

Jumonü lungchihkhi alala, rükmütsü alala, yiuhkhapkhi, mükthsükhi, tüsho dünthamungtha bahang.

1 PETER 2:18

Yamlarübo, nüsa putungrübo, muzhode tüsho amüthsümrü ki lang yung tüshe amüküprü ki she khide wüntre jihang.

1 JOHAN 3:18

Azürübo, isanü thiyu yungsho asukachihkhi ching amuzho mülanü tüshe rhimo tüsho thiyuro ching laanü.

1 JOHAN 3:3

Tüsho api atsangkhitkhi lakhinü, api kheak mulongram larü aban nihbuh küdah thsüde tsangkhitchoh.