JAKOB 1:26 - AMÜSÜH HÜM CL Bible (BSI)

²⁶ Khürünü api ju akin ching mulong jihlah de lümbah anihbuh mulo müdanyuksho, api küdah thsüde mülapyukchoh tüsho api kingaün ju akeangkeang.

JAKOB 1:26 Iomraidhean Croise

JOB HU H T ANYU 15:13

junangde nünü nü menü Thrünpuh azhihshihpü, tüsho hadürü yubo nü mün chingnü wukhiukshihcho le?

JOB HU H T ANYU 30:11

Tümütüsho Thrünpuhnü I sanglüh zhi trünjih tüsho I thsünüde kamshih, arünü I miki bukakhiuk.

MUNGSHIKHÜN 141:3

O Atungpuh , I mün ki aheangrü zojang; I münküpbo ripit ki akheahrü zojang.

MUNGSHIKHÜN 32:9

Mihyuanishihpü münmükhip tüsho shihküp-liunü adanyukkhi anikhitkhi mülakhi khora yungsho khoranunu nangde düla.

MUNGSHIKHÜN 34:13

Amütsü asukpü tüsho akeangyu thapü chingnü nü mulo tüsho nü mün tukloang.

MÜCHITMUDU 10:19

Nünü küdükhüh thabanü, judükhüh neak yihbeakchoh. Nü lümlung lasho, nünü zhikde alabah.

MÜCHITMUDU 10:31

Thiyuro-lungkirü münnü lümlung hande arüchoh, tüshe mülapmüji mulo tsütkhita bahchoh.

MÜCHITMUDU 14:12

Mihtsürü ki limro khülang alungki nangde lah, tüshe ha akheam ju ashekhi lah.

MÜCHITMUDU 15:2

Lümlung larü mulonü lungkide mükheahmudu ahorichoh, tüshe makharü münnü makhakhi thakhitchoh.

MÜCHITMUDU 16:10

Kiulongthsürü münküpbonü müchityu asukchoh, tüsho api münnü mahkhapkhi ching neak müyihbeak.

MÜCHITMUDU 16:25

Mihtsürü ki limro khülang alungki nangde lah, tüshe akheam ju ashekhi lah.

MÜCHITMUDU 19:1

Mülapmüji tüsho makharü kheaknü a azhihayihde atsahrü zhochihrü mihtsürü atsübe ah.

MÜCHITMUDU 21:26

Nimung amuyung apinü alü tsühneyungnede la, tüshe thiyurolungkirünü a aninga muzode jihchoh.

ISAIA 1:13

Kingaünbo handarükhi yihnüpü müla; arhümthüneakhi inü thraneanlah. Khinu aso tüsho amuni tüsho mukhungmüdan– amülim kihde arüngako mukhungmüdankhi inü marümkhuk.

ISAIA 44:20

Apinü awahbo tsühchoh; rükaki lümkhinü api bephülapdo, tüsho apinü anihbuh mükhümkhitkhuk yungsho müthakhuk, “ I khah tsülim ching lakhi kukruk ha arükchih yung de?”

MALAKI 3:14

Nüsanü thado, “Thrünpuh tankihpü akeangkeang ah. Api yukhüm zokhinü yungsho Wuto Atungpuh müngüh mitriprü nangde ayükhinü isa tümü alü thsücho?

MATHI 15:9

Arünü akeangkeang ching I kingaünchoh; arünü mihtsürü yuzüngbo ju kingaün yakzan nangde thsangyuchoh.’ ”

MARK 7:7

Arünü akeangkeang ching I kingaünchoh; mihtsürü yuzüng yande kingaün-yakzan thsangyuchoh.’

LUKNÜ ATHRÜTKHI THIYUSHEAK-ATSÜ HUHTANYU 8:18

Nüsanü künangde anichonü kümkangang; tümüde shepü lanü alü jihlobah, tüsho shepü mülanü, apinü lah de alümkhi ju she lude atsobah.”

1 KORINT 15:15

Ju kheaknü alü isa ju Thrünpuh dünkheak arükchih thiyumütsan jihrübo thsübah, tümüde apinü Khrista ashe chingnü arhang kamloshih de Thrünpuh dünkheak isanü thiyumütsan thsü– tüshe asherü arhang mükamlokhülaa apinü anihbuh arhang mükamloshihde alabah.

1 KORINT 15:2

Inü nüsa ki thsangyuthsangrakhi yu nüsanü düküngde tholosho, ha thiyusheakatsü hode nüsa khümkhita lah. Jude yungsho, nüsanü akeangkeang ching kindo.

1 KORINT 3:18

Sheshe nihbuh küdah thsüde düthsungyukshih. Nüsa bolung khürünü ha lün ching api lümlung larü ah de lümsho, api makharü kamshang, junangde api lümlung larü kambah.

GALATIA 2:6

Sherü adungto nangde lanü, arü küruk küruk lalashe I kheaknü tümü büthsüde müla; Thrünpuhnü aleanglim kheahde mahmükhapchoh–jurü mihtsürübonü I athsunganah aso tümü she müjih.

GALATIA 2:9

Limberübo nangde alarü, Jakob, Peter, tüsho Johan arünü ha adungto rhimo Thrünpuhnü I kilim jih-a lah de kheahkhit; jumonü isa rungachihrü ah dükhi amütsan arünü Barnaba le I kheak salüm thsü. Barnaba le I khiungkerü bolung tüsho arünü Jihudarü bolung rhimopü isanü mulungachih.

GALATIA 3:4

Ju atsütsü akeangkeang a sho, nüsanü tümü mülakhi thsungkheak ju dükhüh thsünü khea de?

GALATIA 6:3

Tümüde khürünü tümü mülade api ju tümüanü ah de lümsho, apinü küdah thsüde mülapyukchoh.

EFISIA 4:29

Asorü kilim amüthsüm ngüde alü thsüpü yihnüpü atsü kheak hode nüsa mün chingnü amütsü dakhiukshih.

EFISIA 5:4

Amayekhi chihkhüh, yanchoyu, yungsho keangthsükeanglü dülashih; tüshe ju müthri makshe jihkhi lashang.

YUZÜNGTHALO 11:16

Nüsanü ha tsüde aniang, jude yungsho nüsa mulong bephülapde püpürü thrünpuhbo tankihbah tüsho kingaünbah,

KOLOSI 4:6

Nü yu thakhi kamruhroro amuzho lade tüsho thiyu-kede laang, junangde mihbüm aban ki küde alobeanü nünü amükheahbah.

JAKOB 1:19

Inü muzhokhi keoniorübo, ha mükheahang. Mihtsürü abannü asopü niokheamang, tüshe athapü tüsho bukakhiukpü arünnü thsang,

JAKOB 1:22

Tüshe thiyu yande arhimorü thsang, tüsho nüsa küdahnü mülapyukde asorü lang düthsü.

JAKOB 2:20

Nü makha mihtsürü, rhimobo mübesho akin ju akeangkeang de nünü thiyumütsan lunela de?

1 PETER 3:10

Amüsühyunü thachoh, “Shepünü rhangdung muzhola tüsho atsü nimungbo ngüpü künlanü amütsü asukpü tüsho akeangyu thapü tuklobeah.