ISAIA 8:22 - AMÜSÜH HÜM CL Bible (BSI)

²² yungsho arünü alo lim kheahbah, tüshe lümthsünü tüsho amiting thsünü lang angübah; tüsho arü ju amiting akheah ching nimyukbah.

ISAIA 8:22 Iomraidhean Croise

JOB HU H T ANYU 18:18

Api ayin chingnü amiting ching nimyukdo, tüsho alomiküp chingnü yankhita bahdo.

ABEKHIT 10:21

Judüki Atungpuhnü Mosa ki tha, “Nü khah thüning lim chungkihang, junangde Ijip lomi zhingdopü thsüde amiting akheah arübah.”

ABEKHIT 10:22

Jumonü Mosanü thüning lim akhah chungkih, tüsho Ijip lomi alala ching nimung mahsam amiting akheah lakheah.

MÜCHITMUDU 14:32

Mihbukmuyuk ju nihbuh amütsü rhimo ching yana bah-a lah, tüshe thiyuro-lungkirü a api ashepü ching she tsoyukpung lah.

ISAIA 30:6

Negeb shiwühbo dünkheak thiyusheak. Küpkhuk tüsho lümthsünü lomi hode, kekhüzü dre tüsho arungkhi kekhüzü, phuruto tüsho aphinkhi phuruto, arünü arü lakhitbo donkibo kheak hanchoh, tüsho arü rahpungbo kemelbo ngam kheaknü hanbah arü kilim alü müthsüjihrü mihtsürü kilim yüchoh.

ISAIA 5:30

Ju nimung arünü keto ahukkhi nangde ju kheak ahukbah. Tüsho khürünü lomi kheak kheahsho amiting tüsho lümthsünü lang alabah; tüsho ayin ju amonü mitingdo kamshihchoh.

ISAIA 50:11

Tüshe nüsa alala mo takkihrü, mozhuh takkihrü ah. Nü mo trukhi ching tüsho nünü atakkihkhi mozhuh bolung tsahang! Ha I khah chingnü nünü angübah: nü thsümütsü ching yapbah.

ISAIA 50:3

Inü thüningbo amürak phuyujih, tüsho shungliukhim arü mühiudobe kamshih.

ISAIA 59:9

Jumonü thiyuro isa kheaknü limshude lah, tüsho thiyurolungkinü isa mukhiung; isanü ayin aleangchoh, tüsho kheahang! ju ching amiting lah; tüsho ayinatrüm aleangchoh, tüshe amiting ching isa tsahchoh.

ISAIA 60:2

Kheahang, amitingnü alomi lüpdobah, tüsho kheahde amitingkhinü mihtsürübo yihdobah; tüshe Atungpuh nü kheak asürübah, tüshe api müretahkhi nü kheak labah.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

ISAIA 9:1

Judüalalashe lümthsünü ching larü thsungkheaknü kheaküa amiting mülade alabah. Akhuhbe kim ching apinü Zebulun lomi tüsho Naphtali lomi bahyuk, tüshe arübe kim ching keto limro, Jordan hobah alomi, khiungkerü lapung Galilee müretahshihbah.

ISAIA 9:20

Arünü tsülim aneam tüshe judü lang khümde alakheah, tüsho arünü huzulim aneam, tüshe bukmüthsü; arünü nihbuh tsührü shih she tsüh;

JEREMIA 13:16

Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.

JEREMIA 23:12

Jumonü arü limro ju amiting ching limro shahshah nangde alabah, küpü ching arü jing mükheba tüsho alungba; tümüde arü thsümüchipü kam ching inü arü kheak thsümütsü handarübah, Atungpuhnü thachoh.

MATHI 22:13

Judüki kiulongthsüpuhnü yamlarübo ki tha, “Api khah tüsho jing rhükbah bede tsoang, tüsho wungdo amiting ching bahang; ju ching atripkhi tüsho hü mütrütkhi labah.”

MATHI 24:29

“Jurü nimungbo ching thsümütsü-ato dunglim yanalünde ani mitingde akambah, tüsho khinunü ayin müjihde akambah; thüning chingnü chiningbo keamkhibah, tüsho thüning sühmühbo niukbah.

MATHI 8:12

Tüshe kiulongthsü ching larübo a amiting ching yankhita bahbah. Ju ching atripkhi tüsho hü mütrütkhi labah.”

JUDNÜ ATHRÜTKHI KIHÜM HUHTANYU 1:13

keto müküpde abükkhi, arü nihbuh achihbe arhukrhukke thurukihchoh; arü khilim lün thsungkheak amiting akheah akhua zokhi tsahde alakhi chiningbo ah.

AMIKHEAKAKHIUKKHI 16:10

Aphüngüpü yunirünü api phurusük shiwüh kiulongthsü-binkiu kheak dunga bah, tüsho ju kiulongthsü amiting ching lakheah; mihtsürübonü thsünükhi hode arü mulo mükap