ISAIA 9:17 - AMÜSÜH HÜM CL Bible (BSI)

¹⁷ Jumonü Atungpuhnü arü athunu mihtsürübo kheak mihmuzho mülakheah, yungsho arü mürerübo tüsho khimoberü kheak muzhomüyi mülakheah; tümüde mihbüm abannü Thrünpuh mümükheah tüsho amütsü-rhimorü lakheah, tüsho arü mün abannü mahkhapkhi yu tha. Ha alala thsungkheaknü api bukakhiukkhi rholode mutso, api khah kheakü khiungde chungkih-a lah.

ISAIA 9:17 Iomraidhean Croise

JOB HU H T ANYU 15:34

Tümüde rükthsürükhean borü ju aniungyüh labah, tüsho buknim tsührü khimyambo monü aniuabahbah.

MUNGSHIKHÜN 109:12

Api ki amüthsüm huhrü she dülashih, yungsho api tsührü mürerü lümrhihrü she dülashih.

MUNGSHIKHÜN 147:10

Apinü khora sühmüh ching masühchoh; apinü mihtsürü jingbo ching masüh.

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

ISAIA 10:2

küpkhukrü thiyuro chingnü beakhinpü tüsho I mihtsürü zhochihrü alim bephülappü, junangde khimoberübo nüsa yo ayankhikhi kukruk thsübah, tüsho mürerübo nüsa shih thsübah!

ISAIA 10:4

Nüsa keochih ching laksahbah yungsho aramrü nangde thobah ayübah. Ha alala thsungkheak api bukakhiukkhi rholode mutso; api khah kheakü khiungde chungkih-a lah.

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 13:18

Arü sanglühbonü athunu mihtsürübo laksahbah; arünü nuyam sangaso kheak mihmüthsüm mülade alabah; arü müknü azürübo kheak kheah-a mümuzho.

ISAIA 14:20

Nü mi bahpü arü lung mübe, tümütüsho nünü nü lomi thsümünimdo, nünü nü mihtsürübo laksahdo. Amütsü-rhimorü tsühsoniusobo küyimkishe mung düjishih!

ISAIA 24:5

Mihtsürübonü alomi müneando; tümüde arünü yakzanbo lakmihdo, thiyuzüngbo thsümünimdo, akheam mülakhi tangzüng yihshakdo.

ISAIA 27:11

Küyimki akhahbo muwubanü azoberübonü arübah atakpü yihchoh. Tümüde ha anikhitkhi mülakhi mihtsürü ah; jumonü arü Thrünrünü arü kheak amuzho müla, yungsho arü ki mihmüthsüm muhuh.

ISAIA 3:8

Tümüde Jirusalem jing mükhedo tüsho Juda angakdo, tümütüsho arü yu thakhi tüsho arü rhimobonü Atungpuh azhihkhi lah, api müretahkhi arün thsüshihdo.

ISAIA 31:2

Tütüshe api she lümlung lah tüsho thsümütsü handarüchoh; apinü anihbuh yubo matrütchoh, tüshe amütsü rhimorü yamkhün azhihde wusubah tüsho amülim rhimorü rungrü azhihbah.

ISAIA 31:3

Ijiprübo ju mihtsürü ah tüsho Thrünpuh yung; arü khorabo shih, tüsho me yung. Küyimki Atungpuhnü api khah chungkihbanü, arungrü jing mükhebah, tüsho arungbuh alungbah, tüsho ane chido rukhüh dükheakbah.

ISAIA 33:11

Nünü hitsüt zahshihchoh, nünü müneang zübechoh; nü sheak ju nü aniuabahbe mo lah.

ISAIA 33:12

Tüsho mihtsürübo ju lungmüye takkhi nangde, ayang kiushakbah mo ching takkhi nangde alabah.

ISAIA 40:30

Athunurü she sühkeakeabah tüsho akeakbah, tüsho athunurü khiabahbah;

ISAIA 5:24

Jumonü mo mulonü müneang muliukhi nangde, tüsho sangrung akung motru ching keamyukkhi nangde, arü ying shuhabahbah tüsho apungkhi asungthulung nangde keamkhia bahbah; tümüde arünü Wuto Atungpuhnü thsangdankhi bahyukdo, tüsho Israel Amüsühbuh Khülang yu mükhemükimdo.

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

ISAIA 62:5

Athrününgtsüng khülangnü anünürü kheak yamkhün kamkhi nangde nü thrünrünü nü ki rhangbah, tüsho yamkhün-kambuhnü yamkhün-kambe kheak asühachihkhi nangde, nü Thrünpuhnü nü kheak asühachihbah.

ISAIA 65:19

Inü Jirusalem ching asühachihbah, tüsho I mihtsürü kheak asühbah; ju ching atripkhi düsheak musolo, yungsho lümthsünü zhikhi müla.

ISAIA 9:12

Siriarü aniakhiuklim tüsho Filistiarü aniyüzahlim, Israel muyupü arü mün kaa lah. Ha alala thsungkheaknü api bukakhiukkhi rholode mutso; api khah kheakü khiungde chungkhih-a lah.

ISAIA 9:21

Manasenü Ephraim tsüh, Ephraimnü Manase tsüh, tüsho rukhühnü arünü Juda azhih. Tümüde ha alala thsungkheaknü api bukakhiukkhi rholode mutso; api khah kheakü khiungde chungkih-a lah.

JEREMIA 18:21

Jumonü arü tsührübo khümzungnü sheshang; arübo nukshang wu kilim jihang, arü niuberübo tsührü mülade tüsho khimoberü kamshang. Arü niubuhrübo tukthsünü sheshang, athunurübo keochih ching nukshangnü laksahshang.

JEREMIA 5:1

Jirusalem kiudunglimrobo hode yüla arüla de alihang, mükamde kheahang tüsho mütsanang! Wungdobo ching yimang tüsho nünü thiyuro rhimorü tüsho thiyuro yimrü mihtsürü khülang lang she ngünahnü kheahang– junangde inü Jirusalem neak bahjihanü.

EZEKIEL 20:33

Tsükjide I lale, Wuto Atungpuhnü thachoh, Inü nüsa kurungkheak wuto khah tüsho achungkhitkhi bin tüsho mulong zhipzhip yakzan shuhbah.

AMOS 4:10

Inü Ijip kiphahde nüsa bolung arüm-tukthsü arüshih; inü nüsa athrününgtsüngbo nukshangnü laksah; inü nüsa khorabo hande tso; tüsho inü nüsa binkheampung shuhrhüm nüsa nupung khün ching wutushih; tütüshe nüsanü I kilim murholo, Atungpuhnü thachoh.

AMOS 8:13

Ju nimung ching jak tsükhi anünürü tüsho athrününgtsüngbo kethürikhinü alungbah.

MIKA 7:2

Athülünkhi alomi chingnü kheamabahdo tüsho alungki larü sheshe müla; arü alalanü thiyih bukpü aleangde binchoh, tüsho arünü keang lubah jimachihchoh.

ZEKARIA 9:17

Tümüde api tsakamkhi tüsho akhamkhi küdükhüh la! Hinü athrününgtsüng tüsho yukhunü anünürü shih kihde akambah.

MATHI 12:34

Nüsa phurutobo, nüsa amütsübonü küde thsah atsü thakhukpü? Tümütüsho tümünü mulong mide lanü ju münnü asukchoh.

MATHI 16:3

tüsho yapsu thachoh, ‘Tsüng arüpü lah, tümüde thüning mürümdo tüsho lukkhüplah.’ Yiuhkhaprübo! Nüsanü thüning kheahbah nimung müchitkhuklah tüshe amütsan kimbo a müthakhuk.