JAKOB 1:18 - AMÜSÜH HÜM CL Bible (BSI)

¹⁸ Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.

JAKOB 1:18 Iomraidhean Croise

JEREMIA 2:3

Atungpuh kilim apinü yimlukhi akhuhbe sangaso Israel amüsüh lakheah. Ha tsührü alala amülim ngüde alakheah; thsümütsü arü kheak arü, Atungpuhnü thachoh.

LEVI 23:10

Israel mihtsürübo ki thaang: Küyimki nüsanü inü ajihkhi lo ching arüba, tüsho yimlubanü, nüsanü akhuhde yimlukhi hi phung amükeambuh kilim handarünü jihang;

AMOS 6:1

Sherü zuzu thsüde Zion ching la, tüsho sherü Samaria müzüng kheak kuramde la, akhuh trükshih ching mungkhung mihtsürübo, sherü kheak Israel yamkhünnü arung luchonü ayokhe!

JOHAN 1:13

Arübo thiyihnü yung, shih lümkhinü yung, mihtsürü lümkhinü yung tüshe Thrünpuh hode zübe.

ROMRÜ KILIM PAULNÜ ATHRÜTKHI KIHÜM HUHTANYU 4:17

Ha thrüta lah: “Inü nü trükshih ahihdo abuh kamshihdo.” Api ju asherü kilim rhangdung jihkhi tüsho amülakhi thiyukhüm jih-a lashihkhi kheak kinkhi Thrünpuh miki isa abuh ah.

1 KORINT 4:15

Tümüde Khrista ching nüsa aheangrü mükhebinkhi lalashe, nüsa abuh hihde müla. Tümütüsho thiyusheak-atsü hode Jisu Khrista ching I nüsa abuh kamdo.

2 KORINT 6:7

thiyuro thakhi, tüsho Thrünpuh wu; khah tsülim tüsho huzulim ching thiyurolungki thsühnuk lade;

EFISIA 1:12

junangde isa akhuhde Khrista kheak kinrü ju api müretah shijihpü thsungkheak labah.

EFISIA 1:13

Nüsanü akhümkhit thiyusheakatsü thiyuro so dunglim api kheak kin; kheaküshe nüsanü api kheak kinde, alokhikhi Amüsüh Menü amütsan yüm.

2 TIMOTHI 2:15

Nü küdah thsüde tsülah dükhi khülang, machihde arhimorü tüsho thiyuro yu lungkide thsangyurü nangde Thrünpuh miki lang.

IBRI 12:23

tüsho yinmi ching adüjirü mung thrüta lakhi mukhungpung, tüsho alala Thrünpuh mahkhaprü tüsho thiyurolungkirü khiukdahde akamshihkhi mebo kilim,

JAKOB 1:15

Amütsü künkhi küyimki mihlabanü neak zübejihchoh; tüsho küyimki neak azorü kambanü ashepü handarüchoh.

JAKOB 1:21

Jumonü amakham yakli tüsho amütsü dünjide alakhi bahkhiang, tüsho nü khümkhitkhukpü lakhi, nü kheak yangyukkhi yu azhihayihde leangkhiang.

JAKOB 3:14

Tüshe nü mulong ching mükthsü akhüh, tüsho mükhütmüra lasho, ju dünkheak dükükheang tüsho thiyuro düreanglo.

1 PETER 1:23

Adükheakbe müjih yung tüshe amüdükheakpü arhang tüsho rünkhiungbe Thrünpuh yu hode nüsa aso zübeloshih.

1 PETER 1:3

Atungpuh Jisu Khrista Abuh tüsho Thrünpuh shiang! Api mihmüthsüm ato hode Jisu Khrista ashe chingnü arhang kamlokhinü alapü mulonglam ching isa aso zübeshihdo,

1 JOHAN 3:9

Thrünpuh tsührü shenü she neak müyihbeakchoh, tümüde api kheak Thrünpuh yakli lah, tüsho apinü neak yihbeakpü mukuk tümütüsho api ju Thrünpuh tsührü ah.

AMIKHEAKAKHIUKKHI 14:4

Harübo aliberü kheaknü mümüneanrü ah, tümüde arünü tsangkhitde zo; arünü Namfimihnunu kürü ching yübanü adunglim yan; harü mihtsürübo kheaknü rhokhitbah adüji sangasobo thsüde Abuh tüsho Namfimihnunu kilim jih,