JAKOB 3:10 - AMÜSÜH HÜM CL Bible (BSI)

¹⁰ Ju mün rukhüh chingnü mungshipü tüsho athruajipü akhiukchoh. I keoniorübo, hade müthsübeah.

JAKOB 3:10 Iomraidhean Croise

THRÜNTAN 20:9

Abimeleknü Abraham ji tüsho api ki tha, “Nünü isa ki tümü rhimokhea? Inü nü ki tümü amülim rhimokhi nünü I tüsho I kiulongthsü kheak neak ato hande arükhea? Nünü I ki amürhimobe rhimodo.”

2 SAMUEL 13:12

Alibenü api ki alo, “Yung, akhiung, I kheak dünimkih; tümüde Israel ching hadürü mürhimochoh; khide amakham tümü dürhimo!

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

ROMRÜ KILIM PAULNÜ ATHRÜTKHI KIHÜM HUHTANYU 12:14

Nü thsümüchirü müngühjang; müngühjang tüsho arü dümuthrumünean.

1 KORINT 3:3

tümüde nüsa kheakü khiungde shih kilim lah. Tümütüsho nüsa bolung mükthsü tüsho rukachih lachoki, nüsa shih kilim yung de tüsho mihtsürü yancho nangde yakli huhchoh yung de?

1 TIMOTHI 5:13

Kheaküshe arünü yomuhyothsünpü, yamrümpü, jipjiprarapü tüsho arünü amüthabe thade arahrungpü anikhita luchoh.

JAKOB 1:16

Inü amuzhokhi keoniorübo, dümülapyukshih.

JAKOB 1:19

Inü muzhokhi keoniorübo, ha mükheahang. Mihtsürü abannü asopü niokheamang, tüshe athapü tüsho bukakhiukpü arünnü thsang,

JAKOB 3:1

I keoniorübo, nüsa ahihkhüh thsangyurü dükam, tümüde isa sherünü thsangyuchonü atobenü müküpde thiyukhapbah de nüsanü mükheahlah.

JAKOB 3:11

Kenü rukhüh chingnü ke aniung tüsho akhüh bukkhitpü kukla de?

JAKOB 3:9

Hanü isanü Atungpuh jichoh tüsho Abuh shijihchoh, tüsho hanü isanü Thrünpuh kiphahkhi ching thrünkhi mihtsürü athruajichoh.

1 PETER 3:9

Amütsü müthri amütsü düjihlo yungsho luhsho düluhlo; tüshe judübüdün a müngühjang, tümüde nüsanü müngühmühi ngüpü thsüde nüsa ha ching jikheah.