JAKOB 2:21 - AMÜSÜH HÜM CL Bible (BSI)

²¹ Apinü atsührü Isak kingaün sadam kheak jihchoki, isa abuh Abraham rhimobonü alim mütsankhi yung de?

JAKOB 2:21 Iomraidhean Croise

MUNGSHIKHÜN 143:2

Nü yamlarü kheak mahkhappü ching düyüzah, tümüde nü miki rhangdung lakhi sheshe thiyuro-lungki müla.

ISAIA 51:2

Nü buh Abraham tüsho nü zübebe Sara kilim kheahang; tümüde inü api zangrü jikheah, tüshe inü api müngühjih tüsho api hihde kamshih.

MATHI 12:37

Tümütüsho nü yubo hode nü alim mütsanbah, tüsho nü yubo hode nü abahyukbah.”

MATHI 3:9

tüsho nüsa küdah thsüde, ‘Abraham ju isa abuh ah,’ de athapü dülüm. Tümüde Thrünpuhnü harü lungbo kheaknü Abraham kilim tsührübo akhiukshihkhuklah de inü nüsa ki thachoh.

LUKNÜ ATHRÜTKHI THIYUSHEAK-ATSÜ HUHTANYU 1:73

apinü isa jipürü Abraham ki thiyuchihchimkhi:

LUKNÜ ATHRÜTKHI THIYUSHEAK-ATSÜ HUHTANYU 16:24

Judüki apinü jide tha, ‘Abuh Abraham, I ki muzhoang, tüsho Lazar thiyibah api yingkhing ke ching athsobah I mulo rüngshang; tümüde I ha motru ching rungsahde lah.’

LUKNÜ ATHRÜTKHI THIYUSHEAK-ATSÜ HUHTANYU 16:30

Tüsho apinü tha, ‘Yung, abuh Abraham; tümüde khürü ashekhi chingnü arü kilim yüsho arünü mulong müthribah.’

JOHAN 8:39

Arünü alo tüsho api ki tha, “Abraham ju isa abuh ah.” Jisunü arü ki tha, “Nüsa Abraham tsührübo a sho nüsanü Abraham rhimobo thsübeah.

JOHAN 8:53

Nü isa abuh sheabahkhi Abraham kheaknü atobe a de? Tüsho wukihrübo shedo. Nü she ah de nünü lümcho?”

YUNIRÜBO RHIMO 7:2

Tüsho Stephennü tha: “Keoniorü tüsho buhrübo, I ki aniang. Api Haran ching mülayide, Mesopotamia ching lachoki, müretahkhi Thrünpuhnü isa abuh Abraham ki akhiuk,

ROMRÜ KILIM PAULNÜ ATHRÜTKHI KIHÜM HUHTANYU 3:20

Tümüde mihtsürü sheshe yakzan rhimokhinü api miki alim müthsü, tümütüsho yakzan hode neak mükheahkhi arüchoh.

ROMRÜ KILIM PAULNÜ ATHRÜTKHI KIHÜM HUHTANYU 4:1

Dale tüsho isa jipürü Abraham dünkheak hadürü yimkhitkhi ching tümü thaba?

ROMRÜ KILIM PAULNÜ ATHRÜTKHI KIHÜM HUHTANYU 4:12

Tüsho api ju tsütabahrü thsungkheak lang yung tüshe api tsütamübahyichoki isa abuh Abraham akin jingshu ching tsahrü tsütabahrü abuh ah.

ROMRÜ KILIM PAULNÜ ATHRÜTKHI KIHÜM HUHTANYU 4:16

Jumonü alokhikhi ju akin hode arüchoh, junangde alokhikhi ju mihmüthsüm kheak labah tüsho yakzan yande alarü kilim lang yung tüshe Abraham akin ching larü api tsühsoniuso alala ki alokhibah tümüde api isa alala abuh ah.

IBRI 11:17

Akin hode Abrahamnü api rükakheahchoki Isak jih, tüsho shepünü alokhikhibo leangkhikheanü api tsührü lapkhiung lakhi jihabahpü thsakhambah alakheah,

JAKOB 2:18

Tüshe khürünü athabah, “Nü akin lah tüsho I a rhimobo lah.” Nü rhimobo mübede I ki nü akin huhang, tüsho I rhimobo hode inü nü ki I akin huhbah.

JAKOB 2:24

Mihtsürü khülang ju akinnü lang yungde, rhimobonü alim mütsankhi nüsanü ngülah.

JIHUSUA 24:3

Tüsho inü nüsa jipürü Abraham ju Euphra chingnü bekhitbahle Kanan lo alala behode yü, tüsho tsühsoniuso amükhebin jih. Inü api kilim Isak jih;