JAKOB 1:15 - AMÜSÜH HÜM CL Bible (BSI)

¹⁵ Amütsü künkhi küyimki mihlabanü neak zübejihchoh; tüsho küyimki neak azorü kambanü ashepü handarüchoh.

JAKOB 1:15 Iomraidhean Croise

THRÜNTAN 2:17

tüshe atsü le amütsü mükheahbe sangdung kheaknü nünü mütsühbeah; tümüde küpü nimung nünü ju tsühbanü dükde nü ashebah.”

THRÜNTAN 3:6

Junangde alibenü sangaso ju atsühpü atsü, mük ki reangkeambe khülang tüsho lümlung ngüpü sangdung ngü, alibenü ju sangaso lu tüsho tsüh. Alibenü ayamkhünbuh kilim she jih tüsho apinü tsüh.

2 SAMUEL 11:4

Jumonü anihbe lupü thsungkheaknü yunithsürü yüshih, alibe ju api kilim arü, tüsho apinü alibe lung yap. (Kheakü alibe khinu shihcham yü dunglim tsangkhitde alakheah.) Jushu alibenü ayam lim alode yü.

JOB HU H T ANYU 15:35

Arünü küpkhuk mihlachoh tüsho amütsü-rhimo zübechoh; tüsho arü nuyamnü mulomülap thsakhamchoh. Job.

MUNGSHIKHÜN 7:14

Shepü amütsü-rhimonü mübünkeangde kamcho, tüsho küpkhuk lashihchonü akeangyu zübechoh.

MUNGSHIKHÜN 9:17

Mihbukmuyuk Ashe-lomi ching yübah, Thrünpuh bahyukrü trükshih alala.

MÜCHITMUDU 11:19

Thiyuro-lungkinü rhangdung lim bechoh, junangde shepünü amütsü müshamchonü ashebah.

ISAIA 33:11

Nünü hitsüt zahshihchoh, nünü müneang zübechoh; nü sheak ju nü aniuabahbe mo lah.

ISAIA 59:4

Shenü she thiyuro thsungkheak müji, yungsho thiyuro thsungkheak mumushu; arünü akeangkeang atsangachihkhi kheak düthsün angüchoh, arünü akeangyu thachoh, küpkhuk mihlashihchoh tüsho amülim zübechoh.

MATHI 26:14

Judüki thürükheak mahne bolung khülang, Juda Iskariotnü amükeam putungrübo ki yü

MATHI 5:28

Tüshe khürünü aliberü kheak mürühde kheahsho api mulong chingnü anihbe kheak müzammüramdo de inü nüsa ki thachoh.

JAKOB 1:14

tüshe mihtsürü aban nihbuhnü amütsü künkhinü bephülapde tüsho münityukde lachoki rükakichoh.

JAKOB 1:18

Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.