JAKOB 1:4 - AMÜSÜH HÜM CL Bible (BSI)

⁴ Tüsho nüsa tümü muzholümde, khiukdahde tüsho thülünde alapü thsüde arümkheam ju rünkhiungshang.

JAKOB 1:4 Iomraidhean Croise

JOB HU H T ANYU 17:9

Tütüshe thiyuro larünü arü limro tholochoh, tüsho khah müsühde alarü alü reangzahde kamshihchoh.

MUNGSHIKHÜN 37:7

Atungpuh miki zhikde laang tüsho arümkheamde api aleangang; mihtsürübonü arü mihbukmuyuk lümkhi asahde arü limrobo ching akuk ngüchoki mulong düsansan.

MUNGSHIKHÜN 40:1

Inü arümde Atungpuh aleang; apinü I kilim anguh, tüsho inü azhikhi sojih;

MÜCHITMUDU 4:8

Anihbe shuhkihang, tüsho anihbenü nü shuhkihbah; nünü anihbe kheak kapkihchoki, anihbenü nü kilim wüntrepü hande arübah.

HABAKKUK 2:3

Tümüde kheaküshe akhukhit kim thsungkheak michih khülang lah; ha akheam yo asukchoh, tüsho mükeangrü. Ju lakmama she, aleangang; ha tsükjide arübah, mashu.

MATHI 10:22

Tüsho I mung dünkheaknü alalanü nüsa thraneanbah. Tüshe shepünü akheam khiungde arümbanü akhümkhitbah.

MATHI 19:20

Athrününgtsüngbuhnü api ki tha, “Harü alala I athunuchokinü rhimodo; kheaküshe I tümünü maban le?”

MATHI 5:48

Jumonü yinmi ching nüsa Abuh khiukdahkhi nangde nüsa khiukdahde laang.

MARK 10:21

Judüki Jisunü api kheahbah muzho, tüsho tha. “Nü khülangnü maban: Nü limro ching yübah nü lakhi alala yinang tüsho zhochihrü kilim jihang, tüsho yinmi ching nü rahpung labah; tüsho arang, I yanang.”

LUKNÜ ATHRÜTKHI THIYUSHEAK-ATSÜ HUHTANYU 18:22

Küyimki Jisunü harü sokhea, apinü anihbuh ki tha, “Nü kheaküshe khülangnü maban. Nü lakhi alala yinang tüsho zhochihrü kilim chama jihang, tüsho yinmi chingnü nü rahpung labah; tüsho arang, I dunglim yanang.”

LUKNÜ ATHRÜTKHI THIYUSHEAK-ATSÜ HUHTANYU 21:19

Düküngde azhipkhi ching nüsa rhangdung alü thsübah.

LUKNÜ ATHRÜTKHI THIYUSHEAK-ATSÜ HUHTANYU 8:15

Tüsho alo atsü ching hiuyukkhi ju, thiyu sobah mulong atsü tüsho thiyuro ching düküngde ramrihcho, tüsho arümkheamde aso asoshihrü ah.

JOHAN 17:23

I arü lung lah, tüsho nü I lung lah; junangde arübo khülang tsütsü kambah, junangde nünü I thiyikheah, tüsho nünü I muzhokhi nangde arü muzhodo de alominü amükheahbah.

1 KORINT 2:6

Tütüshe lümzorü bolung isanü lümlung yu tha, tüshe ju adükheakbe ha lün yungsho ha lün yakzanshuhrü lümlung yung.

GALATIA 6:9

Tüsho isanü atsü rhimokhi ching mükeaksahnü, tümüde isanü mahiungsho kim dükdü ching yimlubah.

KOLOSI 4:12

Nüsa borü, Jisu Khrista yamlarü Epaphranü nüsa kilim salüm jihchoh. Nüsanü Thrünpuh lümkhi ching yeanzamde azhippü tüsho khiukdahkhi mütsanpü thsüde apinü kamruhroro nüsa thsungkheak tamkhüntamnü ching keokhide lümkhitjihchoh.

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

2 TIMOTHI 3:17

junangde Thrünpuh mihtsürü ju rhimo atsü alala thsungkheak banthsangde, yeankhita labah.

IBRI 13:21

api lümkhi rhimopü atsü lüpdükhi ching nüsa ayuk lashang, tüsho apinü amulongkhi Jisu Khrista hode isa kheak rhimoshang; lünnü lün api müretahshang. Amen.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

JAKOB 3:2

Tümüde isa alalanü hihde lakmihchoh, tüsho mihtsürü khülang apinü athakhi ching mülakmihsho api athülünkhi mihtsürü, pang she abümnü adanyukpü kukkhi lah.

1 PETER 5:10

Tüsho nüsa thsünübah anükhüh dunglim, alala amüthsüm Thrünpuh, Khrista ching api lünnü müretah lim nüsa jibuhnü nüsa laloshihbah, arünkihshihbah tüsho düküngshihbah.

2 PETER 1:9

Tümüde shepü hadürü mülanü mük tuka lah tüsho chinzhinpü zhomalah, tüsho adüso neakbo chingnü api müsühkhi mihabahdo.