ISAIA 9:7 - AMÜSÜH HÜM CL Bible (BSI)

⁷ Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

ISAIA 9:7 Iomraidhean Croise

2 SAMUEL 7:16

Nü yam tüsho nü kiulongthsü I miki lünnü alashihbah; nü kiulongthsü-binkiu lünnü alabah.

2 KIULONG THSÜRÜ 19:31

Tümüde Jirusalem chingnü aningkhi tüsho Zion wung chingnü arhang larü tsokhitbah. Wuto Atungpuh künkhinü ha rhimobah.

MUNGSHIKHÜN 2:8

I ki kheangang, tüsho inü trükshihbo nü yamrüplurüp, tüsho alomi athrünkhi nü yamalo thsüshihbah.

ISAIA 11:1

Jesse sangme kheaknü adübit khülang chinbah tüsho api yingbo kheaknü akhah khülang akhiukbah.

ISAIA 16:5

judüki kiulongthsübinkiu khülang mihmuzho ching David khimyam ching thsakhambah, tüsho ju kheak athülünkhi yakzanshuhrü khülang thiyuro lungki yimrü tüsho alungki rhimopü niokheamrü binbah.

ISAIA 2:4

Apinü trükshihbo dükeak mahkhapbah, tüsho mihtsürü ahihdo thsungkheak khikzhakjihbah; arünü arü nukshangbonü thuwuh kingbah, tüsho arü thsühbonü arhebe nukjipbo kingbah; trükshihnü trükshih azhihde nukshang mushuhkih, yungsho arünü kheaküa thirithsüpü mümükheahde akambah.

ISAIA 26:11

O Atungpuh , nü khah shuhkihlah tüshe arünü ju müngü. Nünü nü mihtsürü thsungkheak mulong jihkhi arünü ngüshang tüsho achihshang. Nü azhihrü monü arü aniuabahshang.

ISAIA 37:32

tümüde Jirusalem chingnü aningkhi wukhiukbah, tüsho Zion Müzüng chingnü atsokhitrü bokhüh labah. Wuto Atungpuh künkhinü ha thsübah.

ISAIA 40:10

Kheahang, Atungpuh nüsa Thrünpuh wulade arüchoh, tüsho api binnü api thsungkheak yakzan shuhchoh; api thsambah api lung lah tüsho apinü bekhitkhi api müngüh lah.

ISAIA 42:13

Atungpuhnü bonungrü nangde mikhuhlim yüchoh, thirithsü khülang nangde api bukakhiukkhi rhumusuchoh. Apinü zhichoh, apinü achangnü ahochoh, apinü anihbuh riribo azhihde Wuto huhchoh.

JEREMIA 23:5

Atungpuhnü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah.

DANIEL 2:35

Judüki yinchi, alo, müwayinchi, shotoyinchi, tüsho suna alala ju adütre kamde yihthünak tüsho muzhu rhimopung yo hitsüt nangde kam; tüsho apungnü jurü yünde tsoabah, junangde arü ru müngükhukde kam. Tüshe sangthsü kingkhi lung junü müzüng ato khülang kam tüsho alomi athrünkhi mi.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 7:14

Api kilim wu, müretah tüsho kiulongthsüpü jih-a lakheah, junangde mihtsürü alala, trükshihbo, tüsho thiyuthabonü api tankihpü lakheah. Api yakzan shuhpü ju akheam müla, hode mütsopü yakzan shuhpü, tüsho api kiulongthsüpü ju küyimkishe müthsümünimbe khülang ah.

DANIEL 7:27

Kiulongthsü tüsho yakzan shuhpü tüsho alomi kheak kiulongthsü ato alala Khide Achangbuh yo amüsührü mihtsürü kilim jihbah; api kiulongthsü ju akheam mülakhi kiulongthsü labah tüsho yakzanshuhrü alalanü tankihbah tüsho api ki anibah.”

HAGGAI 2:9

Ha yam ashulim lakhit ju adüso kheaknü atobe labah, Wuto Atungpuhnü thachoh; tüsho ha dangpung ching inü lalim atsü jihbah, Wuto Atungpuhnü thachoh.

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

JOHAN 12:34

Mihtsürübonü api ki alo, “Khrista lünnü alabuh de isanü yakzan chingnü sodo; Mihtsürü Tsührü abekihbah de küde thsah nünü thacho? Mihtsürü Tsührü ha she a?”

IBRI 1:8

Tüshe atsührü dünkheak apinü tha, “O Thrünpuh, nü kiulongthsü lünnü lün labah, tüsho thiyuro-lungki tso ju nü kiulongthsü tso lah.

IBRI 7:24

tüshe api a lünnü alakhinü api amükeam rhimo lün thsungkheak lah.

AMIKHEAKAKHIUKKHI 19:11

Judüki inü yinmi khimshuh-a ngü, tüsho khora amüye khülang lakheah! Shepü ju kheak binkheanü Akin-larü tüsho Thiyuro de ji, tüsho thiyuro-lungki ching apinü mahkhapchoh tüsho thirithsüchoh.