JAKOB 1:9 - AMÜSÜH HÜM CL Bible (BSI)

⁹ Abobe kuhi ching lakhi keoniorünü api shuhkihkhi dünkheak dükükheang,

JAKOB 1:9 Iomraidhean Croise

MUNGSHIKHÜN 62:9

Abobe mihtsürü ju sheak khülang ah, achangbe mihtsürü ju keangtha ah; arübo wuhzhin kheak adünsho, arü rukhüh sheak kheaknü ahiphipbe labah.

MÜCHITMUDU 17:5

Shepünü zhochihrü luhmünechonü api Thrünrü mükhemükimchoh; shepünü thsümütsürü kheah-a münejihchonü müthsümüchidüa mutso.

MÜCHITMUDU 19:1

Mülapmüji tüsho makharü kheaknü a azhihayihde atsahrü zhochihrü mihtsürü atsübe ah.

ISAIA 29:19

Azhihayihrünü Atungpuh kheak asühachihkhi rünkihbah, tüsho küpkhukrü mihtsürünü Israel Amüsühbuh Khülang kheak asühkhi labah.

LUKNÜ ATHRÜTKHI THIYUSHEAK-ATSÜ HUHTANYU 1:52

Apinü wuto ju arü kiulongthsü-binkiu kheaknü akishih, tüsho akheamkhibe shuhkih.

LUKNÜ ATHRÜTKHI THIYUSHEAK-ATSÜ HUHTANYU 10:20

Judüalalashe mebonü nüsa ki anikhi dünkheaknü dasühachih, tüshe yinmi ching nüsa mungbo thrütkhi dünkheaknü asühachihang.”

LUKNÜ ATHRÜTKHI THIYUSHEAK-ATSÜ HUHTANYU 14:11

Tümütüsho shepü küdah thsüde shuhkihchonü abobe kambah, tüsho shepünü azhihayihchonü ashuhkihbah.”

LUKNÜ ATHRÜTKHI THIYUSHEAK-ATSÜ HUHTANYU 9:48

tüsho arü ki tha, “Shepünü I mung chingnü ha azürü nunu leangkhichonü I leangkhichoh; tüsho shepünü I leangkhichonü I arüshihbuh leangkhichoh. Tümüde nüsa bolung shepü aninibeanü atobe ah.”

ROMRÜ KILIM PAULNÜ ATHRÜTKHI KIHÜM HUHTANYU 8:17

tüsho isa ju tsührübo a sho, yamrüplurüp lurü ah–api müretahkhi ching isanü shihcham lupü thsüde isanü api thsünükhi shihcham lusho, Thrünpuh yamrüplurüp lurü tüsho Khrista lung rukhüh yamrüplurüp lurü thsübah.

2 KORINT 6:10

mulong rozhakde la, tüshe kamruhroro asühachihde la; zhochihrü la, tüshe ahihdo alarü kamshih; tümü mülade la, tüshe lüpdükhi la.

YUZÜNGTHALO 15:11

Tümüde zhochihrübo alomi chingnü küyimkishe mükheam; jumonü inü nüsa ki thiyukhüm jihchoh, nünü nü lomi ching nüsa keoniorü zhochihrü tüsho mülamüthsürü kilim nü khah trünang.

YUZÜNGTHALO 15:7

“Atungpuh nüsa Thrünpuhnü ajihkhi lo ching nüsa kiutobo khürü ching nüsa bolung keoniorü zhochihrü lasho, nünü nü mulong dümüküp yungsho nü keoniorü zhochihrü ki düzhimdang;

YUZÜNGTHALO 15:9

Kümkangang, jude yungsho nü mulong ching amütsü lümkhi ha labah, ‘Zuzu thsüpü kam athünepü khah ki lah.’ Jumonü nünü nü keoniorü zhochihrü azhihde nü mük zhipzhipbah tüsho nünü api kilim tümü müjih; tüsho nüsa azhihde apinü Atungpuh ki zhikhi hode nüsa bolung neak hande arübah.

FILIPI 3:14

Jumonü inü Jisu Khrista hode Thrünpuhnü ajikhi akulim thsambah ngüpü langakindo münchi lim alihchoh.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

AMIKHEAKAKHIUKKHI 2:9

Inü nü thsünübo tüsho nü zhochihkhi mükheahlah– tütüshe nü alarü ah: Jihudarü ah de thade mülapmüjirü inü mükheahlah, tüsho arü a yung, tüshe Arimri sinagog ah.

1 SAMUEL 2:8

Apinü zhochihrü asungthulung chingnü bemusuchoh; apinü mülamüthsürü awah mujung kheaknü, arübo kiulongthsürü tsührü lung binshihpü tüsho müretahkhi binkiu yamrüplurüp lushihpü shuhkihchoh. Tümüde alomi dungjingbo ju Atungpuh yo ah, tüsho jurü kheak apinü alomiküp zo. @SP ACE=