ISAIA 8:19 - AMÜSÜH HÜM CL Bible (BSI)

¹⁹ Küyimki mihtsürübonü dapdaprururü mesherü tüsho me-larü ki keoang de nü ki thabanü, mihtsürübonü arü Thrünpuh ki mükeobea de? Tümüde arhang larü thsung thsüde asherü ki keokhicho?

ISAIA 8:19 Iomraidhean Croise

THRÜNTAN 41:24

Tüsho adüsükkhi aye thünenü aye atsü thüne ju muyuabah. Jumonü inü ha wurük-huhrübo ki tha, tüshe I ki thanakkhukpü she mülade alakheah.”

2 KIULONG THSÜRÜ 1:3

Tüshe Atungpuh yunirünü Tishbirü Elija ki tha, “Asürang, Samaria kiulongthsüpuh yunithsürübo shorupü yüang, tüsho arü ki thaang, ‘Israel ching Thrünpuh mülamonü nüsa Ekron thrünpuh, Baal-zebub ki keopü yücho de?’

2 KIULONG THSÜRÜ 21:6

Apinü atsührü monü taka kingaün, apinü müchityu tha tüsho lümrük thsü, tüsho akhasherü le thümürü ki keokhi. Apinü Atungpuh miki amütsü khide rhimode api bukakhiukshih.

2 KIULONG THSÜRÜ 23:24

Kheaküshe Josianü akhasherü, thümürü, yambuk thrünpuhbo, sangthsübo, tüsho Juda le Jirusalem lomi ching ngükhi athraneanbe alala yihkhita bah, junangde Hilkia amükeambuhnü Atungpuh yam chingnü angükhi hüm ching thrüta lakhi yubo apinü düküngde zo.

1 KIUTHSÜYUKHEAN 10:13

Junangde api thiyuro mülakhi dünkheaknü Saul sheabah; apinü Atungpuh yukhüm mani, ju lang yung, apinü mesherü ki limbeshihpü keokhi,

2 KIUTHSÜYUKHEAN 33:6

Apinü müchitde, dünjiyu thade, wurük thsüde tüsho mesherü le kuhi-kheahrü keokhide Hinnom jindükhün ching api tsührü taka kingaünkhi jih. Apinü khide amütsü Atungpuh miki rhimode api bukakhiukshih.

MUNGSHIKHÜN 106:28

Arünü Peor ching Baal kingaünpü berung, tüsho ashekhi thrünpuh shuhmülanga kingaünkhibo tsüh.

ISAIA 19:3

arü bolung Ijiprü me mülade akambah, tüsho inü arü lümkhibo akeangkeang kamshihbah; arünü sangthsübo tüsho ashekhi mebo tüsho mesherü le mebo ki keokhibah;

ISAIA 26:14

Asherü a rhangdung müla; mebo masürü– tümütüsho nünü arü thsümüchi tüsho thsümünim tüsho arü lümkhitpü alala dükheakshih.

ISAIA 29:4

Judüki alo asük chingnü nünü athabah, asungthulung abobe chingnü nü yubo akhiukbah; nü düsheak alo chingnü me düsheak nangde arübah, tüsho nü yu thakhi asungthulung chingnü amütkhitbah.

ISAIA 30:2

shepünü I ki mükeokhide Pharaonü akümkhi ching tsoyukpü, tüsho Ijip alamme ching kurampung yimde ayükipü tsahmusukhea;

ISAIA 45:11

Atungpuhnü ha thachoh, Israel Amüsüh Thrünpuh, tüsho Athrünrü: I tsührü yungsho I khah rhimo dünkheak nünü I ki keokhiba de?

ISAIA 47:12

Nü athunuchokinü rhimode arükhi nü müchit-rükbo tüsho nü wurükbo ahihdo ching düküngde zhipang; khükia nünü akukpü labah, khükia nünü amüzünkhukpü labah.

ISAIA 47:13

Lümlung-jihrü ahihdo kheak nü khia lah; sherünü thüningbo tüsho chiningbo khecho, tüsho khinu aso aban nü kheak dünjipü müchitchonü asürüshang tüsho nü khümkhitshang.

JEREMIA 10:10

Tüshe Atungpuh ju thiyuro Thrünpuh; api arhang Thrünpuh akheam mülakhi kiulongthsüpuh. Api bukakhiukkhinü alomi ajanchoh, tüsho trükshihbonü api bukakhiukkhi marümkhuk.

JEREMIA 27:9

Jumonü nüsanü nüsa wukihrübo, müchitrübo, milim yihnakrübo, müchityu tharübo, yungsho wurük-huhrü ki dani, sherünü nüsa ki thacho, “ Nüsanü Babilon kiulongthsüpuh mütankih.”

LEVI 19:31

Mesherü tüsho judürü mebo kilim düyü; arünü nüsa müneanshihpü arü düyim: I Atungpuh ah.

LEVI 20:6

Shepünü mesherü tüsho thümürü kilim yübah arü kheak yüliyürabanü, inü arü azhihbah tüsho arübo mihtsürü bolungnü khekhita bahbah.

MIKA 5:12

tüsho inü nüsa khah chingnü wurük dükheakshihbah tüsho kuhi-kheahrü mülade alabah;

YUNIRÜBO RHIMO 16:16

Isa tamkhüntamnü dangpung lim yüde alachoki, menü müchitde aputungrü khide alü thsüshihde alakhi azhorü liberü khülangnü isa shoru.

YUZÜNGTHALO 18:10

Nüsa bolung ching shenü she nihbuh tsührü athrürü yungsho aliberü mo ching mütakbeah, yungsho rük-thümü, müchitrü, khinzungrü, akeangrük huhrü,

YUZÜNGTHALO 18:11

rükyu tharü, mesherü, me asukachihrü yungsho asherü jirü mülabeah.

1 TESALONIKA 1:9

Künangde nüsanü isa leangkhikheanü, tüsho sangthsübo kilimnü arhang tüsho thiyuro Thrünpuh tankihpü rholokhi,

2 PETER 2:1

Adüso arükchih wukihrübo mihtsürü bolung lakheah, junangde nüsa bolung she arükchih thsangyurübo akhiukbah. Arünü athsümünimbe akeangyu kingaünyakzan hande arübah, tüsho arü rhokhitbuh arü Putungrü reanglobah, tüsho junangde arünü arü nihbuh kheak zukleangnü athsümünim hande arübah.

1 SAMUEL 28:11

Jushu alibenü tha, “Inü shepü nü ki bede atuba?” Apinü alo, “I thsungkheaknü Samuel bede atung.”

1 SAMUEL 28:16

Samuelnü tha, “Dale tümü thsükhi nünü I ki keokhicho, tümüde Atungpuh nü kheaknü tsoabahdo tüsho nü riri kamdo?

1 SAMUEL 28:7

Judüki Saulnü api yamlarübo ki tha, “I thsungkheaknü aliberü mesherü khülang yimkhitjang, junangde inü alibe ki yübah keokhianü.” Api yamlarübonü tha, “Endor ching mesherü khülang lah.”

1 SAMUEL 28:8

Jumonü Saulnü aphü müthriabahbah khimmih püpü yuk tüsho api lung mihtsürü mahne bebah ju ching yü. Arünü azhing ching alibe kilim arü. Tüsho apinü tha, “I thsungkheaknü me ki keoang, tüsho inü nü ki thakhi mung I thsungkheaknü bebah atung.”