ISAIA 9:20 - AMÜSÜH HÜM CL Bible (BSI)

²⁰ Arünü tsülim aneam tüshe judü lang khümde alakheah, tüsho arünü huzulim aneam, tüshe bukmüthsü; arünü nihbuh tsührü shih she tsüh;

ISAIA 9:20 Iomraidhean Croise

T H S AN GYU T H S AN GR ARÜ 4:5

Bünkeangbünrurünü arü khahbo napchoh tüsho arü nihbuh shih thsümünimchoh.

ISAIA 10:4

Nüsa keochih ching laksahbah yungsho aramrü nangde thobah ayübah. Ha alala thsungkheak api bukakhiukkhi rholode mutso; api khah kheakü khiungde chungkih-a lah.

ISAIA 14:30

Zhochihrü bolung zhochih traktrakrü yimtsühpü ngübah, tüsho küpkhukrü atsokhitkhi ching yapbah; tüshe inü nü ying akhümnü asheshihbah, tüsho nü kheaknü aningkhi inü alaksahbah.

ISAIA 3:1

Tümüde kheakü Wuto Atungpuhnü arü tsühyungbe ngüpung yikhap tüsho ke alala Jirusalem tüsho Juda chingnü hande tsochoh;

ISAIA 49:26

Inü nü junorübo ki arü shih tsühloshihbah, tüsho arü thiyihnü yukhunü nangde amüshangbah. Judüki mihtsürü alalanü I Atungpuh nüsa Khümkhitrü tüsho nüsa Rhokhitrü, Jakob yo Wuto Khülang de amükheahbah.”

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

ISAIA 51:19

Thsümütsü mahne nü kheak yükihdo –shenü nü lung mulong rozhakba?– thsümünima yapkhi tüsho athsümünimkhi khümzung tüsho nukshang– shenü nü shukheamba?

ISAIA 8:21

Arü alomi hode tode lümthsünüde tüsho khümde ayübah; küyimki arü akhümbanü, arü bukakhiukbah tüsho arü kiulongthsüpuh le arü thrünpuhbo athrubah. Arü mirobo mutuh lim abinbah,

ISAIA 8:22

yungsho arünü alo lim kheahbah, tüshe lümthsünü tüsho amiting thsünü lang angübah; tüsho arü ju amiting akheah ching nimyukbah.

JEREMIA 13:14

Tüsho inü arü khülangnü khülang, berübuhrü tüsho tsührübo rukhühnü mütrütachihshihbah, Atungpuhnü thachoh. Inü arü thsümünimchoki amuzho yungsho aningshihpü yungsho mihmuzho mülade alabah.

JEREMIA 19:9

Tüsho inü arü ki arü tsührübo tüsho tsührübebo shih tsühshihbah, tüsho arü rhangdung yimrünü zündobahle arü lümthsünüde lachoki arünü yamhingrü shih tsühachihbah.

TÜZHOKHI 4:10

Mihmuzhokhi azoberü khahbonü arü nihbe tsührübo ngüp; I mihtsürü thsümünimkhi ching arübo ju arü tsühyungpü kam.

MIKA 6:14

Nünü atsühbah, tüshe reangmükeam, nü buk kheaküshe akeangkeang labah. Nünü zomukhungbah tüshe tümü she muzokhit, tümütüsho nünü tümü zokhita lanü inü thirithsü ching thsümünimbah.

ZEKARIA 11:9

Jumonü inü tha, “ I nüsa namfimihnu neakrü müthsü. Tümü ashepü lanü, ju sheshang; tümü athsümünimpü lanü, ju thsümünimshang; tüsho aninga larünü khülangnü khülang shih tsühshang!”

MARK 3:24

Kiulongthsü khülangnü ju azhihde chamnaksho, ju kiulongthsü müzhipkhuk.