JAKOB 1:21 - AMÜSÜH HÜM CL Bible (BSI)

²¹ Jumonü amakham yakli tüsho amütsü dünjide alakhi bahkhiang, tüsho nü khümkhitkhukpü lakhi, nü kheak yangyukkhi yu azhihayihde leangkhiang.

JAKOB 1:21 Iomraidhean Croise

MUNGSHIKHÜN 25:9

Apinü azhihayih ju alungki ching bechoh, tüsho api limro thsangyuchoh.

ISAIA 2:20

Ju nimung mihtsürübonü arü shotoyinchi le suna sangthsübo ju udungbo le phihnubo kilim jipa bahbah, küpü arünü kingaünpü thsungkheak thsükhea,

ISAIA 29:19

Azhihayihrünü Atungpuh kheak asühachihkhi rünkihbah, tüsho küpkhukrü mihtsürünü Israel Amüsühbuh Khülang kheak asühkhi labah.

ISAIA 30:22

Judüki nüsanü shotoyinchinü alüpdokhi sangthsübo tüsho sunanü alüpdokhi sangthsübo müneanbah. Thiyih müneankhi khim nangde nüsanü hiumüzüta bahbah; nüsanü arü ki thabah, “Tsoabahang!”

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

EZEKIEL 18:31

Nünü alakmihkhi alala chingnü tsokhitang, tüsho mulong aso tüsho me aso ngüang. Tümü thsükhi nü ashepü, O Israel yamkhün?

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

ZEPHANIA 2:3

Atungpuh yimang, nüsa lomi ching azhihayihrü alala, sherünü api yukhümbo rhimocho; thiyuro-lungki yimang, azhihayih yimang; khükijua Atungpuh bukakhiuk nimung nü tsokhitbah.

MATHI 5:5

Tsüyihrübo asühpü, tümüde arünü alomi yamrüplurüp lubah.

JOHAN 6:63

Rhangdung jihbuh ju me lah; shih yihnüpü müla. Inü nüsa ki asukkhi yubo ju me ah, tüsho jurü rhangdung ah.

JOHAN 6:68

Simon Peternü api ki alo, “Atungpuh, isanü shepü ki yüpü? Nü yubo akheam müla rhangdung lah.

YUNIRÜBO RHIMO 10:33

Jumonü inü nü kilim arüshih, tüsho nünü muzhode arü. Jumonü kheakü isa alala ha ching Atungpuhnü nü ki thiyukhüm jikhi anipü Thrünpuh miki lah.”

YUNIRÜBO RHIMO 13:26

“Keoniorübo, Abraham yamkhün tsührübo, tüsho nüsa bolung Thrünpuh trerübo, ha akhümkhit yu isa kilim arüshihdo.

ROMRÜ KILIM PAULNÜ ATHRÜTKHI KIHÜM HUHTANYU 1:16

Tümütüsho inü thiyusheakatsü dünkheak machih: ha akin larü aban kilim akhuhde Jihudarü tüsho Greekrü kilim akhümkhit thsungkheak Thrünpuh wu lah.

ROMRÜ KILIM PAULNÜ ATHRÜTKHI KIHÜM HUHTANYU 11:17

Akhimkhi oliv-dung khürü akhah yihshak, tüsho ju ching mütüm oliv-dung khah müchin. Nüsa khiungkerü ju mütüm oliv-dung kiphahlah, tüsho kheakü nüsanü Jihudarü rhangdung me düküngkhi ching shihcham luchoh.

ROMRÜ KILIM PAULNÜ ATHRÜTKHI KIHÜM HUHTANYU 6:17

Tüshe nüsa khülangki neak azhorü thsübah nüsanü akinkhi thsangyukhi ching mulong shuhmülanga jihde mihyuanide akamkhi Thrünpuh ki makshe jihang,

1 KORINT 15:2

Inü nüsa ki thsangyuthsangrakhi yu nüsanü düküngde tholosho, ha thiyusheakatsü hode nüsa khümkhita lah. Jude yungsho, nüsanü akeangkeang ching kindo.

2 KORINT 7:1

Amuzho müyamrübo, tümütüsho isa harü alokhikhibo lah, pang tüsho me müneankhi lüpdükhi chingnü isanü müsühkhitanü, tüsho Thrünpuh trekhi ching banthsangkhi amüsüh kamanü.

EFISIA 1:13

Nüsanü akhümkhit thiyusheakatsü thiyuro so dunglim api kheak kin; kheaküshe nüsanü api kheak kinde, alokhikhi Amüsüh Menü amütsan yüm.

EFISIA 4:22

Khakhih nüsa rhangdung yakli tüsho mülapmüji shihkünkhi hode athsümünimkhi bahang,

EFISIA 4:25

Jumonü arükchih lakhi bahbah mihbüm abannü yamhingrü ki thiyuro thaang, tümüde isa rukhüh kheyukrü ah.

EFISIA 5:4

Amayekhi chihkhüh, yanchoyu, yungsho keangthsükeanglü dülashih; tüshe ju müthri makshe jihkhi lashang.

1 TESALONIKA 1:5

isa thiyusheak-atsü ju nüsa kilim thiyu chingnü lang yung, tüshe wu tüsho Amüsüh Me ching, akin mütsande arü. Nüsa thsülimnü isanü nüsa bolung küdürü mihtsürü amütsan thsüde alakheanü nüsanü mükheahlah.

1 TESALONIKA 2:13

Tüsho küyimki isa kheaknü nüsanü asokhi yu leangkhikhea, nüsanü ju mihtsürü yu nangde yung, tüshe kheakü nüsa akinrübo kheak rhimode alakhi, atsütsü Thrünpuh yu de aleangkhikhi thsungkheak isanü mutukzhakde Thrünpuh ki makshe jihchoh.

TITA 2:11

Tümüde mihtsürü alala khümkhitpü thsungkheak Thrünpuh amüthsüm akhiukdo,

IBRI 12:1

Jumonü boto ato thiyumütsanbonü isa mükamdoa lale, isa kheak kapkihde arükhi limkhudo tüsho neak bahkhianü, tüsho mikhuh lümkihbah alihanü.

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

IBRI 4:2

Tümüde arü kilim nangde thiyusheak atsü isa kilim arü tüshe arünü asokhi yusheaknü arü alü müthsü, tümütüsho arünü akin bede musokhit.

JAKOB 4:8

Thrünpuh thüninang tüsho apinü nü thüninbah. Aneakrübo, nüsa khahbo tüsho mulongbo müsühang, nüsa lümtrüp mihtsürübo.

JAKOB 5:20

ha lümkhitang: shepünü aneakrü api amülim limro chingnü belode arübanü ashe chingnü api me khümkhitbah tüsho mükhebinkhi neakbo mujumüyita bahjihbah.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 1:9

Nüsa akin hode nüsa me akhümkhit ngüchoh.

1 PETER 2:1

Jumonü lungchihkhi alala, rükmütsü alala, yiuhkhapkhi, mükthsükhi, tüsho dünthamungtha bahang.

1 PETER 2:11

I müyamrübo, nüsa hanrü tüsho tsotsahrü a le nüsa me azhihde thirithsükhi shihkünkhi ching danyukang de nüsa ki tuthsukchoh.