JAKOB 1:10 - AMÜSÜH HÜM CL Bible (BSI)

¹⁰ tüsho alarünü azhihayihkhi ching lashang, tümütüsho mütüm sangbün nangde api tsoabahbah.

JAKOB 1:10 Iomraidhean Croise

JOB HU H T ANYU 14:2

sangbün khülang nangde asürüchoh tüsho yiuhabahchoh, alamme khülang nangde tsochoh tüsho kheamabahchoh.

MUNGSHIKHÜN 102:11

I nimungbo ju ashangkhi me khülang nangde lah, tüsho rim nangde yiuhabahchoh.

MUNGSHIKHÜN 103:15

Mihtsürü thsungkheak a, api nimungbo rim nangde lah; mütüm sangbün nangde api tsüde tochoh.

MUNGSHIKHÜN 37:2

Rim mukuhabahkhi nangde arübo nahde kheamabahbah; sangrungbo yiuhkhi nangde arübo ashebah.

MUNGSHIKHÜN 39:6

Tsükjide mihtsürü aban alamme khülang nangde tsahchoh; tsükjide arü akeangkeang ching zuknukde lah; apinü lakhit wumujungchoh, tüsho shenü jurü lubanü mümükheah.

ISAIA 40:6

Düsheaknü tha, “Zhiang!” Tüsho inü tha, “ Inü tümü zhiba?” Mihtsürü alala sangrung ah, arü tsakamkhi ju thulu sangbün nangde lah.

ISAIA 40:7

Küyimki ju kheak Atungpuh sheaknü amütbanü, sangrung yiuhchoh, sangbün keamkhichoh; tsükjide mihtsürübo a sangrung ah.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 66:2

Harü alala I khahnü thrün, jumonü ha alala I yo, Atungpuhnü thachoh. Tüshe azhihayih tüsho mulong rholokhi, tüsho I yu sobah ajanrü kheak inü akheahbah.

MATHI 5:3

“Me ching zholümde alarübo asühpü, tümüde yinmi kiulongthsü arü yo.

MATHI 6:30

Khihni ha ching labah, shido mo ching jipyukbe mütüm sangrung Thrünpuhnü junangde phuyujihchosho, apinü nüsa alü thsüde müphuyujihba de, O nüsa akin anikhüh larübo?

1 KORINT 7:31

tüsho sherünü alomi kukruk ahorichonü, arünü mahorikhi nangde laang. Tümüde kheakü alomi hode tsochoh.

FILIPI 3:8

Jisu Khrista I Tungpuh de amükheahkhi ching khide athülün lakhinü inü lüpdükhi kukshahkhi khechoh. Tümüde api dünkheaknü alala kukshahkhi inü thsünü, tüsho jurü sünit khejihchoh, junangde inü Khrista alü thsübah

1 TIMOTHI 6:17

Ha lomi ching mükükheangpü tüsho mümütsankhi lakhit ching yungde, isa asühshihpü lüpdükhi muzhomopungde ajihbuh Thrünpuh kheak arü mulonglam zopü alarü ki thiyukhüm jihang.

JAKOB 4:14

Nüsanü shido tümü dünjibanü mümükheah. Nüsa rhangdung ju tümü a? Tümüde nüsa ju shumuliu anükhühkheak labah kheamabahkhi nangde lah.

1 PETER 1:24

Tümüde, “Mihtsürü alala rim nangde lah tüsho arü müretahkhi alala rim sangbün nangde lah. Rim yiuhabahchoh, tüsho sangbün keamkhiabahchoh,

1 JOHAN 2:17

Tüsho alomi le junü akünkhi hode tsoabahchoh; tüshe shepünü Thrünpuh lümkhi rhimochonü lünnü lah.