ISAIA 9:3 - AMÜSÜH HÜM CL Bible (BSI)

³ Nünü trükshih wüh bushih, nünü asühpü alü kamshih; yimluchoki asühkhi nangde arünü nü miki asühachihchoh, mihtsürübonü ayankhikhi kukruk chamchoki asühkhi nangde lah.

ISAIA 9:3 Iomraidhean Croise

NEHEMIA 9:23

Thüning ching chiningbo nangde nünü arü kilim tsührübo jih, tüsho nünü arü jipürü ki müküh-a lushihpü thakhi lo ching arü bebah arü.

JOB HU H T ANYU 12:23

Apinü trükshihbo sühmüh lade toshihchoh, tüsho apinü arü kukchoh tüsho dükheakshihchoh;

MUNGSHIKHÜN 107:38

Apinü arü müngühjih, tüsho arü tode wüh bu; tüsho apinü arü moshi münungzüshih.

MUNGSHIKHÜN 119:162

Khürünü lakhit ngükhi nangde inü nü yu ching asühchoh.

MUNGSHIKHÜN 4:7

Nünü I mulong ching asühpü jihkhi ju arü hi tüsho yukhu suhde alachoki kheaknü alübe ah.

ISAIA 10:26

Wuto Atungpuhnü Oreb Lungto kheak Midiarü shikkhi nangde arü azhihde rhaptso shuhkihbah; api shitso keto mikheak labah, tüsho Ijip ching rhimokhi nangde apinü ashuhkihbah.

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 14:5

Atungpuhnü mihbukmuyuk shitso, yakzanshuhrü tso yihshakdo,

ISAIA 25:9

Ju nimung thabah, Kheangang, ha isa Thrünpuh ah; isa khümkhitshihpü thsüde isanü api aleangkheah. Ha isanü aleangkhi Atungpuh lah; isanü api akhümkhit ching asühanü tüsho asühachihanü.

ISAIA 26:15

Tüshe nünü trükshih alü kamshih, O Atungpuh , nünü trükshih alü kamshih; nü müretahdo; nünü lomi aredung alala jakihshihdo.

ISAIA 35:10

Tüsho Atungpuh zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.

ISAIA 35:2

suhdahde apungbah tüsho asühde khün thsüde asühachihbah. Lebanon müretahkhi ju kheak jihbah, Karmel tüsho Sharon wüntre-müretah labah. Arünü Atungpuh müretahkhi, isa Thrünpuh wüntre-müretah ngübah.

ISAIA 54:1

Khün thsang, O bünkeang-berü; khün thsang, tüsho zhiang, nü khungarü müzübebe! Tümüde arhangrü tsührü kheaknü bahyuka lakhi tsührü ahihbe labah, Atungpuhnü thachoh.

ISAIA 55:12

Tümüde nü asühachihkhi ching wukhiukbah, tüsho mungtsü ching belodarübah; nü müngüh lakhi awungbo tüsho amujukbonü khün thsüde alanbah, tüsho thulu ching sangbo alalanü khah dambah.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

ISAIA 61:7

Tümütüsho arü khitode achih ngüdo, tüsho akinashu mülakhi arü shihcham nangde zhiyuk, jumonü arü shihcham alü thsüde alubah; akheam mülakhi asühachihpü arü yo thsübah.

ISAIA 65:14

I yamlarübo mulong asühkhinü khün thsübah, tüshe nüsa mulong rozhakkhinü atripbah, tüsho me thsünükhinü atüzhobah.

ISAIA 65:18

Tüshe inü athrünkhi ching lünnü asühbah tüsho asühachihbah; tümüde inü Jirusalem ju asühkhi thrünpü thsüchoh, tüsho ha mihtsürü asühpü labah.

ISAIA 66:10

Jirusalem lung asühachihang, tüsho anihbe thsungkheak asühang, nüsa anihbe muzhorü alala; nüsa anihbe kurungkheak tüzhorü alala asühkhi ching anihbe lung asühachihang.

JEREMIA 31:7

Tümüde Atungpuhnü ha thachoh: Jakob thsungkheaknü asühde achangnü khün thsüang, tüsho trükshih yo atobe thsungkheak zhiang; zhiyukang, mungshi jihang, tüsho thaang, “ O Atungpuh , nü mihtsürü aningkhi Israel khümkhitang.”

HOSEA 4:7

Arü küdükhüh hihde akamkhea, judükhüh arünü I azhihde neak yihbeakdo; jumonü inü arü müretah achihbe ching müthrijihbah.

LEVI 26:13

I Atungpuh nüsa Thrünpuh hode nüsa arü azhorü müthsüshihpü Ijip lomi chingnü bekhit; inü nüsa sangkaplak yihshakjih tüsho langakindo tsahshih.

ZEKARIA 10:8

Inü arü jibah tüsho arübo mukhungbah, tümüde inü arü rhokhitdo tüsho akhuhlim nangde arü hihde akambah.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

ZEKARIA 8:23

Wuto Atungpuhnü ha thachoh: Judüki nimungbo ching trükshih yutha aban chingnü mihtsürü 10nü Jihudarü 1 kheak ramlobah, api khimmih kheak zamlobah athabah, “ Isa nü lung yüanü, tümüde Thrünpuh nü lung lah de isanü sodo.”

LUKNÜ ATHRÜTKHI THIYUSHEAK-ATSÜ HUHTANYU 11:22

Tüshe küyimki api kheaknü sühmüh lakhi arübah api kukbanü apinü mulonglamkhi zülu lude tsochoh, tüsho apinü ayankhikhibo chama luchoh.

YUNIRÜBO RHIMO 8:8

Jumonü ju kiuto asühachihkhi ato lakheah.

FILIPI 4:4

Atungpuh lung kamruhroro asühang; inü thalochoh, asühang.

1 PETER 1:8

Api müngüngü she nüsanü api muzhochoh; api müngüngü she nüsanü api kheak kinchoh tüsho müthakhukbe asühachihchoh.

MAHKHAPRÜ 5:3

Soang, O kiulongthsürübo; aniang, O yakzanshuhrübo; inü Atungpuh ki khün thsübah, inü Atungpuh , Israel Thrünpuh kilim khün düsheak thsübah.

MAHKHAPRÜ 7:22

Küyimki 300nü hulipungpung mütkhea, Atungpuhnü mihtsürübo nukshang ju nihbuh müyamrü kheak dünkihachihshih. Arünü Tabbath phüni Abel kiuto Mehola khiungde, Beth-shitta khiungde Zarethan lim alihde tso.

MAHKHAPRÜ 8:12

Tüsho Zeba le Zalmunna büne shande tso; apinü Midia kiulongthsürü mahne Zeba tüsho Zalmunna yande müshambah lu, tüsho apinü bonungrü alala tsomüzütshih.

1 SAMUEL 30:16

Küyimki apinü anihbuh bede yükikhea, tsühyungde tüsho tsünde, alo ching hiumüzüta lakheah, tümütüsho arünü Filistiarü tüsho Juda lomibo chingnü hihde yankhia lu.