ISAIA 8:4 - AMÜSÜH HÜM CL Bible (BSI)

⁴ tümüde khungarünü “Abuh” yungsho “Aba” de ajipü mümükheahyide Damaska lakhit tüsho Samaria ching yankhikhi kukrukbo Asiria kiulongthsüpuhnü lude atsobah.

ISAIA 8:4 Iomraidhean Croise

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

2 KIULONG THSÜRÜ 16:9

Asiria kiulongthsüpuhnü api ki ani; Asiria kiulongthsüpuhnü Damaska azhihde wutu tüsho ju lubah mihtsürübo Kir ching rama lubah yü; jushu apinü Rezin laksah.

2 KIULONG THSÜRÜ 17:3

Asiria kiulongthsüpuh Shalmanesernü api azhihde atu; Hoshea api bukkhüp laabah, tüsho api kilim ruk jih.

ISAIA 17:1

Damaska dünkheak müchityu khülang. Kheahang, Damaska ju kiuto thsüpü arün thsübah, tüsho athsümünimkhi mujung kambah.

ISAIA 17:3

Ephraim chingnü chipi dükheakbah tüsho Damaska chingnü kiulongthsü dükheakbah; tüsho Siria aningkhi ju Israel tsührü müretahkhi nangde alabah, Wuto Atungpuhnü thachoh.

ISAIA 28:4

Tüsho ha müretah akheahakham yiuhabahkhi sangbün, küpü amüdanglo dükhün ku kheak lanü, yimlupü müngüh akhuh münkhi khubaso nangde alabah; sherünü ha ngübanü, khah ching arüakede tsühabahchoh.

ISAIA 8:5

Atungpuhnü I ki asuklo:

AMOS 1:3

Atungpuhnü ha thachoh: Damaska mihtsürübonü alochode neak yihbeakkhi dünkheak inü thsümüchi mululo; tümütüsho arünü hi-nitbe yinchinü Gilead nitdo.

AMOS 1:5

Inü Damaska chipiripit khrihbebo yihshakbah, tüsho Aven Jindükhün ching larü tüsho Beth-eden ching kiulongthsü-tso shuhbuh mülade akamshihbah; tüsho Siria mihtsürü Kir ching ramde ayübah, Atungpuhnü thachoh.

JONA 4:11

Dale küdükhüh inü ju kiuto ato Nineve kheak amuzho mülapü. Ju ching amülim mülakhi mihtsürübo 120,000, tüsho shiwühbo she ahihdo lah!”

ROMRÜ KILIM PAULNÜ ATHRÜTKHI KIHÜM HUHTANYU 9:11

Thrünpuhnü amokhitkhi lümkhi mutukzhakde ayüpü thsüde arü müzübeyia lalashe tüsho atsü yungsho amütsü tümü mürhimoyia lalashe, rhimobo hode yung tüshe apinü ajikhinü,

YUZÜNGTHALO 1:39

“Kheaküshe nüsa tsührü aninibo thiririnü ramde atsobah de nüsanü athakhi, sherübo khihni atsü tüsho amütsü dünkheak mükheahmudu mülanü, arübo ju ching yüzahbah; arübo kilim inü ju jihbah, tüsho arünü ju mükühbah.