JAKOB 1:25 - AMÜSÜH HÜM CL Bible (BSI)

²⁵ Tüshe shepünü athülünkhi yakzan, zuzu yakzan, tüsho aroride arhimopü ching kheahde, soa lakhi mümihde rhimochonü anihbuh rhimokhi ching api müngühmühibah.

JAKOB 1:25 Iomraidhean Croise

MUNGSHIKHÜN 106:3

Shepünü kim alala ching thiyuro zocho, tüsho thiyuro-lungki rhimochonü müngühmühi!

MUNGSHIKHÜN 119:32

Inü mulongde nü yukhümbo anibah, tümütüsho nünü anikhitkhi alü I kilim jihbah.

MUNGSHIKHÜN 119:45

Inü zuzu ching tsahbah, tümüde inü nü yukhümbo yimkhitdo.

MÜCHITMUDU 14:15

Yancho mihtsürünü lüpdükhi akin lachoh, tüshe lümlung larünü nihbuh jingdükübo tsüde lümchoh.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

LUKNÜ ATHRÜTKHI THIYUSHEAK-ATSÜ HUHTANYU 11:28

Tüshe apinü tha, “Ju kheaknü alü, sherünü Thrünpuh yu anichonü arü asühpü!”

JOHAN 13:17

Nüsanü harü mükheahde rhimosho nüsa asühpü.

JOHAN 8:36

Jumonü atsührünü nüsa zuzu kamshihsho, nüsa zuzu kambah.

YUNIRÜBO RHIMO 13:43

Tüsho sinagog chingnü müzüt dunglim, Thrünpuh amüthsüm ching mutuklode alapü anenü atharü Jihudarü le khiungkerü, Jihudarü kingaün ching mulong müthria larü ahihdonü Paul tüsho Barnaba büne dunglim yan.

YUNIRÜBO RHIMO 2:42

Tüsho arünü amüsühthsangyurübonü thsangyukhi le arihmukhung, yikhap yihnakkhi tüsho tamkhüntamnü ching mulong jih.

YUNIRÜBO RHIMO 26:22

Khihni khiungde Thrünpuh kilimnü arükhi arung lah, junangde püpü thsungkheak müthade wukihrübo tüsho Mosanü athakhi dünjipü lakhi anini tüsho ato chido ki inü thiyumütsan thsüde zhiplah:

ROMRÜ KILIM PAULNÜ ATHRÜTKHI KIHÜM HUHTANYU 11:22

Jumonü Thrünpuh mihmuzho tüsho amüküpkhi mütsanang: angaka larü kilim müküplah tüsho nüsanü api amuzho ching mutuklode lasho nüsa kilim mihmuzho lah; jude yungsho nüsa she lipkhia bahbah.

ROMRÜ KILIM PAULNÜ ATHRÜTKHI KIHÜM HUHTANYU 2:13

Tümüde Thrünpuh miki thiyuro-lungkirü ju yakzan anirü yung, tüshe alim mütsanpü larü ju yakzan yande arhimorübo lah.

ROMRÜ KILIM PAULNÜ ATHRÜTKHI KIHÜM HUHTANYU 7:12

Jumonü yakzan ju amüsüh tüsho thiyuzüng ju amüsüh, thiyuro ju atsü ah.

ROMRÜ KILIM PAULNÜ ATHRÜTKHI KIHÜM HUHTANYU 8:15

Tümüde nüsanü trede atsopü azhorü me müleangkhi, tüshe tsührü thsüpü me leangkhido. Api hode isanü zhichoh, “Abba, Abuh!”

ROMRÜ KILIM PAULNÜ ATHRÜTKHI KIHÜM HUHTANYU 8:2

Tümüde Jisu Khrista ching Me rhangdung yakzannü neak yakzan tüsho ashe chingnü I zuzu kamshih.

1 KORINT 15:58

Jumonü, amuzho I keoniorübo, düküngang, daphap, kamruhroro Atungpuh rhimo ching nüsanü biriang, tümütüsho Atungpuh lung nüsa rhimokhi akeangkeang yung de nüsanü mükheahlah.

2 KORINT 13:5

Nüsa akin hode ramlola shi yungnü nüsa küdah thsüde rükakheahang. Nüsabo rükakheahang. Khrista nüsa kheak lah de nüsanü mülümkhitcho de? – nüsanü rükakheahpü lakphah-a lah yungsho!

GALATIA 2:4

Arükchih keoniorü khürünü isa rukhüh ah de thsübah Khrista ching isa zuzu lakhi yimkhitpü tüsho isa azhorü kamshihpü rhimokhi dünkheaknü hadürü akhiukkheah.

GALATIA 5:1

Zuzu thsungkheaknü Khristanü isa zuzu kamshih; jumonü düküngde zhipang, tüsho azhorü sangshuh ching düshuhlo.

GALATIA 6:2

Khülangnü khülang hahmülang hanrungachihang, tüsho junangde Khrista yakzan dünjishang.

KOLOSI 1:23

Judüalalashe, nüsanü akin düküngkhi ching mutukzhakde tüsho mütsanmükhi khimtan labeah, tüsho nüsanü thiyusheak-atsü sobah alü thsükhi I mulonglam chingnü nüsa matrütshihbeah. I Paul, alomiküp ching alala ki thsangyuthsangrakhi ha thiyusheak-atsü tankihrü kamkheah.

1 TIMOTHI 2:15

Tütüshe anihbenü azhihayihde akin, amuzho, tüsho amüsühkhi ching mutukzhakde lasho tsührü zübekhi hode aliberü ju akhümkhitbah.

1 TIMOTHI 4:16

Nü rhangdung tüsho nü thsangyukhi aheangang. Ju kheak ramloang, junangde ju rhimokhi hode nü tüsho nü ki anirü chido khümkhitbah.

IBRI 12:15

Sheshe Thrünpuh amüthsüm mülakphahpü tüsho akhüh sangrung asürübah ahihkhüh küpkhuk jihde amüneanjihpü lakhi atünadoang.

JAKOB 2:12

Jumonü zuzu kampü yakzannü mahkhaprü lakhi mihtsürübo nangde asukang tüsho rhimoang.

1 PETER 2:16

Zuzu mihtsürü nangde laang, tüshe nüsa zuzu ju amütsü thsungkheak ahoripü yung; Thrünpuh yamlarü nangde laang.

1 JOHAN 2:24

Atankih chingnü nüsanü tümü sodünü nüsa kheak lashang. Nüsanü atankih chingnü asokhi nüsa kheak lasho, nüsanü atsührü tüsho Abuh kheak labah.

AMIKHEAKAKHIUKKHI 14:13

Judüki yinmi ching düsheak achangnü athakhi inü so, “Ha thrütang: Kheakünü rünbah sherü Atungpuh tankihkhi ching shebanü müngühmühi.” “Am,” Menü alo, “arü khisahkhi chingnü arü sühakhimbah, tümüde arü rhimobo arü dunglim yüchoh!”

AMIKHEAKAKHIUKKHI 22:14

Arünü rhangdung sangdung ki alim lapü tüsho ripitbo hode kiuto ching yüzahpü thsüde sherü shulünkhimbo müsühchonü müngühmühi.

1 SAMUEL 12:14

Nüsanü Atungpuh tresho tüsho api tankihsho tüsho api yu anide Atungpuhnü thiyukhüm jihkhi mazhihsho, tüsho nüsa le nüsa kurungkheak kiulongthsüpuhnü Atungpuh nüsa Thrünpuh yansho, ju atsübah;