JAKOB 2:20 - AMÜSÜH HÜM CL Bible (BSI)

²⁰ Nü makha mihtsürü, rhimobo mübesho akin ju akeangkeang de nünü thiyumütsan lunela de?

JAKOB 2:20 Iomraidhean Croise

MÜCHITMUDU 12:11

Shepünü nihbuh lo wochakchonü tsühyungbe suhdahde alabah, tüshe shepünü hoshiho-rabanü anikhitkhi müla.

JEREMIA 2:5

Atungpuhnü ha thachoh: Tümü amülim nüsa jipürünü I kheak ngübahle I kheaknü arübo limshude ayükhea, tüsho müthülünkhi dunglim yükhea tüsho arübo müthülünde kamkhea?

ROMRÜ KILIM PAULNÜ ATHRÜTKHI KIHÜM HUHTANYU 1:21

tümüde arünü Thrünpuh mükheah-a lalashe api Thrünpuh ah de wüntre müjih yungsho makshe müjih, tüshe arünü alümkhi ching zhazhade kam tüsho arü makhakhi mulong mitingabah.

ROMRÜ KILIM PAULNÜ ATHRÜTKHI KIHÜM HUHTANYU 3:28

Tümütüsho yakzan rhimokhinü yungde akin hode mihtsürü alim mütsanchoh de isanü athazhak thsüchoh.

ROMRÜ KILIM PAULNÜ ATHRÜTKHI KIHÜM HUHTANYU 9:20

Tüshe Thrünpuh ki alokhukpü thsüde mihtsürü khülang ju nüsa she a? Azünkhinü azünbuh ki, “Tümüde nünü I hade azünkhea?” de athaba de?

GALATIA 5:6

Tümüde Jisu Khrista ching tsütabahkhi yungsho tsütamübahkhi thsüthsü tümü büthsüde müla, tüshe amuzho hode akinnü rhimochoh.

GALATIA 6:3

Tümüde khürünü tümü mülade api ju tümüanü ah de lümsho, apinü küdah thsüde mülapyukchoh.

KOLOSI 2:8

Khrista yungde mihtsürü lalim tüsho alomiküp yuzüng yande lümlung-yu akeangkeang tüsho mülapyukbe hode shenü she nüsa mümünityukpü kümkangang.

1 TIMOTHI 1:6

Khürü a harü chingnü rholobah keangthapü ching tsodo.

TITA 1:10

Tümüde ahihkhüh mihyumanikhi mihtsürü, akeangkeang asukrü tüsho mülapmüjirü, adungto thsüde tsütabahrü bolungnü lah;

JAKOB 1:26

Khürünü api ju akin ching mulong jihlah de lümbah anihbuh mulo müdanyuksho, api küdah thsüde mülapyukchoh tüsho api kingaün ju akeangkeang.

JAKOB 2:17

Jumonü akin müthsünnü, ju ching rhimobo mübesho ashekhi ah.

JAKOB 2:26

Tümüde me mübesho pang ju ashekhi lakhi nangde, rhimobo mübesho akin ju ashekhi ah.