JAKOB 2:23 - AMÜSÜH HÜM CL Bible (BSI)

²³ tüsho amüsühyu dünjide tha, “Abrahamnü Thrünpuh kin, tüsho api kilim thiyuro-lungki khejih”; tüsho api ju Thrünpuh müyambuh de ji.

JAKOB 2:23 Iomraidhean Croise

THRÜNTAN 15:6

Abramnü Atungpuh kheak kin, tüsho api kilim anihbuh ju thiyuro-lungki khejih.

1 KIULONG THSÜRÜ 4:5

Nathan tsührü Azaria ju atorübo kumung lakheah; Nathan tsührü Zabud ju amükeamrü tüsho kiulongthsüpuh müyamrü lakheah;

2 KIUTHSÜYUKHEAN 20:7

O isa Thrünpuh, nünü ha lomi ching larü nü mihtsürü Israel müngühnü yankhit, tüsho ju nü müyambuh Abraham tsühsoniusobo kilim lün thsungkheak jihkhi yung de?

JOB HU H T ANYU 16:21

Mihtsürünü müyamrü thsungkheak mushukhi nangde khürünü I thsungkheak Thrünpuh ki mushujihkhülaa.

ABEKHIT 33:11

Mihtsürünü müyamrü ki asukachihkhi nangde Atungpuhnü Mosa ki miro le miro asukachihde alakheah. Jushu Mosanü binkheampung lim alode yü, tüshe api rungbuh Nun tsührü athrününgtsüng Jihusua a khimyam chingnü makhin.

ISAIA 41:8

Tüshe nü, Israel, I yamlarü, Jakob, shepü inü mokhitkhea, I müyambuh Abraham tsührü;

MARK 12:10

Nüsanü amüsühyu ha mükhe de: ‘Thüyam thsürübonü abahyukkhi lung ju adungtobe amühit-lung kamdo.

MARK 15:27

Arünü api lung jangkhijangrarü mahne she khülang tsülim tüsho khülang ju huzulim de yümkih.

LUKNÜ ATHRÜTKHI THIYUSHEAK-ATSÜ HUHTANYU 4:21

Tüsho apinü arü ki thapü tankih, “Khihni nüsanü sode ha amüsühyu dünjido.”

YUNIRÜBO RHIMO 1:16

tüsho tha, “I keoniorübo, David hode Amüsüh Menü, Jisu rampü limbebuh kamkhi Juda dünkheak thakhi amüsühyu dünjipü lakheah;

ROMRÜ KILIM PAULNÜ ATHRÜTKHI KIHÜM HUHTANYU 11:2

Apinü mükheahjunga lakhi api mihtsürü Thrünpuhnü mübahyuk, Elijanü Israel azhihde Thrünpuh ki mushukhi dünkheak amüsühyunü athakhi nüsanü mümükheah de?

ROMRÜ KILIM PAULNÜ ATHRÜTKHI KIHÜM HUHTANYU 9:17

Tümüde amüsühyunü Pharao ki thachoh, “Alomi alala ching I mung zhiyukshihpü thsüde nü kheak I wu huhpü inü nü asürüshih.”

GALATIA 3:22

Tüshe Jisu Khrista kheak akin hode akinrü kilim alokhikhi jihpü thsüde alomiküp alala neak bukkhüp lah de amüsühyunü khipkhitchoh.

GALATIA 3:6

Abraham lümakheahang: “Apinü Thrünpuh kin, tüsho api ju thiyurolungki khejih.”

2 TIMOTHI 3:16

Amüsühyu alala Thrünpuhnü mütyukjihkhi tüsho thsangyupü, athürühpü, thsülangpü tüsho thiyuro-lungki ching zükhitpü thsungkheak yihnüpü lah,

JAKOB 2:24

Mihtsürü khülang ju akinnü lang yungde, rhimobonü alim mütsankhi nüsanü ngülah.

1 PETER 2:6

Tümüde amüsühyu ching ha thachoh, “Kheahang, amokhitkhi tüsho shoto lung khülang inü Zion ching zochoh, tüsho shepü api kheak kinbanü achih müngü.”