ISAIA 7:8 - AMÜSÜH HÜM CL Bible (BSI)

⁸ Tümüde Siria ku ju Damaska, tüsho Damaska ku ju Rezin. (Kam rukrükheak phüngü dükeak chingnü Ephraim niukmüzütbah, junangde mihtsürü mükhede akambah.)

ISAIA 7:8 Iomraidhean Croise

THRÜNTAN 14:15

Apinü arü azhihde azhing ching api mihtsürübo chamnak tüsho api le yamlarübonü arü zündode Damaska dukulim lakhi Hoba khiungde arü müsham.

2 SAMUEL 8:6

Judüki Damaska ching lakhi Siriarü bolung Davidnü bonungrü yambo thsü; tüsho Siriarü ju David yamlarü kam tüsho ruk hanbah arü, David yüpungbo ching Atungpuhnü akuk ngüshih.

EZRA 4:2

arünü Zerubbabel tüsho gukbo ching akubo shorubah tha, “Arüngyam thsülopü thsungkheaknü isa she nüsa lung rukhüh thsanü, nüsanü kingaünkhi Thrünpuh ju lang isanü she kingaünchoh, tüsho Asiria kiulongthsüpuh Esarhaddon nü isa ha ching bedarükhi kim chingnü kingaünchoh.”

ISAIA 8:4

tümüde khungarünü “Abuh” yungsho “Aba” de ajipü mümükheahyide Damaska lakhit tüsho Samaria ching yankhikhi kukrukbo Asiria kiulongthsüpuhnü lude atsobah.

ISAIA 9:11

Jumonü Atungpuhnü arü azhihrübo bemusu, tüsho arü riribo rhumusu,

ISAIA 9:9

tüsho mihtsürü alalanü ju mükheahbah– Ephraim tüsho Samaria ching larü–tüshe kükheangde tüsho mulong zhipzhipde arünü thachoh:

JEREMIA 49:23

Damaska dünkheak. Hamath tüsho Arpad mulong ninido, tümüde arünü thiyusheak amütsü sodo; arübo atrekhinü janiudo, arübo mükeamramkhi keto nangde küpkhukdo.

EZEKIEL 27:18

Damaskanü nü kukruk suhdahkhinü nü lung–tümütüsho mungji aban nü lakhit ato dünkheaknü– Helbon yukhu tüsho shihnamkhimnü shothsümolo.

HOSEA 13:1

Küyimki Ephraimnü asukkhea, mihtsürünü ajan; api Israel ching shuhkih; tüshe apinü Baal hode mülimkhi alü kam tüsho sheabah.