JAKOB 3:1 - AMÜSÜH HÜM CL Bible (BSI)

¹ I keoniorübo, nüsa ahihkhüh thsangyurü dükam, tümüde isa sherünü thsangyuchonü atobenü müküpde thiyukhapbah de nüsanü mükheahlah.

JAKOB 3:1 Iomraidhean Croise

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

MALAKI 2:12

Khürünü ha Jakob khimyambo ching rhimosho, yungsho Wuto Atungpuh kilim kingaün hande arürü she Atungpuhnü dükheakshang.

MATHI 10:24

“Jingyanrü khülang ju api thsangyurü kumung yung, yungsho yamlarü khülang ju api putungrü kumung yung.

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

MATHI 23:14

Nüsa yakzan thsangyurübo tüsho Pharisirü, yiuhkhaprübo are! Tümüde nüsanü khimoberü yambo thsümünimchoh, tüsho rük thsüde ashangshang tamkhüntamnüchoh. Jumonü nüsa thsümüchi amütsübe lah.

MATHI 9:11

Küyimki Pharisirünü ha ngükhea, arünü api jingyanrübo ki keo, “Tümü thsükhi nüsa thsangyubuhnü rukthrerü tüsho aneakrübo lung yimtsühcho le?”

LUKNÜ ATHRÜTKHI THIYUSHEAK-ATSÜ HUHTANYU 16:2

Jumonü apinü anihbuh jibah tha, ‘Inü nü dünkheak sokhi ha tümü a? Nü khinkihthsükhi khemütsana jihang, tümüde kheaküa nü khinkihthsürü müthsü.’

LUKNÜ ATHRÜTKHI THIYUSHEAK-ATSÜ HUHTANYU 6:37

“Thiyudükhap, tüsho nü yumükhap; dübahyuk, tüsho nü mübahyukde alabah, neak bahjang, tüsho nü neak bahjihbah;

JOHAN 3:10

Jisunü api ki alo, “Nü Israelrü thsangyurü thsübah harü mümükheah de?

YUNIRÜBO RHIMO 13:1

Antiok borü ching wukihrübo tüsho thsangyurübo Barnaba, Niger de ajikhi Simeon, Serenerü Lucia, Herod kiulongthsüpuh mahkhappung ching kheyukrü Manaen tüsho Saul lakheah.

1 KORINT 12:28

Tüsho Thrünpuhnü borü ching akhuhde amüsüh-thsangyurübo moyuk, mahnepü wukihrübo, mahsampü thsangyurübo, jushu khinthiyinbe rhimorü, jushu athsüngurü, arungachihrü, kiuthsürü, thiyutha aphuaphu ching tharübo.

2 KORINT 5:10

Tümüde isa alala Khrista thiyukhap binkiu miki labah, junangde mihbüm abannü pang ching rhimokhi ayannü atsü yungsho amütsü leangkhibah.

EFISIA 4:11

Tüsho api thsambahbo ju khürü amüsühthsangyurü, khürü wukihrü, khürü thsangyuthsangrarü, khürü namfimihnu neakrü tüsho thsangyurü,

1 TIMOTHI 1:7

Arünü yakzan thsangyurü thsüpü künlah, tüshe arünü tümü dünkheak thacho yungsho tümü mütsande asukchonü mümükheah.

1 TIMOTHI 2:7

Ha thsungkheaknü I thsangyuthsangrarü tüsho amüsüh-thsangyurü, akin tüsho thiyuro ching khiungkerü thsangyurü khülang kamshih. Inü akeangyu yungde, thiyuro thachoh.

2 TIMOTHI 1:11

Ha thiyusheak-atsü thsungkheak I ju thsangyuthsangrarü, amüsüh-thsangyurü tüsho thsangyurü mokhit,

IBRI 13:17

Nüsa limberübo ki mihyuaniang tüsho arü yukhüm yanang; tümüde arünü me mütsanmüküh-a jihpü thsüde nüsa me kurungkheak aheangchoh. Arünü mulong tukthsüde yungde asühde rhimoshang, tümüde ju nüsa thsungkheak alü mülade akambah.

JAKOB 1:16

Inü amuzhokhi keoniorübo, dümülapyukshih.

JAKOB 1:19

Inü muzhokhi keoniorübo, ha mükheahang. Mihtsürü abannü asopü niokheamang, tüshe athapü tüsho bukakhiukpü arünnü thsang,

JAKOB 3:10

Ju mün rukhüh chingnü mungshipü tüsho athruajipü akhiukchoh. I keoniorübo, hade müthsübeah.

1 PETER 5:3

nüsa bukkhüp zojihkhi junode yung, tüshe namfimihnu boto ki amütsan laang.