ISAIA 9:6 - AMÜSÜH HÜM CL Bible (BSI)

⁶ Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

ISAIA 9:6 Iomraidhean Croise

2 SAMUEL 7:13

Apinü I mung thsungkheaknü thüyam khülang thsübah, tüsho inü api kiulongthsü-binkiu lün thsungkheak thsakhamjihbah.

2 SAMUEL 7:16

Nü yam tüsho nü kiulongthsü I miki lünnü alashihbah; nü kiulongthsü-binkiu lünnü alabah.

1 KIULONG THSÜRÜ 10:9

Nü kheak asühbuh tüsho nü Israel kiulongthsü-binkiu kheak binshihbuh Atungpuh nü Thrünpuh shiang! Tümütüsho Atungpuhnü lünnü Israel muzhodo, jak mükheahpü tüsho thiyuro rhimopü apinü nü kiulongthsürü kamshihdo.”

1 KIULONG THSÜRÜ 2:33

Jumonü arü thiyih ju Joab ku kheak tüsho api tsühsoniusobo ku kheak lünnü arülobah; tüshe David, api tsühsoniusobo, api yamkhün, tüsho api kiulongthsü-binkiu kilim a Atungpuh kilimnü lünnü mungtsü labah.”

1 KIULONG THSÜRÜ 2:45

Tüshe kiulongthsüpuh Solomon a müngühmühibah, tüsho David kiulongthsü-binkiu a A TUN GPU H miki lünnü alabah.”

NEHEMIA 9:32

O Thrünpuh, isa Thrünpuh, nü küdükhüh ato! Küdükhüh atrebe, küdükhüh wu! Nünü tangzüngkhibo thiyuronü rhimodo. Asiria kiulongthsürünü isa junokhi chingnü, kheakü khiungde! Isa kiulongthsürübo, limberübo, amükeamrübo tüsho wukihrübo, jipürübo, tüsho mihtsürü alala kheak küpkhukkhi nü miki anikhüh nangde dükamshih!

MUNGSHIKHÜN 45:3

Nü müretah tüsho nü wüntre-müretah, nü nukshang nü chim kheak rümkihang, O Wutobuh!

MUNGSHIKHÜN 45:6

O Thrünpuh, nü kiulongthsü-binkiu lünnü lün lah; thiyuro-lungki tso ju nü kiulongthsü tso lah.

MUNGSHIKHÜN 45:7

Nünü thiyuro-lungki muzhochoh tüsho mihbukmuyuk thraneanchoh; jumonü Thrünpuh, nü Thrünpuhnü asühpü müdangkenü nü müyamrü kurungkheak mujude-mokhit.

MUNGSHIKHÜN 50:1

Wuto Atungpuh , Thrünpuhnü asukchoh; apinü alomi athrünkhi aniakhiuklimnü aniyüzahlim khiungde jichoh.

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

MUNGSHIKHÜN 72:3

Müzüngbonü mihtsürübo kilim mungtsü, tüsho awung aninibonü thiyuro-lungki hande arübah.

MUNGSHIKHÜN 72:7

Api nimungbo ching thiyuro-lungkirü lalim tsüde alabah, tüsho khinu mülayi khiungde mungtsü suhdahde alabah.

MUNGSHIKHÜN 85:10

Mihmüthsüm tüsho thiyuro rukhüh shoruachihdo; thiyuro-lungki tüsho mungtsü müthsüpachihdo.

MUNGSHIKHÜN 89:5

Tüsho yinmibonü nü amüyinsahbebo shibah, O Atungpuh ; amüsührü mukhungkhi ching nü thiyuro lah.

MÜCHITMUDU 8:23

I a akheam mülakhi chingnü alomi mülachoki, atankih chingnü alakheah.

ISAIA 10:21

Jakob yamkhün aningkhi Wuto Thrünpuh kilim alodarübah.

ISAIA 11:5

Thiyuro-lungki api shahmo-rümbe thsübah, tüsho athülünkhinü api chimrümbe thsübah.

ISAIA 16:5

judüki kiulongthsübinkiu khülang mihmuzho ching David khimyam ching thsakhambah, tüsho ju kheak athülünkhi yakzanshuhrü khülang thiyuro lungki yimrü tüsho alungki rhimopü niokheamrü binbah.

ISAIA 26:12

O Atungpuh , nünü isa thsungkheak mungtsü lashihbah, atsütsü, isanü arhimokhi alala, nünü isa thsungkheak rhimokheah.

ISAIA 26:3

Sherü lümkhi dükünglanü nünü mungtsü ching zochoh– tümütüsho arünü nü kheak kinchoh.

ISAIA 28:29

Ha she Wuto Atungpuh kilimnü arüchoh; api ju lümthiyanpü ching amüyinsahbe, tüsho lümlung ching hodaklah.

ISAIA 32:1

Kheahang, kiulongthsürü khülangnü thiyuro-lungki ching kiulongthsübah, tüsho yakzanshuhrübonü thiyuro ching yakzan shuhbah.

ISAIA 37:32

tümüde Jirusalem chingnü aningkhi wukhiukbah, tüsho Zion Müzüng chingnü atsokhitrü bokhüh labah. Wuto Atungpuh künkhinü ha thsübah.

ISAIA 53:10

Tütüshe api thsünüde azünakpü ju Atungpuh lümkhi lakheah. Küyimki nünü api rhangdung neak dün kingaün jihbanü, apinü anihbuh tsührü ngübah tüsho api nimungbo thoshangbah; api hode Atungpuh lümkhi akuk ngübah.

ISAIA 53:2

Tümüde api müngüh api sangji nangde asürü, tüsho alo akung ching yo sangying nangde; isanü api kheak kheahpü thsüde api trungdung yungsho wüntre-müretah müla, api jakphü ching isanü api mürühpü thsüde tümü müla.

ISAIA 53:5

Tüshe isanü alakmihkhi thsungkheak api yuri, isa amülimbo thsungkheak zünak; api kheak thsümüchi hode isa khiukde kamshih, tüsho api mübo hode isa ngushih.

ISAIA 63:16

Tümüde nü isa abuh, Abrahamnü isa mümükheahkheah she tüsho Israelnü isa mümütsantsan she; nü, O Atungpuh , isa abuh lah; adüsonü isa Rhokhitbuh ju nü mung ah.

ISAIA 66:12

Tümüde Atungpuhnü ha thachoh: Inü anihbe kilim lalim atsü ayung nangde akamshihbah, tüsho trükshihbo lakhit kenü müleamde abukkhi nangde akamshihbah; nüsa mütrübah tüsho anihbe bin kheak shuhbah tüsho anihbe mukhuk kheak zobah.

ISAIA 7:14

Jumonü Atungpuhnü nü kilim amütsan khülang jihbah. Kheahang, anünürü khülang mübünkeangde akambah tüsho tsührü khülang zübebah, tüsho api mung Immanuel de ajibah.

ISAIA 8:18

Kheahang, I tüsho Zion Müzüng kheak lakhi Atungpuhnü I kilim jihkhi tsührübo Wuto Atungpuh kilimnü Israel ching amütsan tüsho mütsanmükhibe lah.

JEREMIA 31:22

Külokhüh nü rümde atsahba, O akin mülakhi tsührübe? Tümüde Atungpuhnü alomi kheak kukruk aso khülang thründo; aliberü khülangnü athrürü kümdopü lah.

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 7:14

Api kilim wu, müretah tüsho kiulongthsüpü jih-a lakheah, junangde mihtsürü alala, trükshihbo, tüsho thiyuthabonü api tankihpü lakheah. Api yakzan shuhpü ju akheam müla, hode mütsopü yakzan shuhpü, tüsho api kiulongthsüpü ju küyimkishe müthsümünimbe khülang ah.

HAGGAI 2:9

Ha yam ashulim lakhit ju adüso kheaknü atobe labah, Wuto Atungpuhnü thachoh; tüsho ha dangpung ching inü lalim atsü jihbah, Wuto Atungpuhnü thachoh.

MATHI 1:1

Abraham tsührü, David tsührü Jisu Khrista jipürübo yukhean:

MATHI 1:23

Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

MATHI 11:27

I Buhnü lüpdükhi I kilim jihdo, tüsho Abuh kheak hode shenü she atsührü mümükheah. Yungsho atsührü tüsho atsührünü api amikheak akhiukshihpü mokhitrübo kheak hobah shenü she Abuh mümükheah.

MATHI 28:18

Judüki Jisunü arübah arü ki tha, “Yinmi ching tüsho alomi kheak thiyukhümsühmüh alala I kilim jihdo.

LUKNÜ ATHRÜTKHI THIYUSHEAK-ATSÜ HUHTANYU 1:35

Tüsho yunirünü alibe ki alojihde tha, “Amüsüh Me nü kheak arübah tüsho Achangbe wunü nü alamdobah; jumonü shepü Amüsüh Khülang zübepü lanü Thrünpuh tsührü de ajibah.

LUKNÜ ATHRÜTKHI THIYUSHEAK-ATSÜ HUHTANYU 2:11

tümüde khihni nüsa kilim David kiuto ching akhümkhitrü, Atungpuh Khrista zübea lah.

LUKNÜ ATHRÜTKHI THIYUSHEAK-ATSÜ HUHTANYU 2:14

“Achangbe ching Thrünpuh müretahshang, tüshe shepü kheak apinü mulong keamchonü alomi ching mihtsürü bolung mungtsü lashang!”

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:16

Tüsho api kim khiukkhi ching isanü müngühmühi kheaknü müngühmühi leangkhi.

JOHAN 14:27

Inü nüsa lung mungtsü zojihchoh, I yo mungtsü inü nüsa kilim jihchoh; alominü ajihkhi yung nangde inü nüsa kilim jihchoh. Nüsa mulong düthsümünim, yungsho dütre.

YUNIRÜBO RHIMO 10:36

Thrünpuhnü Jisu Khrista–api ju alala yo Atungpuh– hode mungtsü yusheak atsü zhiyukpü Israel kilim thiyusheak yüshihkhi nüsanü mükheahlah.

YUNIRÜBO RHIMO 20:28

Nüsa le Amüsüh Menü nüsa aheangrü kamshihkhi namfimihnu boto tüsho api tsührü thiyih hode nihbuh yo kamkhi Thrünpuh borü kümpü kurhangang.

ROMRÜ KILIM PAULNÜ ATHRÜTKHI KIHÜM HUHTANYU 8:32

Shepünü nihbuh tsührü müsühmühde isa alala dünkheak jihabahkheanü, apinü lüpdükhi isa kilim müjihba de?

ROMRÜ KILIM PAULNÜ ATHRÜTKHI KIHÜM HUHTANYU 9:5

arü ju Ibri jipürübo kheaknü atrükkhitkhi; tüsho mihtsürü ayannü Khrista ju arü mihtsürü. Alala kurungkheak yakzanshuhrü Thrünpuh lünnü shishang! Amen.

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

1 KORINT 15:25

Tümüde apinü anihbuh riribo alala ajing khüp müyüzahshihyi khiungde yakzan shuhbah.

2 KORINT 5:19

juju mihtsürübonü arü azhihde neak yihbeakkhi mükhede Thrünpuhnü alomi ju Khrista ching anihbuh kilim tsüarihshih. Tüsho apinü isa kilim tsüarihkhi yusheak jihdo.

YUZÜNGTHALO 10:17

Tümüde Atungpuh nü Thrünpuh ju thrünpuhbo kurungkheak Thrünpuh tüsho atungrübo kurungkheak Atungpuh , ato Thrünpuh wu ato tüsho atrebe, shepünü jak mükheah tüsho buknim müleangkhicho,

KOLOSI 2:3

Api kheak lümlung tüsho mükheahmudu rahpung alala rama lah.

1 TIMOTHI 3:16

Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.

TITA 2:13

isa müngühmühi mulonglam aleangpü, isa ato Thrünpuh tüsho akhümkhitrü Jisu Khrista müretah akhiukpü thaa huhdo.

IBRI 1:8

Tüshe atsührü dünkheak apinü tha, “O Thrünpuh, nü kiulongthsü lünnü lün labah, tüsho thiyuro-lungki tso ju nü kiulongthsü tso lah.

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.

MAHKHAPRÜ 13:18

Atungpuh yunirünü api ki tha, “ Ha amüyinsahbe ah de ngübah, tümüde nünü I mung keokhicho?”