ISAIA 8:21 - AMÜSÜH HÜM CL Bible (BSI)

²¹ Arü alomi hode tode lümthsünüde tüsho khümde ayübah; küyimki arü akhümbanü, arü bukakhiukbah tüsho arü kiulongthsüpuh le arü thrünpuhbo athrubah. Arü mirobo mutuh lim abinbah,

ISAIA 8:21 Iomraidhean Croise

2 KIULONG THSÜRÜ 25:3

Khinu phüyi, nimung tuku nipü kiuto ching khümzung khide phünahde kam, junangde lomi mihtsürübo thsungkheak tsühyungbe mülade alakheah.

2 KIULONG THSÜRÜ 6:33

Apinü arü ki thade alachoki kiulongthsüpuhnü api ki akibah tha, “Ha küpkhuk Atungpuh kilimnü ah! Kheaküa tümü thsüpü inü Atungpuh kheak mulonglampü?”

JOB HU H T ANYU 1:11

Tüshe kheakü nü khah chungkhitang, tüsho api lakhi alala qiuang, tüsho apinü nü miro kheak athrubah.”

JOB HU H T ANYU 18:12

Akhümkhinü api sühmüh müladebahdo, tüsho api rheang ki athsümünimpü thsakhamlah.

JOB HU H T ANYU 2:5

Tüshe kheakü nü khah chungkhitang tüsho api ro le yin qiuang, tüsho apinü nü miro kheak athrubah.”

JOB HU H T ANYU 2:9

Judüki aniubenü api ki tha, “ Kheaküshe nü thiyuro ching laba de? Thrünpuh athruang, tüsho sheang.”

ABEKHIT 22:28

“Nünü Thrünpuh düluhmüne, yungsho nüsa mihtsürü yakzanshuhrü dathru.

MÜCHITMUDU 19:3

Mihtsürü khülang nihbuh makhakhinü api rhangdung thsümünimchoh, tüsho api mulongnü Atungpuh chikhichoh.

ISAIA 14:30

Zhochihrü bolung zhochih traktrakrü yimtsühpü ngübah, tüsho küpkhukrü atsokhitkhi ching yapbah; tüshe inü nü ying akhümnü asheshihbah, tüsho nü kheaknü aningkhi inü alaksahbah.

ISAIA 51:19

Thsümütsü mahne nü kheak yükihdo –shenü nü lung mulong rozhakba?– thsümünima yapkhi tüsho athsümünimkhi khümzung tüsho nukshang– shenü nü shukheamba?

ISAIA 59:9

Jumonü thiyuro isa kheaknü limshude lah, tüsho thiyurolungkinü isa mukhiung; isanü ayin aleangchoh, tüsho kheahang! ju ching amiting lah; tüsho ayinatrüm aleangchoh, tüshe amiting ching isa tsahchoh.

ISAIA 65:13

Jumonü Atungpuh Thrünpuhnü thachoh: I yamlarübo atsühbah, tüshe nüsa akhümbah; I yamlarübo ayungbah, tüshe nüsa kethüribah; I yamlarübo asühachihbah, tüshe nüsa achih ngüshihbah;

ISAIA 9:20

Arünü tsülim aneam tüshe judü lang khümde alakheah, tüsho arünü huzulim aneam, tüshe bukmüthsü; arünü nihbuh tsührü shih she tsüh;

ISAIA 9:21

Manasenü Ephraim tsüh, Ephraimnü Manase tsüh, tüsho rukhühnü arünü Juda azhih. Tümüde ha alala thsungkheaknü api bukakhiukkhi rholode mutso; api khah kheakü khiungde chungkih-a lah.

JEREMIA 14:18

I thulu ching wukhiuksho, nukshangnü alaksahkhibo inü ngüchoh; I kiuto ching yüzahsho, khümzungnü tukthsürübo inü ngüchoh. Wukihrü tüsho amükeamrü chido arünü mümükheahkhi ching yüdo.

JEREMIA 52:6

Khinu phüyi nimung tuku nipü ju kiuto ching khümzung muthsukde arükhi hode lomi mihtsürü thsungkheak tsühyungpü mülade alakheah.

LEVI 24:11

Israelbe tsührü junü Thrünpuh mung athrude tha; jumonü arünü api Mosa kilim bedarü. (Abe mung ju Shelomith, Dan trük, Dibri tsührübe lakheah).

1 SAMUEL 8:18

Tüsho ju nimung ching nüsanü nüsa kiulongthsürü mokhitkhi dünkheak nüsanü azhibah; tüshe Atungpuhnü ju nimung nüsa ki malojih.”