ISAIA 9:21 - AMÜSÜH HÜM CL Bible (BSI)

²¹ Manasenü Ephraim tsüh, Ephraimnü Manase tsüh, tüsho rukhühnü arünü Juda azhih. Tümüde ha alala thsungkheaknü api bukakhiukkhi rholode mutso; api khah kheakü khiungde chungkih-a lah.

ISAIA 9:21 Iomraidhean Croise

2 KIULONG THSÜRÜ 15:30

Judüki Ela tsührü Hosheanü Remalia tsührü Peka azhihde rük thsü, tüsho api laksah; Uzzia tsührü Jotham kam mukupü ching apinü anihbuh müthri kiulongthsü.

ISAIA 10:4

Nüsa keochih ching laksahbah yungsho aramrü nangde thobah ayübah. Ha alala thsungkheak api bukakhiukkhi rholode mutso; api khah kheakü khiungde chungkih-a lah.

ISAIA 11:13

Ephraim mükthsükhi chamachihbah, Juda mükzahlungzah arün thsübah; Ephraimnü Juda kheak mükmüthsü, tüsho Judanü Ephraim kheak mülungkhang.

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

ISAIA 8:21

Arü alomi hode tode lümthsünüde tüsho khümde ayübah; küyimki arü akhümbanü, arü bukakhiukbah tüsho arü kiulongthsüpuh le arü thrünpuhbo athrubah. Arü mirobo mutuh lim abinbah,

ISAIA 9:12

Siriarü aniakhiuklim tüsho Filistiarü aniyüzahlim, Israel muyupü arü mün kaa lah. Ha alala thsungkheaknü api bukakhiukkhi rholode mutso; api khah kheakü khiungde chungkhih-a lah.

ISAIA 9:17

Jumonü Atungpuhnü arü athunu mihtsürübo kheak mihmuzho mülakheah, yungsho arü mürerübo tüsho khimoberü kheak muzhomüyi mülakheah; tümüde mihbüm abannü Thrünpuh mümükheah tüsho amütsü-rhimorü lakheah, tüsho arü mün abannü mahkhapkhi yu tha. Ha alala thsungkheaknü api bukakhiukkhi rholode mutso, api khah kheakü khiungde chungkih-a lah.

JEREMIA 13:14

Tüsho inü arü khülangnü khülang, berübuhrü tüsho tsührübo rukhühnü mütrütachihshihbah, Atungpuhnü thachoh. Inü arü thsümünimchoki amuzho yungsho aningshihpü yungsho mihmuzho mülade alabah.

JEREMIA 4:8

Ha dünkheaknü shungliukhim phuyuang, tüzhoang tüsho tripang: “Atungpuh bukakhiukkhi isa kheaknü rholode mutso.”

ZEKARIA 11:14

Jushu inü mahnepü Arihako tso ju Juda tüsho Israel keonione dükeak arihakokhi thsümünimde yihshak.

MATHI 24:10

Tüsho judüki ahihkhühnü akin ching tuklobah, khülangnü khülang thsungyukachihbah tüsho thraneanachihbah.

GALATIA 5:15

Tüshe nüsanü nguhachihde tüsho tsühachihsho, khülangnü khülang mütsühkhamachihpü thsüde kümkangang.

MAHKHAPRÜ 7:2

Atungpuhnü Gideon ki tha, “I thsungkheaknü Midiarü arü khah ching jihpü thsüde nü mihtsürü khide hihlah. Junangde anihbe sühmühnü api khümkhitkheah de Israelnü I azhihde mükükheang,

1 SAMUEL 14:20

Judüki Saul tüsho api lung lakhi mihtsürü alala shomukhung tüsho keochih ching yü; tüsho nukshangbo ju khülangnü khülang kheak dünkihbah alakheah, junangde khide tode ayingyingkhi lakheah.