JAKOB 2:8 - AMÜSÜH HÜM CL Bible (BSI)

⁸ Nüsanü atsütsü amüsühyu yande, “Nünü nü yamhingrü ki nihbuh nangde muzhoang,” dükhi kiulongthsü yakzan rhimochosho, tsüde rhimochoh.

JAKOB 2:8 Iomraidhean Croise

1 KIULONG THSÜRÜ 8:18

Tüshe Atungpuhnü I buh David ki tha, ‘I mung thsungkheak thüyam khülang thsüpü lümkhi nünü tsüde rhimodo;

2 KIULONG THSÜRÜ 7:9

Judüki arünü khülangnü khülang ki tha, “Isanü tümü rhimochonü amülim ah. Ha thiyusheak atsü nimung khülang ah; isanü düsheak makhiuksho tüsho yapsu ayin khiungde aleangsho, isa kheak thsümütsü arübah; jumonü isanü yüanü tüsho kiulongthsüpuh yamkhün ki thaanü.”

LEVI 19:18

Nünü nü mihtsürü azhihde rodüyim, yungsho mükthsühüthsü düla, tüshe nünü nü yamhingrü ki nihbuh nangde muzhoang: I Atungpuh ah.

LEVI 19:34

Nüsa lung lakhi khiungkerü ju mihkhung nangde alabah; nünü khiungkerü ki nihbuh nangde muzhoang, tümüde nüsa Ijip ching khiungkerü lakheah: I Atungpuh nüsa Thrünpuh.

JONA 4:4

Tüshe Atungpuhnü tha, “ Nü bukakhiukpü alim la de?”

JONA 4:9

Tüshe Thrünpuhnü Jona ki tha, “Sangrung dünkheaknü nü bukakhiukpü alim la de?” Tüsho apinü alo, “Am, ashepü bukakhiukchoh.”

MATHI 22:39

Tüsho mahnepü ju, ‘Nünü nü yamhingrü ki nihbuh nangde muzhoang.’

MATHI 25:21

Api putungrünü anihbuh ki tha, ‘Tsüde rhimodo, thiyuro yamlarü atsü; nünü kukruk anükhüh kurungkheak thiyuro lado, inü kukruk ahihkhüh kurungkheak nü yakzanshuhrü kamshihbah. Nü putungrü asühpung ching yüzahang.’

MATHI 25:23

Api putungrünü anihbuh ki tha, ‘Tsüde rhimodo, thiyuro yamlarü atsü; nünü kukruk anükhüh kurungkheak thiyuro lado, inü kukruk ahihkhüh kurungkheak nü yakzanshuhrü kamshihbah. Nü putungrü asühpung ching yüzahang.’

MATHI 7:12

Jumonü tümüpürü mihtsürübonü nü ki rhimoshihnelanü, arü ki she rhimoang, tümüde ha yakzan tüsho wukihrübonü thsangyukhibo lah.

ROMRÜ KILIM PAULNÜ ATHRÜTKHI KIHÜM HUHTANYU 13:10

Amuzhonü yamhingrü ki amülim müthsüchoh; jumonü amuzho ju yakzan mihyuanikhi ah.

GALATIA 5:14

Tümüde yakzan alala thiyu khülang ching tharüplah, “Nünü nü yamhingrü ki nihbuh nangde muzhoang.”

GALATIA 6:2

Khülangnü khülang hahmülang hanrungachihang, tüsho junangde Khrista yakzan dünjishang.

FILIPI 4:14

Tüshe I küpkhukbo ching nüsanü arungkhi ju nüsa tsüdakkhi lakheah.

1 TESALONIKA 4:9

Tüshe keoniorü muzhopü dünkheaknü khürünü nüsa ki thrütpü thsüde yihnüpü müla, tümüde khülangnü khülang muzhoachihpü Thrünpuhnü nüsa ki thsangyudo.

JAKOB 1:25

Tüshe shepünü athülünkhi yakzan, zuzu yakzan, tüsho aroride arhimopü ching kheahde, soa lakhi mümihde rhimochonü anihbuh rhimokhi ching api müngühmühibah.

JAKOB 2:12

Jumonü zuzu kampü yakzannü mahkhaprü lakhi mihtsürübo nangde asukang tüsho rhimoang.

JAKOB 2:19

Thrünpuh khülang lah de nüsanü kinchoh; tsülah! Arimrinü she kinchoh tüsho trede ajanchoh.

JAKOB 4:11

Keoniorübo, khülangnü khülang azhihde amütsü düthaachih. Shepünü keoniorü azhihde amütsü asukcho yungsho keoniorü yukhapchonü yakzan azhihde amütsü asukchoh tüsho yakzan yukhapchoh. Tüshe nünü yakzan yukhapsho, nü a yakzan yande arhimorü yung tüshe thiyukhaprü ah.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.