JAKOB 1:1 - AMÜSÜH HÜM CL Bible (BSI)

¹ Thrünpuh tüsho Atungpuh Jisu khrista tankihrü Jakob kilimnü, Hiumüzüta lakhi trük thürükheak mahne kilim: Salüm.

JAKOB 1:1 Iomraidhean Croise

1 KIULONG THSÜRÜ 18:31

Elijanü Jakob tsührü khekhi trükbo ayannü lung 12 lu, shepü ki Atungpuh yu arüshihde tha, “Israel ju nü mung labah”;

EZRA 6:17

Ha Thrünpuh yam müsüpü thsungkheak arünü moshi 100, namfimihnupung 200, namfimihnu 400, tüsho neak kingaün thsungkheak mihnupung 12, Israel trük aban khülang khülang jih.

ESTER 3:8

Hamannü kiulongthsüpuh ki tha, “Nü kiulongthsü bukkhüp trük khülang lah. Arünü püpürü kheaknü büthsüde yakzan ahorichoh. Ju lang yung, arünü nü yakzan mani, jumonü judürü mihtsürü kheak amümürang thsübe yung.

ABEKHIT 24:4

Mosanü ATUNGPUH yu alala thrüt. Tüsho apinü yapsu mükikde asürübah müzüng jing kheak kingaün sadam khülang thsü, tüsho Israel trük thürükheak mahne ayannü dungjing thürükheak mahne khim.

ABEKHIT 28:21

Tüsho lung thürükheak mahne kheak ju Israel trük abande Jakob tsührübo mung kheande dokihang.

ABEKHIT 39:14

Tüsho lung thürükheak mahne kheak ju Israel trük abande Jakob tsührübo mung thrütkih.

EZEKIEL 12:15

Inü arübo trükshih bolung tüsho lomibo ching müzütshihchoki I Atungpuh de arünü mükheahbah.

LEVI 26:33

Inü nüsa trükshih bolung müzütshihbah tüsho nüsa azhihde nukshang thokhitbah; nüsa lo zhikabahbah tüsho kiutobo akeangkeang kambah.

MATHI 10:3

Philip tüsho Bartholoma; Thoma tüsho ruk-threbuh Mathi; Alphia tsührü Jakob, tüsho Thadia;

MATHI 13:55

Ha sangrhimosorü tsührü yung de? Abe ju Mari yung de? Tüsho api keoniorübo Jakob, Josep, Simon, tüsho Juda yung de?

MATHI 19:28

Jisunü arü ki tha, “Atsütsü inü nüsa ki thachoh, küyimki Mihtsürü Tsührü nihbuh müretahkhi kiulongthsü-binkiu kheak binbanü, nüsa sherü I dunglim yankheanü alomiküp aso ching kiulongthsübinkiu thürükheak mahne kheak Israel trük thürükheak mahne mahkhapde abinbah.

MARK 3:18

Andria, Philip, Bartholoma, Mathi, Thoma, Alphia tsührü Jakob, Thadia, Kananrü Simon

LUKNÜ ATHRÜTKHI THIYUSHEAK-ATSÜ HUHTANYU 22:30

junangde nüsanü I kiulongthsü ching I dükhüm kheak tsühyungbah, tüsho Israel trük thürükheak mahne mahkhapde kiulongthsü-binkiubo kheak binbah.”

LUKNÜ ATHRÜTKHI THIYUSHEAK-ATSÜ HUHTANYU 6:15

Mathi, Thoma, Alphia tsührü Jakob, Zealot de ajikhi Simon,

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

JOHAN 7:35

Judüki Jihudarübonü arü bolung thaachih, “Api küching yüpü lümkhi isanü api müngüpü? Api ju isa mihtsürü lapung Greekrü lung yübah Greek thsangyupü lümla shi?

YUNIRÜBO RHIMO 1:13

Tüsho küyimki arü yüzahkheanü, arünü arü binkhi achangbe khiungshak ching yükih: Peter, Jakob, Johan, Andria, Philip, Thoma, Bartholoma, Mathi, Alphia tsührü Jakob, Zealot de ajikhi Simon tüsho Jakob tsührü Juda.

YUNIRÜBO RHIMO 12:17

Tüshe apinü arü ki malanpü akhah niukde thabah, künangde Atungpuhnü rihyam chingnü api bekhitkheanü kheana huh. Tüsho apinü tha, “Ha Jakob tüsho keoniorü ki thaang.” Jushu apinü chamachih tüsho püpü lim yü.

YUNIRÜBO RHIMO 15:13

Anenü athakham dunglim, Jakobnü alo, “Keoniorübo, I ki aniang.

YUNIRÜBO RHIMO 15:21

Tümütüsho Mosa yakzan ju adüsonü Amuni aban sinagogbo ching khede lah, tüsho api yubo kiuto aban ching thsangyuthsangrado.”

YUNIRÜBO RHIMO 15:23

Arü kheaknü kihüm ha mühah: “Keoniorübo, amüsüh-thsangyurübo tüsho azothsürübo, Antiok le Siria tüsho Kilikia ching lakhi khiungkerü kilim salüm.

YUNIRÜBO RHIMO 2:5

Judüki thüning bukkhüp trükshih aban chingnü, shuhmülanga jihrü Jihudarü Jirusalem ching lakheah.

YUNIRÜBO RHIMO 21:18

Ju shidopü Paulnü isa lung Jakob kilim arü; tüsho azothsürü alala lakheah.

YUNIRÜBO RHIMO 23:26

“Klaudia Lysianü atoashangrü kovünor Felix kilim salüm.

YUNIRÜBO RHIMO 26:7

Arünü azhihayihde azhing ayin Thrünpuh tankihde alachoki isa trük thürükheak mahnenü angüpü mulonglamkhi ju ha lah, O kiulongthsüpuh ha mulonglam dünkheak Jihudarünü I müdamchoh.

YUNIRÜBO RHIMO 8:1

Tüsho api shekhi ju Saulnü mülüjih-a lakheah. Tüsho ju nimung Jirusalem ching borü azhihde thsümüchi ato akhiuk; tüsho amüsüh-thsangyurübo kheak hode, arü alala Judea tüsho Samaria lomibo ching müzütabah.

ROMRÜ KILIM PAULNÜ ATHRÜTKHI KIHÜM HUHTANYU 1:1

Jisu Khrista yamlarü Paul, amüsüh-thsangyurü thsüpü jikhi tüsho Thrünpuh thiyusheak-atsü thsungkheak büthsükhi–

GALATIA 1:19

Tüshe Atungpuh niurü Jakob kheak hode inü püpürü amüsüh-thsangyurü sheshe müngü.

GALATIA 2:12

Jakob kilimnü mihtsürü khürü marüyiki apinü khiungkerü lung yimtsüh. Tüshe küyimki arü arükheanü, apinü tsütabahrü boto trekhinü khiungkerü kheaknü ashitlo tüsho chamkhi.

GALATIA 2:9

Limberübo nangde alarü, Jakob, Peter, tüsho Johan arünü ha adungto rhimo Thrünpuhnü I kilim jih-a lah de kheahkhit; jumonü isa rungachihrü ah dükhi amütsan arünü Barnaba le I kheak salüm thsü. Barnaba le I khiungkerü bolung tüsho arünü Jihudarü bolung rhimopü isanü mulungachih.

YUZÜNGTHALO 28:64

“Judüki Atungpuhnü nüsa mihtsürü alala lung, alomi akheam thripkhühnü khülim khiungde müzütshihbah, tüsho nüsanü ju ching nüsa yungsho nüsa jipürünü mümükheahkhi sang tüsho lungnü athsükhi püpü thrünpuhbo tankihbah.

YUZÜNGTHALO 30:3

Atungpuh nüsa Thrünpuhnü nüsa aramkhi chingnü belode arübah, tüsho nüsa kheak muzhode, Atungpuh nüsa Thrünpuhnü trük alala ching müzütshihkhi chingnü bemukhungbah.

YUZÜNGTHALO 32:26

Inü hade thakhülaa, Inü arü ashang ching hiumüzütshihbah, inü arü mihtsürü bolungnü alümkhitpü arün thsüshihbah,

YUZÜNGTHALO 4:27

Tüsho Atungpuhnü mihtsürü bolung nüsa hiumüzütshihbah, tüsho Atungpuhnü nüsa külimpeang bebanü trükshih bolung nüsa nükde alabah.

FILIPI 1:1

Jisu Khrista yamlarü, Paul tüsho Timothi kilimnü, Filipi ching Jisu Khrista kheak kinrü, ju lung borü limberü tüsho tankihrübo kilim:

2 TIMOTHI 4:21

Nü tsüngkam müngühnü arüpü mürangang. Eubula, Puden, Klaudia tüsho keoniorü alalanü nü kilim salüm jihchoh.

TITA 1:1

Paul, Thrünpuh tankihrü tüsho Jisu Khrista amüsüh-thsangyurü, Thrünpuhnü amokhitrü akin tüsho akin lim bekhi thiyuro mükheahmudu rungpü,

1 PETER 1:1

Jisu Khrista amüsüh-thsangyurü Peter kilimnü, Pontia, Galatia, Kappadokia, Asia tüsho Bithynia ching hiumüzüta larübo kilim,

2 PETER 1:1

Jisu Khrista tankihrü tüsho amüsüh-thsangyurü Simon Peter kilimnü, Isa Thrünpuh tüsho akhümkhitrü Jisu Khrista thiyuro-lungki ching isa thülünde akin larübo kilim:

JUDNÜ ATHRÜTKHI KIHÜM HUHTANYU 1:1

Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim:

AMIKHEAKAKHIUKKHI 7:4

Judüki Israel trük alala chingnü 144,000 mütsanyümkhi düsheak inü so.