ISAIA 8:16 - AMÜSÜH HÜM CL Bible (BSI)

¹⁶ Rhangdung-yumütsan rhükruang, I jingyanrü bolung thsangyukhi yümkihang.

ISAIA 8:16 Iomraidhean Croise

2 KIULONG THSÜRÜ 11:12

Judüki apinü kiulongthsüpuh tsührü bede akhiukbah api kheak kuthran thranjih, tüsho api kilim tangzüng jih; arünü api kiulongthsüpuh de zhiyuk, tüsho api mujude-mokhit; arünü arü khahbo dam tüsho zhi, “ Kiulongthsüpuh kutsüpde laang!”

MUNGSHIKHÜN 25:14

Atungpuh aramyu ju api trerü kheak lah, tüsho apinü arü ki api tangzüng huhbah.

ISAIA 50:4

Atungpuh Thrünpuhnü I kilim thsangyupü mulo khülang jih, junangde inü keaksahrü thiyu khülangnü reangzahshihpü mükheahbah. Yapsu aban apinü I yihmusuchoh– khürükhüh thsangyukhi anipü nangde I nükhün dukoshih.

ISAIA 54:13

Nü tsührü alala Atungpuhnü thsangyubah, tüsho nü tsührü mungtsü tüsho latsühlayung labah.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

DANIEL 12:4

Tüshe Daniel, nünü akheam kim khiungde aramyubo lodoang tüsho yümdoang. Ahihdo yüla arüla de ashanbah, tüsho amütsü alü kambah.”

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

MATHI 13:11

Apinü alo, “Tümütüsho yinmi kiulongthsü aramyubo mükheahpü nüsa kilim jih, tüshe arü kilim a müjih.

MARK 10:10

Tüsho ajingyanrübonü thüyam ching judürü api ki keokhi.

MARK 4:34

Tüshe shihdanglimyu mübedüa apinü arü ki mütha. Tüsho küyimki arü mükhingde lakhea, apinü ajingyanrübo ki alala thanaka huh.

1 KORINT 2:14

Me mülakhi mihtsürünü Thrünpuh Me thsambah müleangkhichoh, tümüde arübo api ki makharü ah, tüsho apinü jurübo anikhitpü mukuk, tümütüsho jurübo me hodü lang mütsankhitchoh.

YUZÜNGTHALO 4:45

harü ha Israel mihtsürü Ijip chingnü abekhitshu Mosanü Israel mihtsürü ki thakhi yukhüm, yakzan tüsho yuzüngbo,

IBRI 3:5

Kheakü Mosa a ashulim asukpü lakhi thiyumütsan thsüpü Thrünpuh yam ching tankihrü thsüde alala ching thiyuro larü lakheah,

AMIKHEAKAKHIUKKHI 10:4

Küyimki tsüngmuk thüne arungkheanü inü athrütpü thsü, tüshe yinmi chingnü athakhi düsheak inü so, “Tsüngmuk thünenü tümü thakheanü yümdoa zoang, tüsho ju düthrüt.”

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’

AMIKHEAKAKHIUKKHI 5:1

Tüsho kiulongthsü-binkiu kheak binbuh khah tsülim ching, thripkhüh thripkhüh thrütkhi küpqiu, mütsanyüm thünenü yümbah inü ngü;

AMIKHEAKAKHIUKKHI 5:5

Judüki azothsürü khülangnü I ki tha, “Dütrip; kheahang, Juda trük kekhüzü, David Sangyingnü kukdo, junangde apinü ayümdokhi thüne küpqiu khimshuhpü kuklah.”