ISAIA 8:14 - AMÜSÜH HÜM CL Bible (BSI)

¹⁴ Api ju arüngyam khülang labah; Israel yamkhün ane chido thsungkheak api jingmükhelung khülang labah– Jirusalem ching larü thsungkheak azheang tüsho qimürip labah.

ISAIA 8:14 Iomraidhean Croise

MUNGSHIKHÜN 11:6

Apinü mihbukmuyuk kheak mokhih tüsho motaklung akishihchoh; apinü apung ataknü arü thsümüchichoh.

MUNGSHIKHÜN 140:5

Akükheangrünü I thsungkheak müthrim tüsho liubo rama zolah; arünü limro yean keang phua zolah; arünü I thsungkheak müthrim zolah.

MUNGSHIKHÜN 69:22

Arü miki dükhüm ju qimürip kamshang; arü amüsüh aniojikhibo azheang kamshang.

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

ISAIA 25:4

Tümüde nü a zhochihrü tsoyukpung lakheah, küpkhukrü lümthsünüchoki tsoyukpung, tsüngpungtsüngpung chingnü kurampung tüsho atak chingnü alamme lah. Tsüngkam tsüngpungtsüngpung nangde mihmukhiuh sheak amütchoki,

ISAIA 26:20

Arang, I mihtsürü, nü yo khiungshak ching yüzahang, tüsho nü dunglim ripitbo rihang; bukakhiukkhi muhoyi khiungde anükhühkheak nü jikang.

ISAIA 28:16

jumonü Atungpuh Thrünpuhnü ha thachoh, Kheahang, inü Zion ching khimtan lung khimchoh, amüzhak lung, shoto amühit-lung, mütsandakkhi khimtan: “Shepünü akinbanü müshungnim.”

ISAIA 4:6

Haju animung alam chingnü ku alampung tüsho alamme labah tüsho chinthrüm le tsüng chingnü tsoyukpung tüsho jikpung labah.

ISAIA 59:10

Isa müktukrü nangde rhü yande ajamchoh, mük mülarü nangde ajamchoh; shuhyini ching nangde animuro isa jing mükhechoh, sühmüh larü bolung isa asherü nangde lah.

ISAIA 7:16

Tümüde azübuhnü amütsü reanglopü tüsho atsü mokhitpü mümükheahyide, nünü kiulongthsürü mahne trede alakhi lomi zhikrangkhündo akambah.

JEREMIA 6:21

Jumonü Atungpuhnü ha thachoh: Kheahang, inü ha mihtsürü miki arü jing mükheshihpü jingmükhelung zojihchoh; berübuhrü tüsho tsührübo rukhühnü, yamhingrü tüsho müyamrü dükheakbah.

EZEKIEL 11:16

Jumonü thaang: Wuto Atungpuhnü ha thachoh: Inü arübo trükshih bolung limshude yüshihshih she tüsho lomi bolung ching arü hiumüzütshihshih she, arü yükhi lomibo ching arü thsungkheaknü I arüngakopung khülang lakheah.

EZEKIEL 3:20

Kheaküshe, küyimki thiyuro mihtsürü nihbuh thiyuro-lungki chingnü rholoba tüsho amütsü rhimoba, tüsho inü api müngüh jing mükhe zojihbanü api ashebah. Tümütüsho nünü api ki düh de mütha, nihbuh neak dün api shebah. Api thiyuro-lungki rhimokhi rhimo mülümkhit tüsho api thiyih inü nü khah chingnü akheangbah.

MATHI 13:57

Jumonü arünü api bahyuk. Tüshe Jisunü arü ki tha, “Wukihrü khülang ju nihbuh kiuto tüsho nihbuh yamkhün ching düna alala ching wüntre jihchoh.”

MATHI 21:44

Tüsho sherü ha lungmi kheak keambanü adütre kamde adannakbah; tüshe sherü kheak ha lung keambanü adübün kamde azünakbah.”

LUKNÜ ATHRÜTKHI THIYUSHEAK-ATSÜ HUHTANYU 2:34

Simeonnü arü müngühjih tüsho abe Mari ki tha, “Khungarü ha Israel ching ahihkhüh thsümünimpü tüsho khümkhitpü Thrünpuhnü amokhitkhi lah, tüsho azhihde athapü amütsan khülang labah,

LUKNÜ ATHRÜTKHI THIYUSHEAK-ATSÜ HUHTANYU 21:35

Tümüde alomi ching larü alala kheak ju azheang khülang nangde arübah.

ROMRÜ KILIM PAULNÜ ATHRÜTKHI KIHÜM HUHTANYU 11:35

“Yungsho anihbuh ngülopü thsüde shepünü api kilim thsambah jihkhea?”

JIHUSUA 10:7

Jumonü Jihusua tüsho api bonungrü athrünkhi lung, athrungrübo bebah Gilgal chingnü tsahmusu.

1 PETER 2:8

tüsho “Arü jing mükhebe lung khülang, arü angakshihbe lungto khülang”; arü jing mükhechoh tümütüsho Thrünpuhnü alümjihkhi nangde arünü thiyu mani.