JAKOB 1:5 - AMÜSÜH HÜM CL Bible (BSI)

⁵ Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

JAKOB 1:5 Iomraidhean Croise

1 KIUTHSÜYUKHEAN 22:12

Atungpuhnü lang nü kilim mükheahmudu tüsho lümlung jihshang, junangde apinü nü Israel kurungkheak limberü thsüshihchoki nünü Atungpuh nü Thrünpuh yakzan anibah.

2 KIUTHSÜYUKHEAN 1:10

Kheakü ha mihtsürübo limbepü I kilim lümlung tüsho mükheahmudu jihang, tümüde ha nü mihtsürü ato shenü yakzan shuhkhukpü?”

MUNGSHIKHÜN 51:6

Kheahang, nünü alunglim thiyuro lunechoh, tüsho jika lakhi ching nünü I ki lümlung mükheahshihbah.

ABEKHIT 31:3

tüsho inü api lümlung ching, anikhitkhi ching, mükheahmudu ching, tüsho khah-rhimo alala ching Thrünpuh menü mishih,

ABEKHIT 31:6

Kheaküshe inü Dan trük Ahisama tsührü Oholiab api rungpü moyukjih; tüsho thsüsonungnürü alala kilim inü nü ki thiyukhüm jihkhi alala rhimoshihpü rükrirükko jih:

MÜCHITMUDU 8:17

Sherünü I muzhochonü inü muzhochoh, tüsho sherünü düshihde I yimchonü I ngübah.

MATHI 11:20

Judüki apinü khinthiyinbebo ahihbe thsüde arhimokhi kiutobo Jisunü athürühpü tankih, tümütüsho arünü mulong mümüthri.

MARK 16:14

Ju dunglim arü dükhüm ki binde alachoki apinü thürükheak khülang ki akhiuk; tüsho apinü arü mükinkhi le mulong müküpkhi dünkheak thürüh, tümütüsho api arhang kamlo dunglim sherünü api ngükheanü arünü akin müla.

JOHAN 14:13

Tüsho nüsanü tümüpürü I mung chingnü akheangbanü inü arhimobah, junangde atsührü kheaknü Abuh müretahbah.

JOHAN 15:7

Nüsanü I kheak lasho tüsho I yubo nüsa kheak lasho, nüsanü tümü künlanü akheangbah, tüsho ju nüsa thsungkheak rhimobah.

JOHAN 4:10

Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

2 KORINT 2:16

Khülang kilim isa ju ashekhi shuhrhüm ah; püpü kilim rhangdung rhümthüneabe ah. Shepü harü thsungkheak suhdahla?

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

JAKOB 3:17

Tüshe akulimnü arükhi lümlung ju akhuhde atsangkhitkhi, jushu mungtsü, azhihayih, zhakmüzhi, mihmüthsüm tüsho sangaso atsünü mide, jakkheahkhi tüsho yiuhkhapkhi müla.

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.

1 JOHAN 3:22

tüsho isanü tümüpürü kheangbanü isanü api kilimnü leangkhichoh, tümütüsho isanü api yuzüngbo zochoh tüsho api asühbe rhimochoh.