ISAIA 9:19 - AMÜSÜH HÜM CL Bible (BSI)

¹⁹ Wuto A TU N GPU H bukakhiukkhi hode, alomi takkheah, tüsho mihtsürübo mokhih nangde kam. Khülangnü khülang maningshih.

ISAIA 9:19 Iomraidhean Croise

ISAIA 1:31

Sühmüh larü ju mojim nangde akambah tüsho arü rhimo modübin nangde alabah; arü le arü rhimo rukhühnü shenü müyihmütde atakbah.

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 13:13

Jumonü Wuto Atungpuh müshakde abukakhiukkhi nimung ching inü thüningbo ajanshihbah, tüsho alomi ju ayappung kheaknü aniukshihbah.

ISAIA 13:18

Arü sanglühbonü athunu mihtsürübo laksahbah; arünü nuyam sangaso kheak mihmüthsüm mülade alabah; arü müknü azürübo kheak kheah-a mümuzho.

ISAIA 13:9

Kheahang, A TU N GPU H nimung, bukmükede tüsho müshakde bukakhiukde, alomi zhikabahshihpü, tüsho ju chingnü aneakrübo dükheakshihpü arüchoh.

ISAIA 24:6

Jumonü muthrumünean khülangnü alomi tsühabahchoh, tüsho ju ching larü arü amülim dünkheak thsünüchoh; jumonü lomi ching larü nükde kamdo, tüsho mihtsürü anükbe aningdo.

ISAIA 26:11

O Atungpuh , nü khah shuhkihlah tüshe arünü ju müngü. Nünü nü mihtsürü thsungkheak mulong jihkhi arünü ngüshang tüsho achihshang. Nü azhihrü monü arü aniuabahshang.

ISAIA 3:5

Mihtsürübo mihbüm abande püpürünü tüsho mihbüm abande yamhingrünü junobah; athunurünü azothsürü ki, tüsho akheamkhirünü wüntre larü ki mükhemükimbah.

ISAIA 33:14

Zion ching aneakrübo trede lah; Thrünpuh mümükheahrü ajande lah; “ Isa bolung shepünü aniuabahbe mo ching laba? Isa bolung shepünü akheam müla motru ching laba?”

ISAIA 4:4

Küyimki Atungpuhnü Zion liberü münean tüsho Jirusalem thiyih bukkhi mahkhapkhi me tüsho motakkhi menü müsühjihbanü,

ISAIA 42:25

Jumonü apinü arü kheak api bukakhiukkhi thirithsü dungkih. Hanü arü motru ching hingdo tütüshe arünü manikhit; hanü arü aniuabah, tüshe arünü mulong ching muzo.

ISAIA 5:24

Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

ISAIA 5:30

Ju nimung arünü keto ahukkhi nangde ju kheak ahukbah. Tüsho khürünü lomi kheak kheahsho amiting tüsho lümthsünü lang alabah; tüsho ayin ju amonü mitingdo kamshihchoh.

ISAIA 60:2

Kheahang, amitingnü alomi lüpdobah, tüsho kheahde amitingkhinü mihtsürübo yihdobah; tüshe Atungpuh nü kheak asürübah, tüshe api müretahkhi nü kheak labah.

ISAIA 8:22

yungsho arünü alo lim kheahbah, tüshe lümthsünü tüsho amiting thsünü lang angübah; tüsho arü ju amiting akheah ching nimyukbah.

JEREMIA 13:16

Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.

EZEKIEL 20:47

Düjinglim murung ki thaang: Atungpuh yu soang. Wuto Atungpuhnü ha thachoh: Inü nü kilim mo thsahkihpü lah, tüsho junü nü sangdungbo alala aphüyak tüsho akung chido aniubah. Mo trukhi mükheamde alabah, tüsho mihbüm aban miro düjinglimnü dukulim khiungde takreapreapa labah.

EZEKIEL 9:5

Inü anichoki, apinü püpürü ki tha, “ Kiuto hode api yande yüang tüsho mihmuzho yungsho lümrhihkhi mülade laksahang.

JOEL 2:2

amiting tüsho azhingdokhi nimung, amobo lakhi tüsho kheahde amitingkhi nimung khülang! Müzüngbo kheak amürak liukihkhi nangde ato tüsho wulakhi tangkho bonungrü arüchoh; arü nangde adüsonü mülaakheah, yungsho arü dunglim arüpü lünbo ching mülalo.

JOEL 2:3

Arü müngüh mo takchoh tüsho arü dunglim motru aniuchoh. Arü müngüh alo ju Eden shahwün nangde lah, tüshe arü dunglim a athsümünim sunglo nangde lah, tüsho tümü she arü kheaknü mutsokhi.

LEVI 26:26

Küyimki inü nüsa tsühyungpü zhimzhakshihbanü, aliberü thürünü yinchi kuk khülang ching yikhap dambah, tüsho arünü adünloa nüsa kipbah; ju nüsanü atsühbah, tüshe bukmüthsü.

AMOS 5:18

Nüsa sherünü Atungpuh nimung künchonü ayokhe! Tümüde nüsanü Atungpuh nimung küncho? Ha amiting ah, ayin yung;

OBADIA 1:18

Jakob yamkhün ju mo nangde, Josep yamkhün ju motru nangde alabah, tüsho Esau yamkhün a hitsüt nangde alabah; arünü jurü takbah tüsho aniuabahbah, tüsho Esau yamkhün chingnü she mülade alabah; tümüde Atungpuhnü asukdo.

MIKA 7:2

Athülünkhi alomi chingnü kheamabahdo tüsho alungki larü sheshe müla; arü alalanü thiyih bukpü aleangde binchoh, tüsho arünü keang lubah jimachihchoh.

MIKA 7:6

tümüde tsührünü buhrü bahyukde rhimochoh, tsührübenü berü azhihde wusuchoh, tsühmeakbenü anihbe ani azhihchoh; nü riribo ju nihbuh betsührü ah.

ZEKARIA 11:6

Tümüde inü kheaküa alomi ching larü amuzho müla, Atungpuhnü thachoh. Inü arü mihbüm abannü yamhingrü tüsho kiulongthsürü khah ching jihbah; tüsho arünü alomi thsümünimbah, tüsho inü arü khah chingnü she mübekhit.

ZEKARIA 11:9

Jumonü inü tha, “ I nüsa namfimihnu neakrü müthsü. Tümü ashepü lanü, ju sheshang; tümü athsümünimpü lanü, ju thsümünimshang; tüsho aninga larünü khülangnü khülang shih tsühshang!”

MALAKI 4:1

Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

MATHI 27:45

Kheakü animuro kim chingnü 3 king khiungde alomi alala ching amiting lakheah.

YUNIRÜBO RHIMO 2:20

Atungpuh nimung ato tüsho müretah arüpü müngüh, ani ju mitingdo akambah tüsho khinu ju thiyih nangde akambah.

2 PETER 2:4

Neak yihbeakrü yunirübo Thrünpuhnü maningshih, tüshe thsümüchipung ching jipyuka, amiting ching rhüka zobah mahkhap nimung aleangde lah.