ISAIA 8:13 - AMÜSÜH HÜM CL Bible (BSI)

¹³ Tüshe Wuto Atungpuh ki nünü amüsüh ah de lümang; nünü api ki trepü lah, nünü api ki atrearangpü lah.

ISAIA 8:13 Iomraidhean Croise

THRÜNTAN 31:53

Abraham Thrünpuh, Nahor Thrünpuh, tüsho arü jipürü Thrünpuhnü ike dükeak mahkhapshang.” Tüsho Jakobnü abuh Isak trelimnü thiyuchihchim.

MUNGSHIKHÜN 76:7

Nü lang atrepü lah. Nü bukakhiukchoki shenü nü miki zhipkhukpü la?

ABEKHIT 20:20

Tüsho Mosanü mihtsürübo ki tha, “Dütre; tümüde nüsa rüka kheahpü Thrünpuh arüdo, tüsho api trekhi nüsa miki labah, junangde nüsanü neak müyihbeak.”

ISAIA 29:23

Tümüde küyimki apinü api lung inü ajihkhi tsührübo ngübanü, arünü I mung müsühkhitbah; arünü Jakob yo Amüsühbuh Khülang müsühkhitbah, tüsho Israel Thrünpuh wüntrekhi ching zhipbah.

ISAIA 5:16

Tüshe Wuto Atungpuh a thiyuro hode shuhkih tüsho thiyuro lakhi hode Amüsüh Thrünpuh anihbuh langzünü amüsühkhi huhchoh.

EZEKIEL 38:16

amonü alomi liudokhi nangde nünü I mihtsürü Israel azhihde atubah. Ashube nimungbo ching I lomi azhihde inü nü bedarübah, O Gog, nü hode arü mükbo ki I amüsühkhitkhi huhchoki, trükshihbonü I mükheahbah.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

LEVI 22:32

Nüsanü I mung amüsüh mükhemürang düthsü; tüshe Israel tsührü bolung I amüsüh thsübah. I Atungpuh nüsa müsühkhitjihbuh;

MALAKI 2:5

Api ki I tangzüng lakhi ju rhangdung tüsho mungtsü tangzüng lakheah; ha wüntre jihshihpü lakheah, tüsho apinü I ki wüntre tüsho I mung trekhi ching zhip.

WÜHKHE 27:14

Tümüde Zin sunglo kebo ching botonü azhihde wusuchoki, nüke chidonü arü mük ki I yukhüm amüsüh de ahuhpü I yu mani.” (Meriba ju Zin sunglo ching Kadesh Kenü ah.)

MATHI 10:28

Tüsho shepünü pang laksahcho tüshe me mülaksahkhuknü dütre. Tüshe shepünü me tüsho pang chido thsümüchi ching dükheakshihpü kuklanü api treang.

LUKNÜ ATHRÜTKHI THIYUSHEAK-ATSÜ HUHTANYU 12:5

Tüshe nüsanü shepü ki trebeanü inü nüsa ki huhbah: Shepünü laksahbah dunglim thsümüchipung ching jipyukpü wu lanü api treang; am, inü nüsa ki thachoh, api treang!

ROMRÜ KILIM PAULNÜ ATHRÜTKHI KIHÜM HUHTANYU 4:20

Thrünpuhnü alokhikhi dünkheak apinü akin müniukniuk, tüshe api akin ching düküngde kam tüsho Thrünpuh müretahshih.

YUZÜNGTHALO 14:23

Tüsho nünü kingaünkhi hi, yukhu aso tüsho oliv müdangke, tüsho moshi le mihnu boto chingnü akhuh adrekhi api mung lashihpü mokhitkhi dangpung ching Atungpuh nü Thrünpuh mikinü tsühang, junangde nünü kamruhroro Atungpuh nü Thrünpuh wüntrepü mükheahbah.

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”

1 SAMUEL 11:7

Apinü moshipung mahne lubah khapthünak tüsho Israel lomi alala ching yunithsürü kheaknü arü kilim mühahde tha, “Shepünü Saul tüsho Samuel dunglim müyanbanü, api moshipung kheak ha ruk rhimobah!” Judüki Atungpuh trekhi mihtsürübo kheak akih, tüsho arü rukhüh thsübah akhiuk.